خالتي يننتني

[هيٍبَـﮧ مَﻠكه]

خالتي يننتني

قولولي شسوى مع هالنسره اللي يننت حياتي ماني عارفه طريقه اتعامل معاها فيها
كل شي تتدخل فيه اللي لها واللي مالها فيه تبي تعرف كل شي زين ماتسألني شنو لون ستيانج والا الكلوت مالج حولت حياتي لجحيم ماني قادره اتحمل اكثر شسوي ياربي

اهي مو ام ريلي مرت ابوه وتكره ريلي كره العمى وريلي المسكين مو مقصر معاها بس اهيا نسره وما تستحي اطول لسانها على الكبير والصغير ولا احد يقدر يوقف بويها غيرانه مني ليش مادري وهي طريقتها جذيه مع جناتها كلهم مو بس انا لكن انا بزود عشان ريلي مو ولدها للحين تتذكر امه اللي خذت عليها مع ان ام ريلي توفت واهي تولده لكن مو قادره تنسى ان هذا من مره ثانيه غيرها

حتى روحة السوق لازم اطرش وحده من بناتها معانا عشان تقولها شنو شنريا وشنو سوينا ووين رحنا ووحده من بناتها يما منها كل ما شافت واحد من اخوانها دخل داره لزقت ورى الباب تتصنت ياربي من هالمر حتى الكلام اللي بيقوله الريال لمرته لازم تعرفه

ياربي شسوي تعبت من الهواش والصراخ والنجره والحين انا حامل ودخلت السادس الحين ولا لي خلق شي زين اشيل نفسي وهالنسره قاعده لي قعده

لا تقولين حاولي تكسبينها حاولت بس ماكو فايده شسوي وين اولي وين اروح مليت من حكرة الدار واذا طلعت لقيتها جدامي