رد: خلطة لتكبير الأرداف لحقوو ياابنات

[مشرفة كويتيات]

أنا ياتكفيني الذكرى جربت الخلطة ورب الكعبة ماكذب عليك زاد وزني فيها وخصوصاً اردافي بشكل ملفت طلع جسمي خيااااااااااااااااااااااا ااااااااااااال الكل انبهر فيني قبل زواجي كانوا الناس يجووون يتفرجون على جهازي ويجبون هدايا لي في فترة ماقبل الزواج والكل انصدم من سمنتي وربي الكل قالي طالعة جنان ولا تنسين الخدود شئ هبااااااااااااااااااااااا اااااال صراحة الخلطة جنااااااااااااااااااان بس عيبها تنفخ البطن وانتي كوني صريحة اربطي بطنك فترة العلاج واعملي سبورت واشربي اعشاب مالت انتفاخ البطن ورب الكعبة هذي تجربتي مع الخلطة بكل صدق

[مشرفة كويتيات]

مبرووووووك عليج الزياده الله يوفقج ياارب ويهنيج

وجزااج الله خير على اتشجيييييييع وعلى تجربتج فديت قلبج!!
اي بالنسبه لانتفاخ البطن ,,انا ينتفخ بس بعد الاكل وبعدين يخف !! وبعدين مو لهدرجه الانتفاخ عندي كبير!! اوكي عندي كرشه بس مو ملفته !!كل انسان لازم تطلع له كرشه !!حتى الضعاف والي اجسامهم حلوه !!مافي بطن لازق بالظهر هههه
بس صح كلامج الاعشان تخفف من الانتفاخ!! وحتى الرياضه !! بس انا ما اسوي رياضه البطن لان اذا قطعتها راح يرجع بطني اسوأ ,,
بس انا بصرااحه بس امشي على الجهاز او بالممشى يوم وترك او يوميا على حسب المزاج 
امشي نص ساعه باليوم (هذا حق الصحه ويفيد للسمنه بعد!! هذي وصايا دكتور التغذيه 

وجزاج الله خير مره ثانيه على ذكر تجربتج

[مشرفة كويتيات]

مادري مو بس الارداف!!\الجسم كله بس اذا انتي حوضج عريض تمتنين بالارداف اكثر!!
وبعدين نا حوضي مو عريض ,,بس لاحظت خواصري كبرت اكثر من اول  بس شوي مو وايد!!
انا اقولج اذا كان جسمج حلوو وبس تبين الارداف تمتن ,,سوي رياضه وزلعبي بالاجهزه الخاصه حق هالمناظق ,,لعبيها يوم وترك!!
اشتركي بنادي ,,يوم وترك روحي له ولعبي بهالاجهزه !! والله في اجهزه خاصه بس تكبر الفخوذ والمؤخره!!
انا جربت اسبوعين ولاحظت فرق بس حسافه اني ما كملت لاني سافرت وخلص الاشتراك!!بس بشترك مره ثانيه بأيام الدوام انشالله!!

في جهاز اسمه جنيفر لوبيز حتى!! مخصوص يكبر المؤخره !! بس مثل ما قلتلج ,,لعبي فيهم يوم وترك مو كل يوم!! لان اذا لعبتي كل يوم تصغر!!
اما اذا يوم وترك ,,عشات تكبر!!

[مشرفة كويتيات]

مقاديرها جافه ,,

اول شي تطحنين المكسرات!!

وبعدين تطحنين الحلبه !!

وبعدين تفتفتين الرهش ( الحلاوه الطحينيه ) بايدج تخلينها فتاات
وتخلطين معاهم الملعقه ونص خميره !! هي بودره بالاساس ماتحتاج طحن
وبعدين تخلطينهم مع بعض وتحطينهم بماعون او علبه كبيره فيها غطى ..انا حطيتهم بعلبه بلاستيك مربعه وفيه غطى بلاستيك ,,
وتحفظينها بدرجه حراره الغرفه!!
وكل يوم تاكلين منها ملعقه بليل ,بأول اسبوع !! عشان تتعودين على طعمها ,,
وبعد اول اسبوع اكلي باليوم 3 ملاعق ,,يعني ملعقه بعد الاكل 3 مرات باليوم !!

