اهل الحموله اهل الزوج اهل الريل وااااي بينبط راسي

[هيٍبَـﮧ مَﻠكه]

اهل الحموله اهل الزوج اهل الريل وااااي بينبط راسي

سلام بنات


انا شايشه الحين الحراره مرتفعه حدي وراسي بينبط من القهر :eh_s(14):


اهل ريلي ناس سنعين ومن عايلتي واحبهم ويحبوني بس لهم اطباع اعوذ بالله تخيلي الواحد يعني يوصل حده منهم

اهم وايد اتكاليين ودايما يعتمدون على الغير ودايما يفكرون ان الناس ما تفكر فيهم وكل ناسينهم ومن هالكلام

عاد اقولكم صارت فيني جم سالفه ورا بعض منهم وانا حدي مقهوره

انا بيت اهل ريلي 4 خالتي ام ريلي واختها وحمواتي ثنتين اصغر مني

قبل اسبوعين كنا بنروح العمره انا وريلي ووحده من حمواتي الثنتين
اتييكم اخت خالتي (لان خالتي مره طيبه ما تتكلم اتيي الساحره اختها اللي توسوس على الناس) وادق علي وتامر وتقولي ديري بالج على حماتج وحطيها بعينج ولا تضيعينها ووديها ويبيها ومن هالكلام اللي يسمع يقول حماتي ياهل واهي اصغر مني بسنه بس لانهم صج جنهم يهال ما يعرفون كوعهم من بوعهم يبيلهم من امشيهم وحتى يفكر عنهم قلتلها اوكي من عيوني ما طلبتي شي

عاد لمن ردينا الكويت طبعن حماتي الثانيه ما شفتها لانها مشغوله بمشروع الجامعه ولا دقت ولا دزت حتى مسج ولا قالت سلام والحمدلله على السلامه وتقبل الله اعمالج كلش ماكو شي عاد طوفتها لها

الشي الثاني صار استقبال ولاده وحده قريبتنا عاد احنا رحنالها ويوم دروا حمواتي قلتلهم تعالوا وناسه تصير يمعه هناك قالوا اوكي نروح معنه ماكان لهم خلق بس يوم راحوا شافوا ربعنا وشافوا ناس وايد وعبالهم العزيمه كبيره واحنا مو قايليلهم ويوم ثاني دقت علي اخت ام ريلي وزفتني قالتلي ليش ما قلتي حق حمواتج انكم بتروحون ليش تتفقين ويا ربعج وما تقوليلهم ديري بالج عليهم انتي مرت اخوهم واهم رفيجاتج ترى مالهم غيرج طبعن على عتب وشوي اعصاب قلتلها اسفه وهذي اخر مره

وقبل فتره صارت عندي حالة وفاة ورحنا العزا وخالتي واختها كانوا مسافرين وانا ما قلت حق حمواتي يعني يالله اتحمل حالة الوفاة بعد تبيني ادق عليهم معني فكرت فيهم بس قلت اهم المفروض يدقون علي يعزوني

عاد رحت العزا ويوم ردوا من السفر رحت اسلم عليهم خالتي واختها عاد اخت خالتي استلمتني بعد ما طالعتني بنفس شينه وقالتلي انا جم مره اقولج وين ما بتروحين تقوليلهم ترى هذيله مالهم غيرج احنا مسافرين منو يقولهم غيرج وتخيلوا هالكلام جدام ريلي (يعني هذي خالته) واهو ساكت بعدين لاحظ اني متضايقه وقال خلاص بس خو راحوا العزا وخلصوا واهي تبي تبي تهاوش وانا ساكته منقهره اقول بقلبي هذا والمفروض اهم اللي يدقون يعزوني وايون العزا بدون ماقولهم عندهم بدال السايق اثنين ويدلون البيت واهم ولا دزوا مسج ولا قالوا الو عظم الله اجرج حدي انقهرت عاد هالشي اهم المفروض يسبقوني عليه مو كل شي انا ادليهم عليه جني جلب عميان والله جنهم عميان مايدلون شي بدروب الحياه <<< دشت بالكلام اللي منه :eh_s(20):

والله من القهر قمت اخربط حجي يعني انتوا شرايكم بللي يصير ؟؟ هذا واحنا في بداية المشوار الله يعين لو يصير الزواج مادري شنو بيسوون فيني

انا ماحب اظلمهم الظليمه شينه اهم نوعيتهم يخافون الناس تاكل حقوقهم ثقتهم بنفسهم ضعيفه عشان جذي تشوفونهم بس يكشرون عن انيابهم من اول ما يحسسون نفسهم ان الناس مو معتبرتهم معني والله رفيجة حمواتي من وحنا صغار وتربينا مع بعض واحبهم ويحبوني بس عليهم اطباع محد يتحملها انتوا شرايكم بنات سوري طولت عليكم السالفه حتى مأثره على خواتي لان خواتي رفيجات حمواتي بعد