ليله رومانسيه لاتفوتج

[بنت الكويت]

ليله رومانسيه لاتفوتج

السلام عليكم بنات كويتيات .. بليز ابي مساعدتكم كل بنات اكويتيات وبخاصه (عزيزه اللزيزه –وسويتي – وبنت الكويت – وفرحه توحه –وكوين –ونفيشه – وشيف – وجوري –ورورو)
رايكم وزوقكم ازا امكن في بعض الاشياء

وتعرفون بما انه توني والده وياهل والحوسه يعني ما عندي وقت احوس بالنت والسوق ** فلي عنده فكره وشور ياريت تفيدني ..

نبدي بالموضوع ...

انا ابي اسوي حفله وجو بسيط حك ريلي بمناسبة ترقيته وطلعته بالسلامه وقبل سفرته لانه راح يروح دوره مدتها 6 شهور (الله يحفظه) وابي الليله تكون مميزه و تضل بالزاكره ..

انا فكرت بالمرسم لانه يموت على هالمكان يعشقه عشق مو طبيعي
لنه فيه ورشته لتصليع الكمبيوترات وايضا مرسمه اهو يحب الديكورات مو الرسم
(لانه مدين حرام الرسم )وايضا مكان تعبد وحفظ للقران وستراحه وهدوء

بس ما ابي اسويها في شقتي بيتي ابي اسويها في مرسمه كنوع من التغيير لانه كل مناسبات والليالي الملاحه سويتها في شغتي
بس المشكله انه الله يهديه الوان مرسمه غريبه عجيبه صج الفنانين ازواقهم غريبه ..

المهم جدار الصاله ثلاث جوانب لون احمر وبص الطوفه ثلاث اخطوط (اصفر+ازرق+ابيض) وطوفه الرابعه رمادي وحاط كنبات افوايت الفاتح ..

بصراحه ابي اسوي فنتك او تغيير بالديكور في الصاله

بس اللون مال الصاله مو عارفه شنو احط الوان وفناتك فراجوا المساعده بأفكار وشغلات حلوه تغير شكل الصاله مو مكلفه وبنفس الوقت حلوه وتضفي روح رمانسي ..

* وابي شي بعيد عن الفراش والتشخلع والتمخلع ..
انا بقول لكم شنو الشغلات الي خطرت لي ..

1-قلت اروح بيت الهدايه واخليه تسوي لي قلوب حب بالاحمر وتزينها ولزقاها على الطوفه الرماديه
(ازا عندكم اقتراحات ثانيه على نفس الفكره او اضيف اشكال اخرى غير القلوب اقترحوا شني اهي )
بس المصيبه الطوف الحمر شنو اسوي فيهم ...
2-القنفات احط كوشيات حمر او اي لون علشان يكسر الاحمر او ملونه( مادري محتاره)
3- وقلت الستاره البيج احط لها دانتيل احمر(او اي لون تقترحون) مع شويت خرز نازل منها بس شلون وباي شكل مو عارفه
4- وهدايه طبعا بشتريله (عطر شوبرد الجديد)

اي صج الصاله فيها بلكونه دايم امسكره وبابها المنيوا شنو تقترحون اغطي الباب او شنو

اي وصج بيت الهدايه شنو عنده افكار ممكن يساعدني وازا في مكان ثاني يساعدني في بعض الافكار او يسويلي ديكورات حلوه وبسعر معقول دلوني

يالله بنات ابي اقتراحاتكم وازواقكم

[بنت الكويت]

بعد قلبي ما طلبتي غالي بفضالج الحين بس سؤال المرسم وين يعني اذا مو بشقتج ؟؟

شوفي روحي مركز سلطان روحي صوب اشياء عيد الميلاد والكروت والخرابيط
تلقين اجياس فيها بالونات على شكل قلوب حب اكو الوان اخذي احمر او ابيض وانتي تفخيهم وترسي الدار منهم

بعدين روحي اشتري لج لوحه سنعه وحلوه عوده مثل زهور او منظر طبيعي او اشياء مع بروازها وحطيها في احد الطوف الفاضيه

روحي اللمسات الاخيره في مجمع واره بشويخ اذا تعرفينه اخذي لج كوشيات وثرو حق القنفات يعني يضفي شكل وشغلهم يعقد او اي مكان حتى لاند مارك
وسالفه الخرز على الستاره حيل حلو

او اشتري الشمعدانات اللي تتثبت بالطوفه وثبتيهم وحطي فيهم شموع

اخذي قطعه زل حلوه وتناسب الكوشيات والثرو --- او اخذي قطعه الفرو اللي تنقل وتلقينهم اظن في ذ ون اللي في مرينا مول برا

وراح يعجبج ذا ون حيل اخذي لج طقم صحون يدد عند ذ ون يشوقون على 12 الطقم يعقد اعتقد 20 قطعه

اذا ارضيتج سيراميك انا اقول حطي شموع الصغار على مدار الغرفه وشبيهم

خلي الغرفه ( worm )

باب البلكونه اذا تقرين تشترين مثلا بارتشن حلو وتغطين فيه الباب يعني شكل غير ويفيدج البارتشن

وهذا اللي يحضرني الحين

والله يوفقج يارب