ابي بشرة بيبي تقشير وترميم بشراتنا

[مشرفة كويتيات]

ابي بشرة بيبي تقشير وترميم بشراتنا

بنات قوه شاخباركم

اليوم بنبدي بتجاربنا وتجاربكم عن البشره واستعادتها الحيويه والنضاره والصفااااااااااااااء اهم شي
بداية من اتقومين الصبح ليييييييين اتحطين صماخج على المخده يعني بالعربي روتينكم اليومي للاعتناء بالبشره

واللي عندها نصايح بعد تتحفنا فيهم
منتج نازل جربتيه وعجبج هم ما نقول لا خخخخخ (حقل تجارب )
وانا ببدي

بصراحه جربت مقشر رتن اي والفاكورت قشر وجهي اسبوع بعدين هديته لحد ما هدت بشرتي بعدين زيت لوز وادلك فيه البشره طراها بشكل حلو واغسل بغسول نيتروجينا السائل هم ينظف البشره
طبعا السكراب اسبوعي وقبل النوم لازم انظفه بالاسكينول


بس والله وعن تجربه اللي اتحس بشرتها مخشنه وفيها قشور خفيفه شتسوي ؟؟ قولوا شتسوي !!
زين سالتوا .........اتبلل وجهها واتحط صابون مغربي وادلك بماي دافي لحد مايتغلغل الصابون بشرتج بعدين اتنطفينها واتسوين لها سكراب والله روعه
شوفي كريم الاساس اشلون يزلق بس مايثبت (كسرت فيكم ادري)

اي مايثبت عن تجربتي الفريده هههههههه يعني اللي عندها مناسبه اتسويها قبلها بيوم

هاه شلون عن تجاربكم .........

.ترى مجهزه عصايه كبر راسها اللي ماتقول لنا عن روتينها عن النحاسه عاد خخخخخخخخخخخ

[مشرفة كويتيات]

انا اغسل وجهى ثلاث مرات بصابونه تبييض ويعدها احط كريم تجديد البشره وكل ما خلص غيرت الماركه مره طبى ومره اويل اوف يولاى ومره ماركه معروفه على حسب الميزانيه

غير السنفره الاسبوعيه والاقنعه الطبيعيه على حسب المزاج

[مشرفة كويتيات]

انا الحين صارلي 7 شهور ماشيه على برنامج تقشير بشرتي مع دكتور والحمدالله صفت بشرتي ( وهذا المطلوب )

اول ما اقعد من النوم اغسل ويهي بغسول طبي (هذا الغسول حتى للبيبي الي توه مولود يستخدمونه )
بعدين ادهن ويهي بسيرم الفواكه وبعدين فوقه خلطه كريمات وصفها الدكتور
وبليل قبل النوم اغسل ويهي بالغسول ودهن ويهي بكريم الرتن اي + كريم ثاني اخلطهم مع بعض

وسلامتكم وتعيشون

[مشرفة كويتيات]

انا الحين جم سنه ما غيرت ديور وايد حلو و مناسبني اقعد الصبح اغسل و يهي بالجل و بعدين افرك ويهي بالفوطه علشان الدوره الدمويه بعدين ماي ورد ارشه علي ويهي انشف تونك و قطنه بعدين كريم النهار مه سن بلوك و فاونديشن
و اول ما ارد من الدوام هم اغسل ويهي و انظفه و احط ماسك ولا اي شي
و بلييل نفس الشي

و السكراب مرتين بالاسبوع و الماسكات في شي مرتين بالاسبوع و في شي كل يوم تقريبا الي اهوا طحين و زيت زيتون انعم شي مو طبيعي بس اذا و يهج في شعر ما انصحج لان راح يلزق الطحين بالشعر حتى لو غسلتي

و سلامتكم
مستحضراتي dior iod جل تونك سيرم و كريم تحت العين و كريم اليل و النهار و تونك و مثبت مكياج

[مشرفة كويتيات]

استخدمت تقشير من لانكوم بس للأمانه ماقدر اسبه او امدحه لأني ماستعملته اكثر من مرتين ومن زمااان عاد انا كنت وقتها بالثانويه ومالي خلق , واستخدمت مقشر نيفيا زوين وبعدين رفيجاتي مشاءالله عليهم وجيهم صافيه قالو لي من صجج تستعملين مقشرات استعملي السكر مع زيت الزيتون طبيعي وينفع وصارلي سنين استخدم زيت الزتون والسكر واحيانا بس ماي وسكر لان انغث من الزيتون المهم اقدر اقول انه مفعوله حلو بس لازم ماتقشرين بنفس اليوم اللي تكون عندج فيه مناسبه .

[مشرفة كويتيات]

هذي خلطة لكريمات الي قتلج عنها والصيدلي اهوا الي يخلطه لج وسعرها 22 دينار غاليه شوي بس والله تستاهل
فيها فيتامينات وتعطي البشره رونق ونظاره وتصفي.. هذي تعتبر كريم الصبح

High classic 35

MNF 5

Green Tea 3

Whiting 3

Q 10 3