موضوع حق كل الأكلات اللي فيها كريمه

من طرف نوف الإثنين سبتمبر 13, 2021 10:33 am

أنا حبيت اسوي موضوع حق كل الأكلات اللي فيها كريمه
أنا الوصفات اللي عندي بحطها واللي عندها وصفه يريت تحطها
بس اليوم بنقلكم طريقة فيوتيتشيني من عالم حواء شكلها يشووووووووووق ودي أسويها
اللي عندها طرق حلوه للمعكرونيه أو الدجاج أو الأي شئ فيه كريمه تقولنا عشان أنا أموووووووووووووووت بالكريمه

نبدأ المقادير الكريمة

كأس جبن الكبير مليان الى اخرة ماء او ممكن استخدام ماء سلق الدجاج واستغني عن مكعب مرقة ماجي
بصلة مفروووووومة ناعم
ملعقتين زبدة
علبة كريمة خفق
مكعب ما جي الدجاج واحد

الطريقة :

احمص البصلة على النار مع الزبدة لما يذبل البصل
اضيف علية كأسين الماء
ومكعب مرقة ماجي الدجاج
وعبلة كريمة الخفق الى حد ما يغلي
واتركة على جنب الى حد ما تخف حرارتة
واحطة في خلاط العصير
ولحظة تكون الكريمة في الخلاط
اخلط ملعقتين طحين نشا في ملعقتين ماء بارد
واخلطة عدل الى حد ما يذوب النشا واضيفة على الكريمة في الخلاط
وبعد ما اخلها عدل اشخلها عن البصل

المقادير:

صدرين دجاج اسلقهم واضيف لهم ملح ولما تنضج اقطعهم مكعبات صغيرة

6 دوائر معكرونة الفوتوشيني مثل السباقيتي بس تكون عريضة شوية اسلقها في الماء ولما تستوي اشخلها عن الماء اللي فيها واتركها على جنب

نص ملعقة فلفل اسود

نص علبة مشروم مقطع شرائح

واخيراً الطريقة النهائية:

احط في قدر كبير شوية الدجاج المقطع
ونص علبة المشرووووم
ودوائر معكرونة الفوتوشيني
والفلفل الاسود واقلبهم قليل اضيف لهم خلطة الكريمة
واحركهم قليل
واضيف لهم الجبن المبشوووور
واتركهم على نار هادئة شوي الى حد ما يذوب الجبن

اصبها في بايركس واقدمها وهي ساخنة
وهذي الصوره النهائيه:

هذي طريقة الأخت كمبوتشا وصراحه من ذقت طريقة الحلو مالها أحس كل أطباقها روعه
وأنا أموت بالكريمه يمي يمي يمي (تره ريلها مستانس على الطعم شدو حيلكم يا متزوجات)
بس بما ان ما عندي ريل بسوي حق عمري خخخخخخخخخخ

أماأنا طريقتي بالمعكرونه بالكريمه غييييييييييييييييييييييير
وفيها وايد تخبص بس تطلع اتينن
المقادير:
معكرونيا (حسب الكميه)
نص بصله مفرومه
نص طماطه مفرومه
فصين ثوم
مشروم _ذره _دياي مفوح ومسحب
شبنت وبقدونس شويه من كل واحد
بهارات(مكعب ماجي وكاري وملح وفلفل وبابريكا للي عندها)
الصلصه البيضه:
علبة كريمة كي دي دي
قيمر كي دي دي الصغير
قفشتين ماسترد + قفشتين جبن كرافت القلاص
موزاريلا
الطريقه:
نفوح المعكرونيا ونجففها من الماي ونخليها على جنب
نفوح الدياي ونسحبه
نحمس البصل والثوم لين يذبلون بعدين الطماط والمشروم والذره بعدين أفتت عليهم الماجي(أحط نص وحده)
أحط الدياي وأحمسه شوي بعدين احط الخضرا
أخلط مقادير الصلصه مع بعض ما عدا الموزاريلا وأحط المعكرونيا على الحمسه وعلى طول أصبهم وأحرك بعدين اقصر النار وأغطي الجدر وأخليها تتشرب شوي المعكرونيا حوالي 5 دقايق

بعدين أبطل الغطا وأحط وايد موزاريلا (طبعا حسب الرغبه بس أنا أحبها وايد) وأطفي النار وأحطها بصحن وتصير يمي يمي يمي
أحلى معكرونيا اتيين
شكلي بروح أسويها
بس إذا سويتها أحطلكم الصوره
وبعدين بحطلكم طرق أشياء ثانيه شوربات بالكريمه ودياي بالكريمه بس بعدين لما أنتوا بعد تحطون وصفاتكم
عاد لا تفشلوني كتبوا أي وصفه عندكم نبي تفاعل

من طرف نوف الإثنين سبتمبر 13, 2021 10:33 am

هاذي طريقة شوربتي بالكريمة ...

المقادير :
شوربة خلاصة الدجاج من ماجي
مكعب خضار ماجي
خضار مسلوقة (جزر - زهرة - بطاط - ذرة ) او ممكن قطع دجاج أو مشروم .... كله حلو
رشة كريمة كي دي دي

الطريقة :
تسوين شوربة خلاصة الدجاج عادي ... 4 قلاصات ماي مع الشوربة وبعدين تقصرين الجولة ...
تحمسين الخضار مع شووووية زبدة ومكعب الماجي ...
ممكن تضيفين شوية بقدونس بعد يطلع حلو ...
بعدين تحطينهم على الشوربة مع رشة كريمة ...
تطلع لذييذة وطعم الكريمة مو وايد قوي فيها

طريقة الجريش باللبن عالم حواء

طريقتي في الجرييش من أمي الله يحفظها ويرزقها وكل من ذاقه ادمن عليه

قطعي بصل صغير وبدون حمس حطي معه ملعقه كمون صغير وملح حطي عليه الماء حتى يفوح واغسلي الجرييش وحطيه على الما والبصل وخليه لين …

طريقة الصينيه

دجاج مقطع منزوع الجلد ومغسول بالخل والطحين منيح

طريقة الجريش باللبن عالم حواء الكويتية

جريش عالم حواء الكويتية

…

طريقة التحضير والتجهيز لعمل برجر الدجاج

مقادير برجر الدجاج

جريش ابيض باللبن|مطبخ كويتيات

دجاج لذيذ

دجاج لذيذ ومحمرة ولا اروع

مقادير كيس الجمبري

كيف تسوين الروبيان بالكيس الحراري بالمنزل مثل الشيفات - مطبخ كويتيات بنات الاحمدي

100 جرام من الزبدة.

ملعقة كبيرة من الثوم المفروم.

ملعقة كبيرة ملح.

ملعقة كبيرة فلفل اسود.

ملعقة كبيرة كزبرة.

ملعقة كبيرة …

موضوع حق كل الأكلات اللي فيها كريمه