حااله كسيفة

[بنت الكويت]

حااله كسيفة 

شلوونكم بنيات ..






مابي الف وادور راح ادخل بالموضوع سيده
ساعات ما تحوشكم حاله من ضيقة الصدر او ودج تبجين من غير سبب تخليج تحطين الحرة بريلج او خاصة في وقت ما قبل الدورة تصيير النفسيه ززززفففففتت وتعصبين على اتفه الاسباب ولا صار الريل نوعه حاااااااااااااار ومشلوط فالحاله تكون حدها كسيفه وارد عقب اتحسف على اللي سويته واعتذر منه ماني عارفه شلون اتغلب على هالحاله اللي تييني والمشكله لي قلتله ما عليه الوحده لازم تحوشها الحاله ما يقنع يقول هذا كله دلع والحاله هذي تحوشكم انتو بعد ولا بس انا ؟؟
وما قصرتوا بنات .

[بنت الكويت]

ياي شكثر حاشتني هالحاله موبس جذي مرة تلقيني ابجي ومرة مجابلة المنظرة والطخ بهالويه وريلي خلاص اقتنع اني مينونه خالصه فلما يشوف الحاله كسيفة والخبال وصل حده يلبس ويطلع وانا اقعد اناطح الطوف ولما تنزل الدوره اهيع وأرد بنيه عاجل وحبوبه
الله يعيننا والله لوتيي الدوره حق الرياييل يوم واحد جان قدروا

[بنت الكويت]

أقوووووووول هههههههه عندنا وعندكم خير ,,, واللة أتصدقون باللة بغيت أكتب بهالموضوع بس ترددت قلت يمكن حالة تخصنى بس ,,,, أثرى ربعىىىىى وااااجد :فعلن حاااااالة كسيفة ..أختلاف مع زوجىوأفتح مواضيع قديمة وأتخيل انة بيتزوج على وأ طنقر ونفسى براااس خشمىىىىى,وأقولة أنة فترة وتعدىىىى,,وأنا عارفة أن هالشغلااات بسبب الهرمونات وتغير المزاجية والنفسية بحكم دراستى لعلم النفس,,,بس أهمة ماشاللة عليهم ما يهزك ريييح..... وبعد,,,البكاء بدوون سبب أو أنى,, أعيش حالة رومانسية,, والسرحااان والتحليق بالفضاااء الواسع وأحب أشووف أفلااام أبيض وأسود هههههههه,,,يعنى حالة متناقضة ,,وبس.... ياليت ,,,,,,,,, أسمع أقراااا وجهااات نظركم وسلامتكم

[بنت الكويت]

انا والله ماحس بشي بس اعتقد ان فيه هوا وغبار بره وانا اكتب المسج لاني اسمع صوت بره الدريشة وشكلي بخاف ... كله عشان ضحكت عليج ياجورية؟
المهم انا ما يصير معاي جذي والحمد لله ... بس يمكن عشان مافي احد مجابلني ؟؟؟ يمكن
توني بنوته.
امبييييييييه شنو الاصوات اللي بره؟

[بنت الكويت]

صح والله آنا جذي مالي خلق أحد يحاجيني ولا لي خلق أشوف أحد وبسرعة أتهاوش وأبجي .. واذا قالولي اشفيج ليش هالنفس ومالج خلق .. واااااااااي حزتها مادري شسوي أعصب والا أبجي.. المفروض الاهل أو الازواج يقدرون هالشي فينا لأن مو منا بس اهما الله يهداهم كله حسبالهم دلع والا مزاج

حتى آنا سامعه ان الريال اذا طلق مرته واهي عليها الدورة يعتبر الطلاق باطل وسبحان الله هذا حكمة لأن نفسية المرة بهالوقت مو بيدينها ويمكن تضخم السالفة على ولا شي.

[العيون الخليجيه]

مشكورة