أسئلة و يبيلها أجوبة

[بنت الكويت]

أسئلة و يبيلها أجوبة

السلام عليكم ، اشلونكم يا بنات ، أبي الكل يشارك معاي و يجاوب على هذه الأسئلة من خلال تجاربكم:

1- إذا حدثت مشكلة بينج و بين زوجج و توصل الأمر في النهاية إلى الضرب فكيف تتصرفين؟
2- هل ضرب زوجج لك ينهي حياتج معاه ؟
3- كيف تردين إعتبارج بعد ضربه لك؟
4- كيف توقفينه عند حده بحيث مره ثانيه يفكر الف مرة قبل لا يمد ايده؟
5- اذا تكرر ضرب الزوج لزوجته ، فهل معنى هذا انه يجدها ضعيفة؟

نرجو المشاركة، من خلال تجاربكم في الحياة

[بنت الكويت]

1- إذا حدثت مشكلة بينج و بين زوجج و توصل الأمر في النهاية إلى الضرب فكيف تتصرفين؟ انشالله مايوصل حق هالشي بس ذيك الساع اهلي بيوقفون له ويكلمونه حتى لوكانت اول مره

2- هل ضرب زوجج لك ينهي حياتج معاه ؟ اتوقع انه المفروض ينهي لان شي بدا جذي مادري بشنو راح ينتهي وانا براي انه المره اللي ترضى بالهشي راح ترضى بكل شي وهذا يقلل من كرامه المره

3- كيف تردين إعتبارج بعد ضربه لك؟ ارد اعتباري بانه بعد ما اهلي يكلمونه ايي يعتذرلي ويبوس راسي ولو جدامهم يكون احسن .. مع انه هالشي يسوي شرخ بالعلاقه مايتصلح

4- كيف توقفينه عند حده بحيث مره ثانيه يفكر الف مرة قبل لا يمد ايده؟ لما يعرف ان وراي رياييل راح يفكر الف مره قبل لا يسوي جذي وانه مو ماخذني من الشارع

5- اذا تكرر ضرب الزوج لزوجته ، فهل معنى هذا انه يجدها ضعيفة؟ ضعيفه وكل صفه موزينه فيها ماعندها كرامه ومستهين فيها وماعندها من يدافع عنها ... الخ

وحبيت اضيف شي المره اللي تقول انا استحمل عشان اعيالي غلطانه لانها تعطي اعيالها صوره مو زينه عن الزواج ويفكرون انها عادي دام اهي ساكته وخاصه الولد يتبع اسلوب الاب فلما تعيشهم بهالجو تضرهم ماتنفع ومرات يكون الطلاق وايد احسن للاطفال ولا انهم يعيشون مع ابوي جذي يطق ولا يشرب ولا يعربد وغيرها ..

وشاكره لج موضوعج ..

[بنت الكويت]

1- إذا حدثت مشكلة بينج و بين زوجج و توصل الأمر في النهاية إلى الضرب فكيف تتصرفين؟

على حسب نوع المشكله اذا انا كنت غلطانه اكيد بنجعم وبسكت الانه معاه حق واذا مو غلطانه منيه وطريج وشى تافه لازم اتصرف معاه بحكمه .

2- هل ضرب زوجج لك ينهي حياتج معاه ؟

لا طبعا ما ينهى حياتى معاه لابد انا واحد فينا يكون غلطان والحيته تعاون لازم بصبر واحتسب من اللى صار فينى مو من اول موقف بتخلا عنه وبسوى من الحبه قبه الحياه مو جذيه اقوى من جذيه ويبيلها سعه صدر وصبر

3- كيف تردين إعتبارج بعد ضربه لك؟

ارد اعتبارى انى افهمه ان اللى صار غلط وانشاء الله ما يتكرر واتعامل معاه من احسن ما يكون علشان يحس ويتفشل من اللى سواه معاى صدقونى بنات فى رياييل ما تبين بس بقلوبهم يعرفون انا اغلطوا قليل منهم يعترفون بالغلط بس راح تر تفعين بنظره وايد وبحترمج اكثر من اول.

4- كيف توقفينه عند حده بحيث مره ثانيه يفكر الف مرة قبل لا يمد ايده؟

اتكلم وايد معاه بان اللى سواه مو حل وان فى حلول وايده للتفاهم غير إنه يمد ايده واحاول اقربه اكثر من الدين الان اللى يفكر بهذا الشى يقون مو ذاك الزود بالدين .

5- اذا تكرر ضرب الزوج لزوجته ، فهل معنى هذا انه يجدها ضعيفة؟

مو شرط انها ضعيفه لا تكون المره صابره تبى تعيش تبى اعيالها يمكن الله يفرجلها الانسان يتغير بيم وليله يمكن الله يغر لها ريلها ويصير لها يا دهينه لا تنكتين .

[بنت الكويت]

شوفي اختي مع انه مستحيل تصير وتوصل لي الطق بس بجاوبج من المنطق

1- إذا حدثت مشكلة بينج و بين زوجج و توصل الأمر في النهاية إلى الضرب فكيف تتصرفين؟
نفس ما قالت ام ناصر على حسب المشكله اذا انا غلطانه بسكت ولما تعدي السالفه راح احاسبه
واعلمه انه الامور ما تنجل بالضرب وضرب المرأه مو من صفات الرجوله لانها وسيله الضعفاء

2- هل ضرب زوجج لك ينهي حياتج معاه ؟
لا طبعا بس راح ياخذ درس قاسي يخليه يندم على فعلته هذي

3- كيف تردين إعتبارج بعد ضربه لك؟
اعلم اهلي علشان يحترمني ويعرف انه وراي ظهر واهل
ويوم خذاني خذاني من بيت ناس مو من الشارع


4- كيف توقفينه عند حده بحيث مره ثانيه يفكر الف مرة قبل لا يمد ايده؟
اخلي اهلي يعلمونه الادب علشان ما يعيدها


5- اذا تكرر ضرب الزوج لزوجته ، فهل معنى هذا انه يجدها ضعيفة؟
اخلي له البيت واطلع اروح عند بيت اهلي وما ارد الا لما ايي اهو واهله ويراضيني ويتعهد جدام الكل انه ماراح يكررها

وسلامتج والله لا يييب الطق بين الازواج