الليزر وأسئلته

[مشرفة كويتيات]

الليزر وأسئلته

السلام عليكم بنات


في برنامج أنا أتابعة كل ثلاثاء الساعة 9 مساءا جدا رائع كل حلقة تتكلم عن شغلات وايد مهمة يابنات المذيعة إسمها أمينة شلباية على قناة دريم 1


وهي مذيعة وخبيرة تجميل وكانت ملكة جمال مصر سنة 1989 وعندها معهد لتعليم المكياج وغيرة ...


الإسبوع اللي طاف عاد كانت تتكلم عن الليزر وشيل الشعر وعن الناس اللي يدقون يسألون أسئلة عنه كانت حلقة وايد مهمة


رح أقولكم اللي أذكره

الدكتورة قالت إنه لازم الوحدة تسوي فحوصات قبل ماتسوي ليزر لأن عندها ناس ييونها ممكن يكونون مرضى أو مايتحملون وخزة الليزر المسلط عليهم... بعدين بنفس اللحظة سألتها المذيعة هو بيوجع ولا إيه؟؟؟


أنا هني استنتجت إنها ماجربت الليزر مبين من أسئلتها للدكتورة إنها ممااستخدمته لشيل الشعر ودايما دايما بكل حلقاتها تنصح باستخدام السويت ( الحلاوة )...

أنا استغربت قلت شلون ملكة جمال سابقا وتعرض أزياء إلى الآن ومذيعة وأكيد رح إتعرف أحسن الأطباء الموثوقين وماتشيل بالليزر؟؟؟


من الأسئلة الثانية ...

إنه على حسب نوشع شعر الوحدة إذاكانت لونها غامق إذا الشعرة متينة إذا عندها هرمونات الذكورة اللي تزيد الشعر عندها قالت إن في حالات متعددة لازم نعرفها مسبقا بعدين قالت أقل جلسة تكون أربع جلسات هاذي أقل شي ...


وقالت إنه في فرق بين الليزر وبين الأشعة الضوئية كان في متصلين مخربطين وقالت إنه في فرق بينهم بس ماقدرت ألقط الفرق اعذروني؟؟؟


في ببرنامج ثاني في قناة هي للمرأة بعد كانوا يتكلمون عن معهد للجمال بلبنان فمسويين مقابلة للمسؤولة عن المكان وتتكلم عن خدماتهم وإن عندهم وسائل حديثة لليزر مو اللي مثل قبل لأنه يحرق وماادري شنو من هذا الكلام فحتى إحنا مانعرف شنو النوع الصحيح من الجهاز يستخدمونه عند الدكاترة ؟؟؟


فيابنات قبل لاتسوون شي إنتبهوا على عمركم مو كل وحدة نفس الثانية ؟؟؟ مو كل وحدة نوع بشراها وشعرها نفس الثانية ولازم فحوصات عشان ماتكون النتائج عكسية ...


وإ شاء الله أكون أفدتكم باللي أقدر علي خواتي ..