العصبية ذبحتني

[هيٍبَـﮧ مَﻠكه]

العصبية ذبحتني

مساء الخير ..

انا متزوجه من 3 سنوات ..

و عندي ولد عمره سنتين ..

و ريلي ( زوجي ) كل بنت تتمناه ..

يهبل مو مقصر علي بشي مدللني .. عمره ما غلط بحقي حتى بكلمة ..

بس المشكلة فيني ..

مينونة اعصاب
وااااااااااااااااااااايد اعصب .. على اتفه شي اعصب

و المشكله انا اللي ابدا .. يعني يكون شي تافه و انا اكبره ..

بيني و بين نفسي اقول و انا معصبه : تعوذي من ابليس يا بنيه و طوفي ترا الموضوع ما يستاهل ..

بس احس اني اشب ناااااااااااااااااااار من داخل اذا سكت و ما تكلمت ..

و لمن اعصب نبرة صوتي تعلى و ما احس بنفسي و انا اتعب حيل ..

بس ما اهدى الا لمن ابجي وايد و لمن ريلي اهو ايي يراضيني ..

تعبت حيل تعبت ..

انا ترددت قبل لا اكتب ..

بس ابي احد ينصحني شسوي ؟؟؟

على فكرة انا كنت اخذ حبوب منع حمل ( ياسمين ) بس الحين قطعتها ( تأثر ؟؟ )

جربت اني اذا عصبت اطلع من المكان اللي قاعده في ..

بس احس اني اتعب زيادة ..

اخاف ريلي الحين يتحملني و بعدين يمل مني ..

نصحوني الله يخليكم ...​