عمليه تنظيف البشرة في البيت

[مشرفة كويتيات]

عمليه تنظيف البشرة في البيت

طريقة تنظيف البشرة في البيت طبعا اللي علمتني اياها خبيرة الاعشاب منى الجميع وانا الحين بعلمكم الطريقة

الادوات

زيت زيتون اصلي - شوفان مطحون ( كويكر ) - سكر خشن - ليمون - روب - قطنة - ماء ورد - فوطة قطنية صغيرة - بكرة خياطة بيضاء - جهاز بخار للوجة

الطريقه :

1 - غسل الوجهه والرقبة جيدا

2- نضع البخار على الوجهه والرقبة لمدة 25 دقيقة

3- زيت التنظيف على الوجهه والرقبة لمدة 10 دقايق ....... طبعا انا ماخذة زيت التنظيف مستخلص من الاعشاب الطبيعية من الخبيرة

4- بعدين ناخذ بكرة الخياطة البيضاء ونشد الخيط على الوجة ونسحب الخيط من تحت الى فووووق ونغط على الاماكن اللي فيها رؤؤس سوداء الى ان يطلع الوسخ كلة من البشرة وكل ما شفنا الخيط صار له رمادي غيرية بعد ما تخلصين التنظيف بالخيط

5- نخلط سكر خشن ربه استكانه + عصير ليمون ربع استكانه + زيت زيتون ربع استكانه .. وندلك الوجهه والرقبة عدل لمدة عشر دقايق

6- غسل الوجهه بالغسول اي غسول عندج بس تنظيفينة من بعد الزيت ....... انا استخدم غسول من الخبيرة

7- تمرير مكعبات ثلج على الوجهه والرقبة

8- قناع مكون من ملعقتين شوفان مطحون + ملعقتين روب + قطرات ليمون ... تخلينة الى ان يجف القناع على الوجهه بعدها تشيلين القناع بماء الورد بقطنة ...... بس لاتغلسين ويهج بالماي لااااااء تشيلين القناع بقطنة من ماء الورد

9- اخر مرحلة اللي اهية القناع الطيني ملعقتين من الطين + ماء ورد الى ان تتكون عجينة متماسكة ونضعها على الوجهه الى ان يجف وبعدها نغشل الوجهه والرقبة بالمااااااء




طبعا كل الخطوات اللي كتبتها فوق كل شي تسوين للوجهه تسوين الرقبة معاه


اللي بشرتها عادية او مختلطة تسوي هالطريقة كل 15 يوم

واللي بشرتها دهنية تسويها كل 10 ايام


.................................................................................................

واللي حابه تعتني في بشرتها يوميا بالاقنعه الطبيعية

تحط يوم وترك قناع الشوفان او اذا حابه تحطة يوميا افضل وراح تلاحظين ان لمة تشيلين هالنقاع تشوفين ويهج لونة احمر !!!!! لان يسبب تحرك الدورة الدموية ويساعد على تورد الخدين

معروف الشوفان والروب في التورد وانا استخدمة كل يوم وترك ويوم احط فيه عسل يعني يوميا اسوي اقنعه

[مشرفة كويتيات]

صج نسيت اقولكم ابيكم تستعملون صابونة الكركم او صابونة حبة البركة

قايدتها = شد البشرة والجسم = النظافه = البياض


وبعد ابيكم تحطون حليب كرنيشن او حليب بوني طبعا حليب بوني مو بالكويت موجود بالسعودية لكن البديل له كرنيشن

تحطونة على الوجهه والرقبة يوميا ...

طريقة : تحطين كرنيشن مقدار ملعقتين في صحن + قطرتين من الليمون


وخليه الى اكبر وقت ممكن على الوجهه والرقبة

انا ماراح اقولكم شنو فايدتة ابي كل وحدة تستعملة والقناع على وجهها شنو تحس فيه