شنو يعني شنه أو اشنه " الشيبه " و هرري

[بنت الكويت]

شنو يعني شنه أو اشنه " الشيبه " و هرري

قوه بنات

كل ما دورت على موضوع قهوه تطلع لي هالاسامي

و لما يسئلون البنات شنو الأشنه يجاوبون الشيبه !!!! أنا خل اعرف الثانيه علشان اعرف الأولى

و من وين اييبها ؟؟

و البن الهرري !! شلون تلفظ ؟ harrary والا Herrary

يازين و انا جني ابلهه عطيات اطلب شي بلفظ غلط

بعدين من وين اطلب اساسا هالهرري

بنات عفيه .. اختكم تكره القهوه و الحمدلله و الشكر فجأه قمت اموت فيها

لوما علي الدوره جان شكيت اني حامل

يالله انقذوني

شكرا مقدما

[بنت الكويت]

بس القهوة هاراري هذه خووووش قهوة
وتلاقينها بالشويخ يم سوق لندن فيه محلات يبيعون رطب الحواس والملكي ... وايد محلات يم بعض تلاقين عندهم كل شي
وعندج القهوة النيبارية والقهوة الحبشية ساليهم وجربيهم راح يعجبونج
واذا تبين قهوتي دزيلي عالخاص وانا اييب لج افا عليج ابلاش ترى
خخخخخخخخخخخخ

[بنت الكويت]

حبيبتي انا قهوتي بن هريري
قهوة عربية نوعيتها يمينية وحبتها مو نفس البن العادي كبيرة هذي حبتها صغيرة مرة
وغالية والمكان اللي تنباع فيه عندج بن نسيم الصباح في الفحيحيل والفرع الثاني بجمعية الصباحية


والشنه هذي بهارات تضاف للقهوة وتلقينها عند العطار كل العطارين يبوعنها ومقاربه جدا لنونخة ادري اسامي قريبة بس هذي مو كل الناس يعرفونها ويستخدمونها مايستخدمها الا الفنانين بالقهوة العربية واتمنى اني فدتج ولاتنسيني بدعوة طيبة

[بنت الكويت]

كراميل الاشنه هذي تطلبينها من عند العطارين شكلها مثل الورق المحروق اسود بأبيض يحطونها بعد مع المرق وريحتها حلوه
والبن الهراري تلاقينه عند الي يبيعون قهوه بأي مكان بس انتي طلبيه

[بنت الكويت]

الشيبه هي الافسنتين و هو نوع من الاعشاب المهضمه ....
لقيتها في المغرب طازجه عجيييييييبه يحطونها مع الشاي طعمها نفس المريميه او المليسا بس تحسين فيه نفس نكهه البرتقال المر
و الهرري نوع من انواع البن
انا احب الكراميل علشان جذيه برد عليج وخصوصا قهوة ستار بكس لاتيه بالكراميل
الشنه هذي تنحط مع القوة بداخل المطارة مقدار ملعقه صغيرة مالت السكانه
وفي ناس يحمسونها مع القهوة واحنا بصراحه مانستعمل الا الكوفي ميت والزعفران واما الشنه والزنجبيل او المسمار او ماء الورد هذا كله يكون حسب الرغبه
والهراري تنطق نفس كلمة فيراري
واحنا طريقتنا بشراء القهوة الميه ميه اهي

تاخذين كيلوين رقم واحد
وكيلو من رقم اثنين ويطحنهم لج صاحب المطحنه مع بعض وتسوين قهوتج على الطريقة المعتادة واتمنى اني افدتج

[بنت الكويت]

لا ياقلبي بالشنة تسوين خلطة بهارات للقهوة

بحط طريقتها معنها سر مهنة امي

بس كل واحد ونفسه بشغله

المهم
الخلطة تتكون من:
دارسين -مسمار-هيل-كوفي ميت-اشنه او نونخة-زعفران

تخلط مع بعض بس الدارسين والمسمار والنونخة تكون مقدار الربع والهيل والكوفي ميت مقدار الثلاث ارباع الخلطة

تحطينها بقرشة

وعند الاستخدام تاخذين منها ملعقة صغيرة وتحطينها بالدلة وتصبين فوقها القهوة يعني ماتنطبخ معها

تعبت

يالله في امان الله

لاتنسون تدعولي ربي يرزقني الوظيفة