بس اذا حبيتي طعمها من البدايه تقدرين تاكلينها من اول يوم 3 مرات !! اذا تبين نتايج اسرع

[مشرفة كويتيات]

شوفي انا اقصد الحلاوه الطحينيه وتحتوي على فستق تلقينها بالجمعيات + كوب ونص مكسرات مطحونه + كوب حلبه مطحونه + ملعقه ونص خميره وبس

والرهش = حلاوه طحينيه نفس المعنى!! بس حبيت اوضح للي مايعرفون يعني شنو حلاوه طحينيه انه معناها رهش..

لان احنا بالكويت ما نقول حلاوه طحينيه ,,نسمهيا رهش 
وكنت مو فاهمه معناتها ,,حبيت اوضح ان الرهش معناها حلاوه طحينيه 
كلهم ينخلطون مع بعض ,,بعد ما تطحنين كل واحد بروحه ,,تخلطينهم بايدج والرهش راح تفتتنينه بايدج وتخلطينه معاهم ,,,راح يكون فتات ,,
وتحطين الخلطه بعلبه ,,كل يوم تاكلين ملعقه بعد الاكل 3 مرات باليوم .

[مشرفة كويتيات]

شوفي اذا ما تبين جسمج كله يمتن سوي تمارين باجهزه الاثقال بالنوادي الصحيه ,,فيه اجهزاه مخصصه حق تكبير هالمنطقه ..داومي على هالتمارين يوم وترك ,,عشان تكبر ,,وبشهر بتلاحظين الفرق ,,والله العظيم ,,وخصوصا قلت حق البنات ان فه جهاز اسمه جينيفر لوبيز بعد ,,يرفعها ويكبرها انا شايفته بنادي صحي عندنا ...

وانا جربت نادي بالصيف اسبوعين ووقفت لان سافرت ,,بس بصرااحه فرقت على فخوذي ومؤخرتي,,,

بس ديربالج لاتسوين التمارين هذيل كل يوم,, لان اذا سويتيها كل يوم تصغر المؤخره والارداف ..
اذا تبين تكبرينها يوم وترك بسسس...

والكريمات ما انصحج فيها ,,اولا تلقينهم عند العطارين ,,انا شايفتهم بس اصلا فيه ناس ما ستفادو منهم ,,

وبعدين ماتدرين العطارين اي شي يبيعون ,, بدون تراخيص بعد ,,مثل الحبوب الصينيه سوت بلاوي حق النااس وفوق هذا يبيعونها ,,,
ديري بالج

[مشرفة كويتيات]

هلا والله حبيبتي
شوفي الطعم مو لهدرجه يلوع الجبد!!
وانا بقولج تجربتي..

اكتشفت ان الطعم يختلف على حسب نوع الرهش (الحلاوه الطحينيه ) لاني قبل كنت مجربة ماركة النخله ,,, وكان طعمها بالموت يالله ينبلع ,,بصراحه ..بس بعدين تعودت عليه


بس لما خلصت خلطتي بالصدفه بالسوبرماركت مالقيت نفس الماركه وجربت ماركة ثانيه مادري اتوقع اسمها النصر!! ولما سويت الخلطه وجربتها لقيت انه الخلطه مرَه ومالها طعم !! يعني طعم المكونات ضايع وماعرف اوصفه ,,بس المهم انه طعم الخلطه اختلف واااااايد!!!

تصدقين مع انه ماركه النخيل مادري النخله وايد زينه ولذيدة بس مع المكونات الباقي تصير مو حلوه الخلطه ,,
وربي ان الماركه الثانيه احسن منها بوايد اذا اختلطت معاها باقي امكونات ,,,تصير الخلطه مالها طعم!!

قولي حق رفيجتج تجربها .