شلون تحافظين على جمالج اثناء الحمال؟تعالي اقولج

[العيون الخليجيه]

كنت اتصفح بأحد المنتديات وقريت موضوع شدني وايد وحبيته وحسيت انه فعلا مفيد وممكن يفيد الحوامل الله يقومهم بالسلامه انشالله الموضوع للامانه لأحد الخوات جزاها الله خير ..
وما كان لي غير النقل فقط..
ادعولي بنات الله يرزقني بالذريه الصالحه …

اهم المشاكل الي اتصير للحامل اهي:
1- الكلف
2- اسوداد بعض الاماكن مثل المنطقه الحساسه والاندر ارم والرقبه وتحت العين
3-حبوب متفرقه بالبشره
4-جفاف كبير بالويه والجسم او تتحول بشرة الويه الى دهنيه بحته
هذي اغلب المشاكل الي اتصير للحامل وصارتلي انا بأول فترة ولله الحمد بفضل الله ثم بفضل منتداي الي استفدت منه بوايد من تجميع للخلطات والصوابين بشرتي حافظت عليها وللحين نضره تبارك الرحمن
وبقولكم كل شي خطوة بخطوة

أولا- العناية الداخليه:
*وتكون بالتغذيه الحلوة انا ماامنعج اكلي كل الي بخاطرج بس اهم شي بعدي عن الدهون لان الي بشرتها دهنيه مثلي راح تطلعلها حبوب ونفرات صفار بوبهها طبعا من كثر مااكل ككاو وهالفترة خففت منه


*شربي ماي وااااااااايد انا مااحب الماي بس اغصب نفسي فيه وشوفي بشرتج شلون تورد
لان كل ماشربتي ماي راح تروحين الحمام عزج الله وتطردين السموم كلها من جسمج
*شربي كل يوم عالاقل كوب كبير مع قفشة عسل عصير برتقال فرش واذا ماكو اخذي فلوريدا ناتشورال او المراعي من الجمعيه هذولا اقرب شي للطبيعي وانا اشرب الصبح مع الريوق والضحى والمغرب ومرات بليل يعني تقريبا 4 مرات
وفايدته عجيييييببه للبشره وكافي يخلصج من الامساك الي يعانون منه الحوامل بس هاا حطي بس مرة وحده قفشه عسل باليوم لان كثرة العسل مو زينه عشان السكر
خليجية
*الباجي كلكم عارفينه كثرو من السلطات والفواكه بين الوجبات
*واهم شي بنات لا تنسون فيتاميناتكم واحلا واهم فيتامينات استخدمهم(بريقنا بلان طول فترة الحمل وبعده فيه فيتامينات متنوعه- الحديد نوع تريهيمك – كالسيوم) ضروري كل يوم
خليجية
خليجية
خليجية

ثانيا-العنايه الخارجيه:

وراح ابدي من فوق لي تحت

*شعري انا لان مصبوغ مو قاعده احط لا خلطات ولا شي لان شي طبيعي عقب الولاده راح يطيح وايد
فأفضل شي بس قاعده احطله مو اقل من نص ساعة زيت اللوز الحلو للشعر ينعم الشعر حيييل
او زيت جوز الهند براشوت صالح للاكل
هذا قبل كل شاور لو نص ساعه بس حطيه وغسليه بشامبو وعقب استخدم حمام زيت فاشكول بالعسل نعووومه وما يخلي الشعر يتشابك ولما اخلص من الشاور انشفه بالفوطه شوي بعدين احط نتفه من كريم بانتين بديل الزيت في ايدي وافرك شعري فيه
وشوفي النعومه وشلون شعرج حرير بعدها
خليجية

*بشرة وبهي انا حيييل دهنيه خدودي وخشمي بس صوب يبهتي وحنجي ناشف شوي
احسن شي لهالبشره صابونه اتعب واقول عجييييييبه يا بنات وادعي حق الحواي الي علمني عليها وعلمت خواتي عليها مستانسين حييييل منها
اهي صابونه المر والكركم وطبعا مو بكل حواي اتحصلونها انا اخذها من حواي الصبوحه بالاندلس او من محل الشركه مالتهم بالفروانيه
بنات بس تطلعلي حبه ثاني يوم مختفيه لان اغسل يوميا اول مااقعد فيها وتفتح بنفس الوقت وتنشف الحبوب
خليجية
*وغسولي الثاني حق المكياج وخفيف عالبشره جونسون للبشره الحساسه الي فيه حبيبات تقشير
خليجية
*والتونر العجيييب الي ينظف بعد غسل المكياج اهو من هملايا كل يوم امسح فيه اكثر من مرة
خليجية
*واسكينول الخيار مرة بالاسبوع لان كثرته تخلي البشره حساسه

