راحو رياييل الدروازة وبقوا رياييل المطنزة والعازة

[هيٍبَـﮧ مَﻠكه]

راحو رياييل الدروازة وبقوا رياييل المطنزة والعازة

آنا بعرف اللي يقولون ريال البيت وظل راجل ولا ظل حيطة وينهم عشان اقولهم ان الحيطة ابرك الف مرة عالاقل الحيطة اتسند عليها لا تعبت

مشكلة غالبية الكويتيات المسؤولية اللي طاحت على راسنا بين يوم وليلة كنا ببيت اهلنا مدللين وما ندش المطبخ إلا بمزاجنا والحين صرنا نقوم بوظيفة المرة والريال الا من رحم ربي من الرياييل اللي خايفين الله في بيوتهم وعيالهم

اليوم كنت اسولف مع يدي ويقول حريم هالوقت مامنهم فايدة بس مكياج وتسوق واعتماد عالخدم

ما قدرت اسكت قلت يدي روح الطبيب من تلقى الأمهات
الألعاب الأمهات
المدارس حتى مدارس الصبيان الأمهات
السوق الجمعية الأمهات
حتى الجراجات دشيناها سوق السمك والشبرة دشيناها
والريال شنو ملك متوج صج يداوم الصبح بس من يرد يخلص دوامه
المرة لأ تخلص دوام الصبح ويبتدي دوام ثاني وثالث بعد
واللي يبط الجبد آخر اليوم يبيج كاشخة ولابسه وتتدلعين بعد بالله شلون بعد كل هذا من وين بيي الدلع
طول يومج لووووووووية وعمال يصلحون التكيف وهنود اللي بالجمعية والرياييل اللي ما يصدقون يشوفون وحدة بدون ريلها إلا لحقوها غصبن عنج بتتخشنين وبتصيرين ريالة
الأدوار انقلبت والآية انعكست وبدال ما نقوم بوظيفة واحدة اهي زوجة وأم صرنا زوجة وأم وأبو وسايق

ما تصدقون شنو سمعت ذاك اليوم من د منى الغريب تقول اسباب تكيسات المبايض اللي انتشرت بين الحريم بسبب اختلاط الأدوار وان المرة تقوم بوظيفةالريال ومعروف ان اللي معاهم هالحالة يزيد عندهم هرمون التيستيستيرون واهو هرمون الذكورة:eh_s(1):
عبالهم الرجولة ان يسأل وين رايحة ولاتحطين مكياج
الرجولة ان الواحد يغار على اهله وما يعرضهم للبهدلة بوسط الرياييل
بمعنى نطروا علينا شوي يارياييل الكويت وبتشوفون شواربنا وحزتها لا تلومونا لوموا نفسكم