موضوع حساس

[بنت الكويت]

موضوع حساس

السلام عليكم خواتي

شلونكم، شخباركم

بصراحة انا حبيت استفسر منكم عن عدة أمور، وجاية وكل طمع بمساعدتكم لي

انا عمري 20سنة واصغر وحدة بين اخواني، وماعندي خوات، أخواني كلهم شباب، وإن شاءالله بتزوج بعد كم شهر تحديدا بشهر 8، وانا بصراحة خاااااااااااااااايفة جدا وماودي شهر 8 يجي وكل مايقرب الوقت احس بخوف أكثر، تدرون انا ماعندي خوات وما اعرف شي عن أمور الزواج الا القليل وبنفس الوقت مستحية اسأل أمي، واكثر شي مخوفني ليلة العرس واللي اٍسمعه عنها، لدرجة اني احيانا من كثر ما أفكر بهالموضوع اتمنى أن الزواج يتكنسل وما اتزوج ابدا، لأني كل ما أفكر اتخيل بنفس بهاليوم شلون راح اتصرف، وشلون راح يكون شكل هالليلة، وشنو اللي راح يصير بالضبط، وماني عارفة أسأل منو، وفوق هذا مشكلتي اني خجووووووووووووووولة بشكل لايوصف،ارجوكم ساعدوني خواتي الله يجزاكم خير

أتمنى يكون الموضوع ماتجاوز الحدود الحمراء

وشكرا

[بنت الكويت]

الله يوفقج انشالله وهذي سنة الحياة ترى
وبالعكس خلج مرتاحة وعيشي هالفترة ترى احلى مرحلة هذي
وما في شي يخوف ترى بالعكس لا تسمعين كلام اللي يقولون لج يبا هذا شغل قبل اللي جنه اغتصاب
بس الدنيا تغيرت ومافي شي من اللي تسمعينه صج
وبعدين انتي اذا حطيتي في بالج هالامور بتصدقينها
انا نصيحتي لج انج تريحين اعصابج وتاخذين الامور بسهاله وكل شي بوقته حلو
بتشيلين هم هالليلة من الحين ؟؟ مشكلة هذي
بعدين الناس يتنطعون بهالليلة وانتي خايفة؟؟
بس اذا ممكن اسالج انتوا مو مالجين للحين عدل؟
يعني اقصد الريال للحين ما عرفتيه ما كلمتيه ولا قعدتي معاه؟؟

[بنت الكويت]

ترى كلنا فكرنا وحاتينا
بس راح تكون الليله ابسط من تفكيرج
واهم شي تكونين مرتاحه..وخلي الامور طبيعيه
وانشالله يكون زوجج رومانسي وحنون واخلاقه حلوه
الله يوفقكم

[بنت الكويت]

شوفي حبيبتي مثل ما قالت نفيشه ولا اتفكرين بالموضوع وايد ولا تعطينه اكبر من حجمه
لانج مهما فكرتي فيها ما راح تتخيلينها بالعكس راح تتعبين زياده وهذي سنه الحياة وما شاء الله الحين البنات يتزوجون وي عيلون اذا من اول ليله خايفه عيل اشلون الولاده
فكري بليله ورديه رومانسيه ولا تخافين

[بنت الكويت]

حطي في بالج هالليله راح تكون فيها تعارف على زوج المستقبل حطي اسألة راح تسالينه شنو يحب شنو يكرهه شيلي من بالج فكره هالليله لان مستحيل زوجج بفكر بشي بهالليله غير انه راح يسولف معاج وبيعرف طبع زوجته وسوالفها وكلامها المهههههههههههههم في هاليوم انج لازم تكونين على طبيعتج من ضحك وسوالف ونكت لاتكونين خايفه لان اصلالا ماراح يكون في شي
وترا الرهبه بسسس اول ماتدخلييين باب الغرفه ولا عقب خلالالاص كل شي يصير طبيعي وعفوووووووي

[بنت الكويت]

حاولي تتخلصين من الخجل الزايد تراه دمار لان الريال يحب الوحده الي تضحك وتسولف وحركات انوثه عشان تاخذين قلبه من اول يوم ..

صح الشغله صعبه بس اضغطي شوي على نفسج وحاولي توخرين عنج الحيا ..

صح الحيا مطلوب والريال يحب الوحه الخجوله بس مو عاد بشكل ماصخ ..

وبالنسبه لليله الاولى لا تحاتين ابد سهاااااله صدقيني ريلج ماراح يقرب لج الا لما يشوفج مستعده ومو شرط من اول ليله في ناس قعدو يومين ثلاث على ما تاقلمو على بعض يعني حسب الريال والمره وتفاهمهم مع بعض ..

يعني انتي ممكن تطلبين منه بادب وبطريقه حلوه انج تستحين وخلها باجر ومن هالحجي ( اذا شفتي نفسج كلش مو قادره ) امام اذا عادي توكلي على الله لانه الريال هم ما صدق يتزوج ومتهيء نفسيا لهالليله ..

وتذكري الموضوع سهل ويتم بتفاهم .. وخليج من حجي الحريم الي يخرع كلنا تعقدنا قبل الزواج وعقب الزواج نتفاجىء ان الحجي الي سمعناه كله مبالغه ..

هونيها وتهون انشاء الله ..

والحين فكري بتجهيزج وبلبسج وكشختج للعرس وخالي باجي الامور على الله ..ما يمنع انج تخططي للموضوع لاكن التفكير والمحاتات الزايده ما منها فايده ..