اذا كان زوجك وحيد أمه و ابوه هل تقبلين

[بنت الكويت]

اذا كان زوجك وحيد أمه و ابوه هل تقبلين

اذا كان زوجك وحيد أمه و ابوه هل تقبلين....

ها بنات شلونكم ؟ بغيت أخذ رايكم في موضوع

اذا كان زوجك وحبد أمه و ابوه ترضين تعيشين معاهم؟؟؟ خصوصا ان مالهم غيره في هالدنيا لأني المره اللي طافت اكتشفت ان الاغلبيه معارضه انها تعيش مع حمولتها !!
فحبيت أخذ رايكم في هالموضوع
لا تبخلون علي برايكم ..

[بنت الكويت]

سؤالج وايد حلو ..

انه زوجي وحيد أمه لأنه ابوه متوفي من زمان (شهيد ) .. وأهوه وايد متعلق بأمه وخصوصا ان اهوه اللي قايم فيها لأنها كبيرة اشوي ..

وانه ساكنه مع اهل زوجي بنفس البيت .. خالتي ( أم زوجي ) تحت .. واحنه عندنه دور كامل فوق

والحمدلله وايد وايد مرتاحة .. واهيه مدلعتني ومو مقصرة معاي بأي شي .. وأكلنا طبعا كله عندها تحت .. والصراحة وايد مريحتني من سالفة الطبخ .. صج اني اطبخ بس عادة اهيه اللي تطبخ عشان اقدر ادرس واجابل زوجي

واللي صج مرتاحة منه ان زوجي دوامه شفتات وساعات يكون دوامه ليل واخاف اكون بروحي بالبيت .. عالأقل عندي ونيس

[بنت الكويت]

زين اتسويين انا مثل حالتج ساكنه بيت حمولتي و الحمدلله مرتاااحه وايد مع ان زوجي مو وحيد أهله و عنده أخو بس انا الكته الوحيده و انا ريلي نوعه يروح دواويين غير دوانية أبوه و أخوه الاسبوعيه و اهو لازم يكون موجود فأنا واااايد أريحلي القعده عند حمولتي لان ريلي بالليل أغلب الوقت طاالع و انا ماحب أقعد بروحي أونسلي القعده هناك بالاضافه الى اني مرتاحه من ناحية الطباخ و كل شي أبيه خالتي ماتقصر توصلياه لى باب شقتي و انا عندي دور بروحي و الشي اللي مريحني اذا طلعت ماحد يشوفني لاني ماضطر أمر صوب الصاله فماخذه راحتي الحمدلله

[بنت الكويت]

في حالة اذا كان الزوج وحيد أهله ويبي يقعد معاهم بالبيت أصلا لا يمكن تطلع مني اني اقول خلنسكن بروحنا ... وانا عن نفسي لما عارضت السكن مع الحموله مو كرها فيهم لأ بس تفاديا للمشاكل اللي ممكن تطلع بالمستقبل خصوصا وانج بتكونين مرتبطه فيهم طول العمر .

[بنت الكويت]

لازم ترضين تسكنين عندهم
لان امه و لبوة مالهم غيرة
فمعناته انهم متعلقين فيه
و مدلعينه فبالتالي راح يدلعونج
و هم بعد يكونون محتاجين له

انتو يا بنات لو تفكرون بحمولتكم مثل ما تفكرون بامكم و ابوكم
راح ترضون انكم تقعدون معاهم

[بنت الكويت]

انا عادي عندي اذا وحيد امه وابوه اصلا ماراح اطلب انه نسكن ابيت بروحنا حرام يهدهم ....
واصلا لو امه بروحها مو مشكلة تقدرون تكسبونها ...
المشكلة بتشيش الحموات والجناين وتنقل الحجي ....

عزيزة انا ساكنة بروحي بس بأول زواجي كنت اروح انام عند حمولتي مرات ومع انهم حليوين بس لازم لازم لازم تصير مشاكل مني مناك هاذي تضايقج بكلمة والا هاذي تتضايق من شغلة سويتيها ... محد يتحمل منج شي لأنج مو بنتهم ولا انتي تتحملين تسمعين كلمة تغثج الصراحة منتي ملزومة .... الموضوع مايخلى احنا بشر ... فالواحد يبعد عن الشر ويغنيله احسن ليش اغثهم ويغثوني ..

[بنت الكويت]

انا كنت ساكنة عند حمولتي 7 سنين لان ريلي الصغير واخوانه اللي مسافر واللي طالع ببيته ماكان عندي اي مانع بالعكس وايد كنت مستانسة وعلى ويهي ...مع اني بالبداية كنت اشرط ان سكني بروحي تجنبا للمشاكل وللاستقلالية بس نصيبي صار جذي ان ريلي الصغير وابوه ريال كبير و محتاجه فلا يمكن كنت اطلب او حتى افكر اني اطلعه منهم
وقضيتها معاهم وانا ابلع بالمغثة ورا الثانية
لما توفوا امه وابوه هم تميت اربع سنين بعدين خلاص فاضت المشاكل وصاروا خواته ما يتعاشرون
فطلعت بشقة توني من سنتي تقريبا لان خلاص مافي شي يجبرني اتحمل غثاهم والحمدلله فرق السما عن الارض اصلا حياة ثانية وتوني عرفت ريلي وكل هالسنين ما كنت بالدنيا اصلا مدفونه بالحيا و يريت بين فيهم
الموضوع مو سهل كلش ترى