ريلي فقع مرارتي قولولي شسوي معاه ؟

[هيٍبَـﮧ مَﻠكه]

ريلي فقع مرارتي قولولي شسوي معاه ؟

كويتيات انا بدش سيده بالموضوع

ريلي حيل هادي وخجول واحسه يستحي يتعامل معاي جدام اهلي او اهله مع انه لمن نكون بروحنا يقولي كلام حلو والبوس وجذي .... الخ الخ الخ

يعني مثلا لاحظته مره كنت رايحه بيتهم وكنا انا وياه قاعدين على السرير بغرفة اخته وماسك ايدي بس قاعدين عادي نسولف بس لمن سمع صوت امه حسيته خاف انها تشوفنا مع بعض وتفكر بشي ثاني فبسرعه قام وسوى روحه بيروح يكلمها

ومره كنا بنروح فوق غرفته وامه وخواته بالصاله فقالي انا بصعد فوق وانتي عقب 5 دقايق تعالي بط جبببببدي حسسني اني مو زوجته جنه يواعدني بالسر ولا بالحرام

ولمن نكون في الغدا لمن نزور بيت يدي يقهرني مايسولف معاي وايد
ولمن اكون هناك سابقته ويدش عقبي ما يسلم علي يسوي نفسه شبعان مني معني ادري والللللله انه ميت من الشوق
ولا يمسك ايدي ولا يقعدني يمه ولا كأني مرته تشوفوني انا اللي اراكض وراه عشان جدام امه واهله لا يقولون ما تعرف تعامل ريلها
ولا مثلا لمن اكون قاعده بعيد عنه واهو يبي يكلمني ولا يبينا نطلع او شي ما ايي يقولي بكل سهوله ولا ينادني !! لا يقعد ينطر ينطر ينطر ينطرني انا التفت عليه عشان يأشرلي ولا يدزلي مسج بالتلفون ماجنه انا وياه بنفس الصاله

كل هذا لان ما يحب لفت انتباه احد علينا لمن يقعد يناديني

ولان ما يحب يلفت انتباه احد صاير شبه مختفي بالصاله معنه موجود معانا لان ما يتكلم واذا تكلم يكون بصوت واطي وحتى تلفونه يحطه عالهزاز عشان ما يرن واحد يلفت عليه واذا بيناديني يدزلي مسج واذا يبي شي وماكنت يمه يقوم اهو يتعنى ياخذ الشي فما يطلبني

وانا اشوف اخوه اللي اهو حماي مع مرته ماشاءالله يسولف ويضحك ويتغشمر شوي يقرصها وشوي يتل حجابها على ضحك شوي يدلك كتوفها عالماشي ويتناقش وياها ويطلب ويكلم هذا ويكلم هذي ويقوم ويسوي كل شي والكل يحب يسولف معاه وتلفونات كل ساعه عالاقل انسان مكانه بارز يفقدونه لي غاب عنهم ولا ريلي حبيبي مادري لي متى جذي يظل ساكت وهادي حتى مره وحده شافتنا تقولي ليش جذي انتي وريلج ما تسولفون ولا شي والله يقهر على طبعه

واهو جذي كل مكان بالسوق بالمطاعم مع اهله وازيد مع اهي

مادري يعني في قلبي سوالف وايد ودي اقولها شرايكم انتوا ؟؟