البنات بس يدخلون المتزوجات لا اشوفهم

[بنت الكويت]

البنات بس يدخلون المتزوجات لا اشوفهم

عليكم ياكويتيتا بصراحه هذي اول مره اشارك فيها بموضوع مثل هذا فبليز لا تفشلوني

الموضوع الله يسلمكم ان كل وحده من البنات ادش تقول لنا مواصفات فارس احلامها يعني اسمه شكله عمره شغله هواياته واخ ها شرايكم؟

انا بصراحه الاسم ماعندي فيه مشكله كل الاسامي الكويتيه حلوه الشغل اي شي ما عدا سلك الجيش و الشرطه لالالالالالالالا والف لا بالمختصر ابيه مثل ها القصيده


أبي فارس يسافر بي على متن السهر والنور
يذوبني على صدره كما شمس تبي لقياه
وأبي شاعر يصورني ويكتبني سما وبحور
يقول الشعر بعيونه وبعيون الشعر ألقاه
وأبي عابد يخاف اللي نحج لبيته المعمور
الا منه عصى ربه سجد باكي على رجواه
وأبي عاشق يعاهدني عهود الوافي المأسور
يدوس النار لرموشي ولا يرضى أقول الآه
وأبي طاهر مثل غيث السحاب العالي المغرور
عفيف النفس والنظرة وحبه مالك دنياه
أميري وينها أرضك ابوصل قصرك المسحور
ابي موتي على صدرك اضيع برجفته ودفاه
كبير الحلم في نفسي وروحي والحلم معذور
مجرد حلم داعبني تراي من الصغر وياه
وأنا ادري في هالدنيا شباب يعشقون الجور
قليل اللي نلاقيهم هواهم صافي معناه
حبيبي يالمحال اللي أبيه ولا لقيت النور
شعور غامض بصدري احسك جالس تقراه
احس انك بتتحقق واحس ان الزمن بيدور
واحس ان الحلم باقي واحس اني قريب ألقاه


يلا ادعولي الله يرزقني واحد جذي ( بالاحلام ادري ) ل وووووووو ل

[بنت الكويت]

انا فارس احلامي طويل (مو وايد)
حنطاوي..وفيه جلحه الكويتيين ..ههههههه
وملامحها فيها قوه ..وقلبه طيل
وعيونه حلوه واتكلم
وذكي
ويفهمني..ويحبني

وبس

** ملاحظه انا متزوجه
بس ما فيها شي اقولكم شنو كان فارس احلامي

[بنت الكويت]

مواصفاااات فارس احلااااامي

ان يكون طويييييييل

وما يدخن

ويحبنيييييي

بس ماني طماعه

[بنت الكويت]

هههه ايه والله ان كتبنا ماخلصنا
بس باختصار ابي يكون طوييل وجسمه عريظ بس مومكرش عشان ما افنقر كرشته هههه ويكون لونه برونزي من قلب احس انه فعلن حارقته الشمس ويكون مملوح ويعرف يتحجا انجليري والاهم ايخاف الله ودمه خفيف (( اللللللللللللللله كل هاذا بختصار !!!!!!!!!!!خخخخخخخخخخخخ )

[بنت الكويت]

حبنا الله عليه: في اختيارات جان اخترتي من الي كاتبينه البنات
عنابه: عادي تمني اشدعوه عاد احنا الي بينا على الطلب
نفنوف كشكش: بصراحه نكج عجيب و حلوه بدون كرش مالج الا تاخذين واحد يشتغل بمصافي النفط او ضابط عشان تحرقه الشمس عدل ويصير برونزاج و ما عنده كرش

يالله وين الباجي معقوله كلهم متزوجات ولا ماعندهم فارس احلام