لذويقة الشاي,,,الشاي التركي

[بنت الكويت]

لذويقة الشاي,,,الشاي التركي

الشاي التركي - لذويقة الشاي

--------------------------------------------------------------------------------

السلام عليكم

ودي اتكلم عن شي حلو، استانست عليه بالسابق وقعدت ارتاد المطاعم التركيه عشانه وهو الشاي التركي، ودائما احس بطعم مختلف فيه، وشائت الصدف اني اشوفهم يصبونه لي، واستغربت، ان الشاي ينصب من ابريقين، الاول كبير والثاني صغير نسبيا !

وبعدين استوعبت للطريقه، وبعد عدة تجارب قدرنا نسويه في البيت ونوصل لدرجة ضبط الطريقه التركيه فيه.

وهنا الطريقه:

عمل شاي عادي في ابريق مع زيادة ورقة الشاي حتى يكون الشاي اسود غلمق ومر جدا (عاقد) وطبعا من غير سكر.

تسخين ماء ورد (مائ زهر) في ابريق اخر حتى يصل مرحلة البخار.

نصب ربع القلاص او السكانه من الشاي العاقد (الاسود)
و ثلاث ارباع القلاص من ماء الورد.

وبعدها نستطعم الشاي التركي الجميل، وطبعا كييفة الشاي راح يستمتعون فيه.

حسب معلوماتي هناك معدات تأتي جاهزه لتجهيز الشاي التركي.



بصراحه ماأشرب الشاي ولا أواطنه ولكن زوجي مدمن شااااااااااي

[بنت الكويت]

طريقتهم نفس طريقه الجاي العراقي
والقوووري اللي يسوون فيه اسمة سمااور
اللي يصير على طبقتين ماعون تحت فيه ماي حاااار واللي فوقة القوري اللي فيه الجاي

[بنت الكويت]

السماور عباره عن قوري فوق قوري ... يعني القوري اللي تحت يكون بدون غطا وينحط فيه الماي الحار والقوري اللي فوقه عادي بغطاه واهو اللي فيه الجاي ... واكيد الشكر اذا تبين تحطينه بالسكانه