خبيرة اعشاب ونصايح بالغة الاهمية لبنات الكويت

[مشرفة كويتيات]

خبيرة اعشاب ونصايح بالغة الاهمية لبنات الكويت 

بنات انا عندي هوايه ...و هي دراسه التداوي بالاعشاب

و نفس ما تعرفون في اوربا و امريكا ردوا للمنتجات الطبيعيه ... و يتفادون استعمال الادويه الكيماويه لان كما هو معروف لها اضرار اكثر من الفوايد .....

و لذلك انا حبيت احط خبرتي رهن اشارتكم و الي عندها استفسار بخصوص اي شي ان شاء الله رح اساعدها بوصفه طبيعيه .

[مشرفة كويتيات]

حبيبتي عشان تتفخين خذودج لازم تمتنين و غير الحل هذا ما في ....لان ما في اكله معينه ما تنزل المعده و تطلع للوجه ...كل الاكل الي تاكلينه ينهضم في المعده اول شي و تستخلص منه الدهنيات و تتخزن في كامل الجسم ... بالنسبه لي في وصفه مقويه عامه و ما تمتن حيل يعني يا دوب يبين و هي التمر تحشينه باللوز العادي مو المملح و تداومين عليها يوميا ..بعدين الشغلات الي تشفط الوجه نفس القهوه و الشاي ...حاولي تقللين منها......و بيني و بينج ترى النوم اهو الي يتفخ الوجه...اخذي كفايتج من النوم و لا تهتمين يبين على وجهج.

[مشرفة كويتيات]

للشعر المتساقط جربي زيت الجرجير ...او اخذي الجرجير طري و افرميه في مفرمه اللحم و اخذي الماي ماله و حطيه في بخاخ و رشي على قشره الراس ...و في وصفه ثانيه مجربه انج تغلين نص كوب زعتر مع 2 كوب ماء و بعدين خليه ياما يبرد و نفس الطريقه تسوينها و الباقي تحتفظين فيه بالثلاجه ...
للشعر المصبوغ تخلطين كميات متساويه من زيت السمسم و الجرجير و اللوز و تدهنين فيها شعرج حيييييل يا ما تحسين انه صار متشبع بالزيوت ...و تلفين راسج بفوطه مبلله بالماي الحار و معصورة جيدا و تخلينه لمده10 دقايق و يغسل الشعر .

[مشرفة كويتيات]

بس احسن شي للنفاس انها ما تستعمل اعشاب بكثره لانها في الفترة هاذي تصير حساسه ...فلذلك فيما عدا الادويه المدره للحليب تمتنع عن تعاطي الخلطات الغير معروفه لانها تنتقل الى الحليب و تفسد طعمه على الطفل ....بالنسبه لي احسن شي جربته للنفاس ..مريميه+ مليسا هاذي فظيعه اذا تحسين بالام في الرحم عجييييبه انا اخذها حتى بايام الدورة+كراويا +اكليل الجبل+ينسون و سعتر و كلها اعشاب معروفه و كنت اشتري من الجمعيه الي تجي على شكل ليبل و احطهم بصندوق بجنبي و كل ما بغيت اشرب منها...اما بالنسبه للحريم الي يحطون بخور و الشغلات هاذي فانا ما ادري عن مدى صحتها لان كل كتب التداوي بالاعشاب القديمه و الجديده ما في و لا واحد كاتب ان النفساء تتبخر بشغله معينه ....و الله اعلم

[مشرفة كويتيات]

بخصوص نبات السعد ما يمنع ظهور الشعر في الجسم....بالعكس عزيزتي ..عشبة السعد .. تحبس الشعر داخل الجلد وتمنعه من الظهور .. فيتجمع تحت الجلد و بالتالي ما انصحج فيه و عشبه السعد هاذي لها استخدامات واجد من ايام اول كانو الحيرم يستعملونه كبخور و لعلاج الام البطن و قتل الديدان المعويه....اما اذا بغيتي وصفه لتوقيف انبات الشعر الترمس يطحن و تاخدين 2 ملعه كبيره و تنقع في كوب ماء حوالي نص يوم بعدين لا شلتي بالشيره اخذي ماء الترمس و اضيفي له عصير ليمونه و ادهني فيه المناطق الي شلتيهم و انشاء الله رح تلاحظين فرق بس يبيله مداومه

[مشرفة كويتيات]

ظلال القران بالنسبه للتضعيف ما رح اقول لج سنامكي وهذا اسمها الصحيح لان ما في عشبه تطلع لج الشحوم الي تم تمثيلها في الجسم بس في نباتات تعمل كمسهلات و مدرات للبول وهكذا يتم التخلص قسريا من السوائل الضرورية في الجسم وهذا مضر جدا كما أن كثره ستخدام المسهلات مضرة بالزغب في الأمعاء الدقيقة الذي يقوم بإمتصاص المواد الغذائية أي العملية ضارة جدا خصوصا اذا استمريتي عليها فترة طويله ...بالنسبه لي انا كنت نصحتكم بعشبه يبيعونها في معجزة الشفاء و هاذي زينه لانها الياف تحسسج بالشبع لان هضمها يطول في المعده و بالتالي تنقص كميه اكلج تدريجيا و يخف الوزن...
لتخفيف الوزن ما في وصفه سحريه العمليه تبدا من الجمعيه ...هههههههه حلوة هاذي ..ايه من الجمعيه اذا قررتي تضعفين نفسج تخيري مشترياتج عدل ..اي شي الي تحسين انج رح تضعفين قدامه لا تشترينه و خلاص ...الكيك الكاكاوات البطاط الحلويات الي بالي بالج......
بالنسبه لنظام الاكل احرصي ان طبخج يحتوي على الياف واجد البادنجان الكوسا العرموط لانها شغلات ما فيها قيمه غذائيه كبيره و فقيره بالسكريات و ممكن تسوين منها وجبات كامله
الرز و الخبز و التمر من الفضل الاقلال منهم لانها ماكولات تحتوي على كميات هائله من النشويات و السكريات من الافضل التقليل منها

[مشرفة كويتيات]

يا ربي الناس تبي تضعف و انتي تدورين المتن ....
المهم الوصفه: تجيبين التين ما في فرق بين المجفف او العادي ...و تاكلين منه على الريق ..الكميه الي تقدرين عليها و الساعه10 و العصر بعد يعني تخلينه وياج دايما تاكلين منه لانه من الثمار المسمنه
الجنسنج الكوري تحصلينه بالصيدليه هم بعد يساعدج
في بعد وصفه كنت سمعت عنها انج تجيبين ترمس مطحون و كل يوم تخلطين ملعقه صغيره بالعسل و تاكلينها على الريق و يداوم عليها اسبوعين