وين ما اطقها عويه

[هيٍبَـﮧ مَﻠكه]

وين ما اطقها عويه

مرحبا

صرت وايد اتشكى واكتب عن مشاكلي وانا سبق وكتبت عن مشكلتي مع خالتي انا الحين طلعت من بيت اهل ريلي وسكنت بشقه صارلي تقريبا شهر الا شوي السبب مو بس انه خالتي عوبه وتفتعل مشاكل لا السبب اني تخانقت معاها وكانت تبي تحذفني بقلاص لولا ان بنتها موجوده ومسكت ايدها جان القلاص باطني وتشوه ويهي من بعدها قلت ما اقعد بهالبيت دقيقه وحده لو توصل وين ما توصل مستحيل اعيش من هالنسره وريلي لما درى تخانق معاها وهي طولت لسانها عليه وسبته المهم استأجرلي شقه وسكنا فيها والحمدلله ارتحت من ويها والله يا بنات صارلي الحين سنتين من تزوجت بس ما حسيت بالزواج الا لما طلعت صج كانت منكده علي عيشتي والمشكله انها مو حاسبه لأهلي حساب عشان امي غريبه عنهم يعني مو منهم وريلي مو ولدها فتحط جم غضبها فيني وعشان بناتها ماتزوجو ولأنهم كلهم اكبر مني فحاطه دوبها من دوبي مع ان البنات ظليمتهم شينه من ييتهم ما شفت منهم شي واول ما تزوجت كانو ايون عندي بالغرفه ويقعدون معاي لما بيروحون مكان يقولون لي وينادوني عندهم بغرفهم وبعدها تغيرو اثاريها هي اللي تحرشهم وانا وريلي من قبل حاولنا نطلع بس عمي ما رضي يبي ولده عنده
المهم الحين ريلي صارله شهر ما راح لأهله وانا جم مره اقوله روح لهم وهو موراضي وانا جذيه حاسه بتأنيب الضمير وقلته روح سلم على ابوك واخوانك مالك شغل بهالنسره قال البيت اللي تنهان فه مرتي ماني داشه مره ثانيه

بنات مادري شسوي مابي اقطع الولد عن ابوه عمي ريال طيب ومايستاهل وحتى لو انه مو طيب هذا ولده وهذاك اليوم زارتني مرت حماي تقول ان عمي تعبان وايد عشان ريلي مازراهم ياربي شسوي الحين اكيد بيقولون اني انا اللي مانعته وانا وربي يشهد احن عليه ليل ونهار من قبل ما تقول لي مرت حماي عن عمي

شسوي عشان اقنعه امي تقول نطري بعد ماتولدين روحي انتي وياه لهم وسلمي على عمج ومالج شغل بالنسره وانا ماقدر انطر ليما اولد شهري آخر سته يعني باجي شهرين نقريبا على الولاده وعلى ما اطلع من الاربعين يبيلي 3 شهور على الاقل مو معقوله يقعد كل هالمده ما يزور ابوه واخوانه

شسوي قولولي