عيد زواجكم قرب ومليتى من الروتين

[بنت الكويت]

عيد زواجكم قرب ومليتى من الروتين

هلا وغلا فيكم كلكم ....عيد ميلاد ريلج او عيد زواجكم قرب ومليتى من الروتين ومنتى عارفه شتسوين.....هذى الحلول وماعليج الا الأختيار والتنفيذ..........

اول شى بتطرقله الميزانيه اذا ميزانيتج تسمح والله مافى احلى ولا اجمل من انج تحجزين ليله من وراه بفندق من هالفنادق اللى عندنا ونصيييييييحه منى وعن تجربه جربوا فندق مريديان اليديد اللى على البحر الفيووو الصبح على الريووووووووق عجيييييييييييييب ,او الهيلتون, الشيراتون....الخ,المهم قوليله قبلها بيوم عندك شى باجر بالليل اذا قالج اى قوليله تقدر تأجله انا ابيك بشغل شوى ....وخلى كلاااامج ناااااااااعم مو جنج داشه معركه؟ المهم اذا قالج لأ ماعندى شى وهو المطلوب قوليله خلاص انا باجر اقولك شنو ابى منك وخلى الموضوع يحيطه الغمووووووض أحلى....., واذا كانت المناسبه مو فى أيام العطل ماعليه اجليها شوى لى الويك اند وخلو عيالكم عند اهلكم يتكافخون يتطاققون كيفهم,اهلنا وملزومين فينا ومره بالسنه مايضر المهم عقب مايطلع انتى عاد تكونين شاريه قميص قبل مده وشاريتله بجاااااامه ....؟ وتكرمون نعال للبيت وتزهبين كل اغراضج وأغراضه قبلها بوقت ...وطيران على الفندق تحجزين .وفى نفس يوم المناسبه تقوليله الصبح انا عازمتك على العشا حبيبى اليوم...هذى الشغله اللى كنت ابيك فيها ,اذا وافق,طيران على الفندق ودى اغراضج واغراضه كلها وكتبيهم بورقه بعد احسن....علشان ماتنسين شى واذا ماتدرين شنو تاخذيييين افاااا عليج مسجينى على الخاص حبيبتى وانا اعطيج الجواب , المهم تبين تصبغين شعرج وتقصينه ,تبين تغيرين اللوك على راحتج فى هالأمور

لى قرب وقت العشا دقى عليه وقوليله انا طالعه مع اختى بنت خالتى ...اى احد واذا بغيت تطلع قولى علشان نتلاقى هناك....واذا وصلت عطنى الو طبعا انتى هناك قبله ومضبطه كل امووووورج..؟ لى دق قالج وينج بأى مطعم ...قوليله انا بالدور الفلانى الغرفه الفلانيه طبعا اهو مناخره بتفج وتصك مستغرب على معصب على ..على...على...
مومشكله لى دش وشافج لابسه القميص وحاطه المكياج والعطر والبخور والقذله طايحه على الويه ..... وكأن شئ لم يكن عاد انتى تحولى من انسان الى قطوه......لاتضحكون الرياييييل كلهم يبون جذيه مخهم ب....؟ المهم لما تتكلمين معاه تكلمى بطريقه غير طريقتج القديمه يعنى جنج وحده ثااااانيه وبعدييييييييييين اااااخر شى,عقب كل شى مو قبل... فهمتوا....تطلبين العشا فوق بالغرفه وهذى الهديه او اذا تبين تعطينه هديه كيفج انا بنزل موضوع عن هدايا الأزواج جيكى عليه وانا موجوده على الخاص وفى الخدمه للى ميزانيتها ماتسمح تراسلنى على الخاص واعطيها حل مشابه لكن على حسب الميزانيه...ولا تستحون بهاليوم كل شى مسموح سوى اللى ماسويتيه وانتى عروس وصدقينى حياتكم بتتغير وبتصير شكل ثااااانى والله .وعسى أيامكم كلها افرااااح وسعاده وهنا ياااارب.

[بنت الكويت]

خوش افكار وايد حلوه
طبعا موحقي
بس ممكن اضيف شغله
في مطعم بيت 7 تأجرين المطعم اللي فوق على 15 دينار يكون جنه مطعم لج بروحج انتي وريلج ومايدش الجرسون ليمن يطق الباب واثاثهم وايد راقي هذا اذا ميزانيتج ماتسمح