*بالنسبه للماسكات انا تقريبا يوميا احط ماسك والمكون الرئيسي فيه اهو((( الرووب))) لان عجييب للبشره خاصه اذا صار بارد
يعني يوم احط روب وعسل
او روب شوفان مطحون
او روب ليمون
او روب ترمس وعيش مطحون يعني تقدرين تنوعين اتحطين كل شي وانا هذي خلطاتي مع الروب
وصج اهم شي بنات البشره اتكون نظيفه وتسوين سنفره خفيفه انا سنفرتي حليب بودر+شكر+جلسرين من الاخت انل
*ماسكي الي مرة بالاسبوع من الاخت اعتقد اسمها ورده سلفر اهو طين خاوه+حبة اسبرين+ماي ورد+مرة مطحونه طبعا هالماسك ينشف الحبوب ويشد الويه وحلو حق بعد الحف ومرات يكون كافي طين الخاوه مع ماي الورد عجييييب
* ماسك بين فترة وفترة احطه وكاني حاطته الحين ههه اهو من الاخت انل مكون من سنفرة كاب+ زيت لوز مر+حليب بودر+ وشوي دم الغزال صج صج يورد البشره ويخليها ناعمه
* حق تحت عيوني بين فترة وفتره ابشر خياره وبطاطه نااعم وازيدهم ماي ورد اغمسهم بقطن مدور واحطه بالفريزر لما يثلح طبعا يشيل كل التعب من العين ويخفف السواد
وامسح مكياج عيوني بهالمزيل بنات رووووعه انا كانت صايرتلي حساسيه بجفني من الكحل وعطاني الصيدلي هذا قالي امسح فيه المكياج وراح يروح الحساسيه الي بعيني ومن عقبها مااستغنيت عنه حتى و مافيني حساسيه يمنع ان اتصير فيني ويحمي الجفون وما ينشف
خليجية
*شفايفي اسويلهم سنفره مع ويهي ومااستغني عن الحمره السحريه قبل النوم
خليجية
*الماي ورد ضروووووري في بخاخ وارشلاش ويهي بعد كل غسله لازم وطول الوقت حق النضارة والانتعاش
*حق جسمي سويت صابونيه من تجميعي وخلطت فيها الي ابي بس نفس طريقة صابونيه حبيبتي انل وكرستين ستورم يعني مكونه من صوابين+خلطة بودرات الي تناسبج+خلطة زيوت+سنفرة
واذا تبوني اكتبها انا حاضره واطبعا اتفرك فيها بليفة بودي شوي وكل مرة يطلع لون مني مع اني اتسبح يوم وترك بس لانها عجيبه وتنظف حيل
*اسوي سنفره حق جسمي وتخلي الجسم حريييير اهي شكر وليمون وزيت زيتون هذا بعد الصابونيه عشان يرطب الجسم وعقب مااخلص من الشاور ادهن جسمي كله بجل جونسون البرتقالي واااي يهببببل ريحته اتينن
اهم شي ترطيب الجسم للحامل بنات عشان يمنع التشققات وهذا ترطيبه قووووي
خليجية
* اهم شي حق البطن وتنسين شي اسمه تشققات الترطيب الدائم
طبعا حق البطن والارداف والظهر والفخوذ
انا خالطه هالزيوت ويوميا احط منهم ومتى ما حسيت ان نشف اروح احط وانوع بينهم
الخلطه(اكثر شي زيت زيتون+جم حبة فيتامين اي+ زيت خروع+زيت لوز حلو ومر) وتقدرين تشيلين واتحطين الي يناسبج بس اهم شي زيت الزيتوووون
_زيت بايو اويل معروف لتشققات
يعني مرة حطي الخلطه ومره بايو اويل
حتى فازلين حطو
خليجية
*المنطقه الحساسه تحتاج ترطيب وتهويه واتصير وقت الحمال ناشفه حيل وهذا يسبب السواد
عشان جذي تحتاج وقت الشاور سنفرة الي اهي شكر وليمون وزيت زيتون
والترطيب يكون اما زيت زيتون بروحه واايد حلو لما احطه ويتشرب البشره
او خلطة انل انا مسويتها(درابولين+زيت لو مر+بيبانثين)
وتقدرون ترطبون بالكريم او الزيت الي يناسبكم بس انا هذا الي استعمله وحيل مناسبني
وبعد مرة بالاسبوع مووو اكثر او وانتي بالحمام قبل الشاور مسحي المنطقه باسكينول الليمون او اي نوع يناسبج وشوفي السواد الي راح يطلع بس هااا مسحيه بمااي عقبه على طول او تسبحي بعده لان مو زين يظل على هالمكان مدة طويله او ينزل عالشفرين من داخل يسبب تهيجات وصارتلي من قبل لان مااغسله

*كريمات الترطيب حق بشرتي بليل كريم الليل من لوريال ترطيبه خفيف للبشره الدهنيه وصاير نفس الماي
خليجية
*بالنهار اول شي لازم احط حماية من الشمس ماركة اوباجي مستحيل اغيرها من سنين وحمايتها وااايد حلوة
خليجية
بعدين عقبها المرطب النهاري ماركة غارنييه بالليمون وفي نسبة حماية يهبل ويغنيني عن كريم الاساس مااحط كلش
خليجية
*بالبيت وانا قاعده احط مرات مرطب غارنييه ومرات كريم ايفا بي وايت مال النهار هم وايد حلو وجنج حاطه فاونديشن وفيه نسبة حمايه
خليجية

*الاندر ارم بنات حاولو كثر ماتقدرون تقللون استخدام الشيره لها لان يسبب سواد بس مو معناته ما تشيلون خخخخليجية لا انا بين فترة وفترة طويله استخدم الشيره بس البديل العجيب حقها اهو مكينة براون
ادري بتقولون يعور بس اذا كان توه الشعر طالع مايعور وراح تتعودين ويطول على مايطلع الشعر
عقبها غسلي ماي بااارد ولا تحطين شي عليها نهائيا لما تتسكر المسام حطي سودو كريم وااايد حلو يقلل العرق ويفتح وما يخلي الابط يحسس من شيره او مكينه
انا عندي نفس هالمجموعه بالضبط تونس كل شي فيها وحتى عقب مااشيل المنطقه الحساسه بشيره يظل شعر ما طلع امرر المكينه عليه ما تظل ولا شعره
خليجية

وبسسسسسسسسسسسسسس .. خليجية
بردوا قلبي بالردود…
وضيفوا تجاربكم علشان كل بناتنا يستفيدون ويدعون لكم ..