زوج يخون زوجته شنو الحل معاه

[هيٍبَـﮧ مَﻠكه]

زوج يخون زوجته شنو الحل معاه 

السلام عليكم
بما اني احبكم واموت في المنتدى والله شاهد احسه انه بيتي
عندي رفيجة عمري في مشكله
احترت في حلها ووعدتها اني انشرها لها في المنتدى وكلنا كويتيات ونعرف شلون نحل مشاكل بعضنا البعض ما اطول عليكم

القصة وهي

رفيجتي متزوجه من جم سنة وخلال هالسنوات القليلة خانها زوجها مرات كثييره بعضها شافتها بعيونها وطاحت عليه والبعض الله ساتر عليه

تقول مرات تنبش في تلفونه تلقاه يكلم بنات ويطرش لهم مسجات وحب غرام ويسولف معاهم

مرات تلقاه بالنت عنده علاقات وتتطور وتوصل للتلفونات
وهذا اللي تدري عنه غير اللي ماتدري عنه
وكل ماطاحت عليه صارحته وماتسكت له وتبجي وتصرخ وتحلف ووتكفر انها خلاص ماراح تسامحه

اهو يبجي ويحلف انها زله واخر مره وتوبه
مع انها مو مقصره معاه باي شي وماعليها قاصر

حب وغرام وعشق وهيام ودلع وولع وحاطته فوق راسها والكل يشوف هالشي وعارف هالشي وتقول بعد حتى بالفراش مو مقصره معاه على اخر الموضات والفناتق

المهم صارله فتره طاخ ماعنده سوالف سبحان الله حتى الانترنت ماقام يدخل

ذاك اليوم فتحت الكمبيوتر تبي تطبع موضوع حق الدوام الا تلقى شات مخزن باسمه
الا فيه سوالف مع بنت ويدل على ان هالشي من زمان وتحلف انها ماتشوفه يقعد على الكمبيوتر ابد بس الظاهر على قولتها يستخدمه بره البيت وذاك اليوم ماكان رايح الدوام وشابك ومكلم رفيجته اللي تعرف اسمه وعليهم سوالف اهي وياه تقول كله قلة ادب ويوصف جسمها ويتغزل فيها وويوعد بطلعات وانها ماراح تنساه ابد ولا تقدر تقارنه باي رجل ثاني لانه فلته مالت على الباميه الخايسه ام السناسين

والحين رفيجتي تهاوشت معاه وطلعت وخمت اليهال وراحت بيت اهلها
وصارلها يومين حاقرها ودق عليها وقال ما اقدر اعيش من دونج ومن دون اليهال
احقرته ومحتاره شنو تسوي
تحبه بس تبيه يتأدب لان وايد وايد طاحت عليه وكل مره يحلف ويطق على المصحف ويرجع لسوالفه

تدخل اهله ....؟ قلت لها قويه ابوه ريال كبير مو حلوه هالسوالف هذي تنقال له

وانا احترت معاها وقلت لها فعلا محتاج انه ينقرص واهلها منصدمين شفيج يا فلانه عسى ماشر قالت لا بغير جوو بقعد عندكم جم يوم
وين فلان مسافر مع الدوام عنده شغل وانا مابي اقعد بروحي علشان جذي بقعد عندكم

والحين شنو تسوي شتنصحوووونها انا ماقدرت اقولها شي غير انه لازم تقصرينه وانها ماتنعاد السالفه لانها مع الوقت يمكن تتطور وتصير طلعات ونومات وخرابيط اكثر ويمكن يتزوج بعد اذا اهو جذي


؟؟؟؟؟؟

ناطرتكم

[هيٍبَـﮧ مَﻠكه]

 ريلي فقع مرارتي قولولي شسوي معاه ؟