أبي حلو سريع التحضير

[نوف]

أبي حلو سريع التحضير 

ياتج المنقذه ....

المقادير :حلو سريع التحضير

كرواسان ساده تقصصينه الى 3 اقسام وتصفينه بالبايركس على شكل دوائر

صلصة 1:
نص علبة حليب نستله الكبيره
علبة قيمر
1 ملعقة كبيرة ككاو بودر
1 ملعقة كبيرة دارسين مطحون
شوية ماي


تخلطينهم بالخلاط وتصبينه فوق الكرواسون وةتخلينه شوية علشان يتشربه واذا تحبين تحطين فوقه شوي جوز مفروم


صلصة 2:
النص الثاني من الحليب النستله اللي ما استخدمتيه
6 حبات جبن كيري


خلطيهم بعد بالخلاط وصبيه فوقه وزينيه بالجوز المفروم وصخنيه شوي قبل التقديم اينن لذييييييييييييييييييييييييييييييييييييييييييييييييذ وماياخذ منج حتى ربع ساعه

[نوف]

جربو كيكة الكريم كراميل

اسهل منها ماكو

اتيبين توست وتقصين اطرافه وتحطينه بالماعون

وتسوين الكريم كرميل عادي وتصبينه فوق التوست

اذا دخلتي الثلاجه يصك مع التوست ولا يبين

تقصينه جنه كيكة يهبل

[نوف]

اي بيتوتيا اهيه دسمة بس حلوة لأن النستله ثقيل عاد انتي زدتيها آرو اكيد صارت اثقل ...
جربيها بدونه واذا ماتحبين شيرتها وايد قللي النستله يعني حطي شوي وذوقيها اذا تبي بعد زيدي تصير اخف ...


بنوته تصدقين سهله كيكة التوست وشكلها حلوة بس تنوكل حارة والا باردة ؟

[نوف]

تبون حلو سريع وطعمه لذيذ ابد جنه اللي يقدمونه بالفم\نادق وشكله ابوالذرابه

الله يسلمكم اشترو اوريو قد ماتقدرون
ومسكو البسكوته وقسموها قسمين
ولاتنكسر
وحافظو علي الابيض اللي بالنص علي وحد من الويوه ولاتشوهون شكله


وسوي الخلطه الاتيه
علبه قيمر + كريم كراميل + جيس دريم ويب + كريمه كي دي دي الحمرا وشويه شكر وخلطيهم بالخلاط عدل مدل مدل
وفتفتي الاورويو ( الويه الثاني السادي ) حييييييييييييل لين يصير بودر كلش ملش
وخلطيه بخطلتج وحطي قفشتين نسكويك او ثلاث انتيو وذوقج اكشثر تحبين الكاكاو
وبعدين يبي مالت تزيين الكريمه (الراس المشرشر عاد مادري شلون اشرحه)
وحطي الخلطه فيه

وبعدين فوق كل اوريوه صبي شويه من الخلطه علي شكل ورده يعني ابتدي من بالنص داخل وسوي دائره ودائره فوقها اصغر منها وبس يعني الشكل الحلزوني بالضبط
وحطيه بورق بلسيه شوفي شلون شكله

وطعمه لذيذ اذا انتو من عشاق اوريو نفسي
وينو عليه الناس
محد مصدق انه تسويه بيت