رد: تفسير احلام الحوامل ونوع مولودك من حلمك

[مشرفة كويتيات]

بياناتي : متزوجة صارلي شهر و نص
عمري : 24 سنة
طالبة
مو حامل حالياً بس بفترة شك وباجر بسوي تحليل نشالله


حلمت ان عمتي عطتني سله فواكه و فيها فلوس

و رحت لبست بدله او نفنوف كنت اقول بداخلي ان حلووو

يوم شافتني عمتي لابسته قالت هذي بدلة بنتي (( وبنتها بالصج حامل ))
و قالت لي بس حلال عليج و عليج بالعااااافيه

و اذا ما خاب ظني جنه كان لون البدله اصفر او رمادي مادري بالضبط
الله يستر ما ادري اذا له تفسير ؟

ويزاج الله خير



هلا حبيبتي
تفسير الفاكهه والفلوس يدلون على كلام زواج بيصير بعايلتج او عايلة زوجج انشالله
ولكن فيه تعب شوي لج والله اعلم لان اللون الاصفر بالحلم الملابس تدل على المرض والتعب والله اعلم

[مشرفة كويتيات]

قوه شلونج فرفشه الله يعطيج العافيه ويرزقج ع نيتج اناتحلمت اني شاريه جهازنقال تلفون وبعدين قلت مابيه وبعدين اخذته
أنقر للتوسيع...
هلا حبيبتي
تفسير حلمج اذا كنتي حامل فهو حملج في الولد ولكن بتترددين بالنتيجه واخرتها بتتقبلينها
اما اذا مو حامل فهي بشارة خبر قريب والله اعلم

[مشرفة كويتيات]

السلام عليكم

حلمت قبل اسبوع اني انتقلت من مدرستي حق مدرسه مرت حماي وشكلها مو مستانس من جيتي وكان شكلها غير عن الواقع شكلها اكبر وامتن ولما رئيسه قسمهم سالت عن شغله جاوبتها جان تضحك مرت حماي بسخرية بس بصوت واطي جان اشوف زميلتي بمدرستي الصجيه بس مو رفيجتي حيل جت وقعدت يمي قلت لها شفتيها شلون تتضحك قالت بعصبيه اي شفتها قلت الحمد الله في احد الحين يشوف حركاتها من غير ماقول المهم مثل خلص الدوام وطلعنا كنت بشوفها واحنا طالعين شنو سيارتها لان اهي بالواقع ماتسوق مادري ليش كنت بشوف سيارتها وفعلا لقيتها راكبه سيارة عاااادية لونها كحلي نفس الشفر القديم بس مادري شنو اهي وشخطت جدامي انا انبطت جبدي اقول لاعرفتني علي قسمها ولا سلمت مينونه هاذي المهم ركبت سيارتي انا بالصج سيارتي جيب بس بالحلم كانت بي ام كشف مادري ليش بس الغريبه لقيت الكشف مبطل والسيارة مليانه غباااااار اول ماركبتها كان في ولد يضحك علي جان ادووووووس فجاه بلحقة وبنفس الوقت عشان يطير الغبار من السيارة بس انحاااش




وبس حاليا هاذا اللي اذكره

الحلم صااارله اسبوع بس موناسيته
وعلاقتي بمرت حماي بالواقع شبه منعدمه لان مالنا احتكاك ببعض وما نشوف بعض مع اننا نفس البيت
وماياني منها شي علي حد علمي

واهي حااامل قبلي ببجرها توها عروس

وانا حملت وراها بس بيني وبينها شهر او شهرين

وجزاج الله الف خير
ومن نيزات اعمالج

اضافه اخيرة

من عقب الحلم مومتقبلتها

*




هلا حبيبتي
تفسير حلمج يدل على الغيره والحسد لتغير في عيشتج ولكن في ناس تتمنالج عكس ما تبين من خير
ولكن بتسفهين الامور وتكملين حياتج بشكل طبيعي من غير اي مبالاه لهم والله اعلم

[مشرفة كويتيات]

السلام عليكم
عندي حلمين :
الأول : حلمت اني رايحة لمستشفى الهادي اراجع حوامل وشفت النائب مسلم البراك بالمستشفى ( مع العلم اني حامل واراجع بالمستشفى ) .[/color]

الثاني : حلمت ان واحد من اسناني طايح بأيدي بدون ألم . ( سمعت انه يدل على المال هل صحيح )[/color]

فأرجو منج تفسيرهم اذا كان الحلم زين أما اذا شر لاتفسرينهم واكون شاكره لج


هلا حبيبتي
تفسير حلمج يدل على حملج بالولد والله اعلم

وبالنسبه لحلمج الثاني المسموح للعضوة بتفسير حلم واحد باليوم ولكن برد عليج لان التفسير مو زين واتمنى تتصدقين عن نفسج وعن الجنين وبيتج والله يحفظج من كل شر

[مشرفة كويتيات]

[مشرفة كويتيات]

[مشرفة كويتيات]

يااليت تفسرين حلمي ...
تحلمت امس اني لابسه فستان احمر اكمام طوال وكنت بالسووق وكان فيه فستان ابيض واقول لماما ماا ابي الاحمر اللي لابسته ابي الابيض وااخر شي ماما وافقت ولبست الابيض وكان واسع شوي وقلت بضيقه وقلت لراعي الممحل تعال ضيقه لي ....ياليت تفسرين حلمي ....
أنقر للتوسيع...
الثياب البيضاء خير لمن يلبسها وانشالله بتجنين خير قريب لان الملابس الحمرا تدل على الفرح والسرور للمراه والله اعلم