الكلمة الطيبة هي مفتاح كل رجل

[بنت الكويت]

الكلمة الطيبة هي مفتاح كل رجل

يعني حاولي لسانج مع ريلج يكون عسل على كثر ما تقدرين وسمعيه كلام طيب يخليه يخدر واذا كان اسلوبج معاه معظم الوقت يكون جذيه فاعتقد انج راح تملكين قلبه

يعني على سبيل المثال كل زوجه تحب تعرف ريلها وين رايح والريال اكره ما عليه اذا دقت عليه مرته بالتليفون وقالت له وينك؟ ومع منو طالع؟ ومتى بترد؟

هذه النوعية من الاسألة ما يواطنها اي ريال والافضل انج اذا دقيتي عليه تقولين له :

ولهت عليك حبيبي وقلت اسأل عن اخبارك حاول انك ما تتأخر لاني صج ولهانه عليك

واعتقد عقبها اذا رد البيت تقدرين تسألينه على راحتج بس بطريقة حلوه يعني مو تحقيق .. تقدرين تقولين له:

سولف لي حبيبي عن يومك وشنو اللي صار فيه

وبالنهاية اتمنى التوفيج حق الجميع

[بنت الكويت]

صح الكلمه الطيبه مطلوبه وانا جربتها
اول ايام زواجي كل يوم والثاني متناتجره مع ريلي واهو يزفني بسبب
وبنك ومتى ترد والتحقيق معاه
بس الحين لا الحمدالله تغيرنا وايد صار اهو من كيفه يقولي بسبب الكلام الطيب

[بنت الكويت]

كلامج عدل بس صج تعبنا منهم يخلونج تفقدين غصب
انتي تتكلمين كلام حلو وتنقين الكلام نقوة واهو يصكج بكلمة تهد الحيل على براد وجنه مو قايل شي
وانت تقعدين سنين تفكرين فيها
ما منهم رجى