علاقتج بريلج وقت الملجه

[هيٍبَـﮧ مَﻠكه]

علاقتج بريلج وقت الملجه

سلام عليكم

بدش بالموضوع سيده بعد شوي يأذن الفجر نقوم نصلي مابي اطول

المهم



بنات الكل يتكلم عن فترة الملجه اوكي و انها فتره حلوه وجذي وانا ملجتي بعد 5 ايام بالضبط وصارلي اسبوع قاطعه ريلي مابيه يشوفني

من اول ما قطعته كلمته بالتلفون قلتله هااااا حبيبي مابي اشوفك عشان تشتاقلي عدلللل <<< وانا بالصج قصدي اني مو حافه مابيك تخترع من ويهي لووووووووول

المهم صج ابيه يشتاقلي واشتاقله ... بنات انطره يدق علي ماكو فايده مايدق مو لانه مو مشتاق ادري فيه يحبني بس مادري شنو السبب يوم قلتله وينك ما تسأل عن حبيبتك يتحجج يقول كان عندي شغل .. وكررها بعدها هم قطعني جم يوم وانا دقيت عليه وعاتبته قلتله علامك ما تدري عن مرتك وينك عني ليش ما ادق علي ومن نبرة صوتي بينتله اني زعلانه بس اهو مو فاهم ليش انا زعلانه ؟؟؟ انا زعلانه لاني ابي احس ان فيه تواصل بينا ابي احس ان في شي بينا نتكلم عنه ابي احس انه صج مشتاق واهو ما يدري واهو بكل برود يسكت ......... بعدين يقولي عندج امتحان باجر ؟؟؟ واللللله صار فيني حاله قلبي حسيته يرتفع ويهبط فوق تحت وعيوني غرقت بالدموع ليش جذي بارد ليش ما يحس ... اهو ليلحين مو راضي يفهمني ويستوعب شخصيتي .. انا طبيعتي التزم الصمت المطلق اذا طنقرت :mad: بعدين عقب دقايق لازم اتناقش بشنو اللي زعلني وشنو الحل ولا اغلق باب الجدال حتى اريح قلبي واريح اللي قبالي بدون محد يزعل المهم لااااااازم اتناقش بس اهو مايبي ما يحب ما يعرف يغير الموضوع بسرعه يظن ان جذي يقدر ينسيني الزعل وانا ازيد اعصااااااب

انا اقول السبب انه ... اهو .... شلون افسرها ... اهو واحد على نياته مايعرف حق البنات مايعرف شلون يعاملهم واحيانا احسه كسلان مايبي يفكر شلون يفرحني شنو يسويلي شنو يقولي مو عارف يفهمني ويستوعب شخصيتي ..... تخيلوا سألته على دلع قلتله شنو بنسوي بعد الملجه ؟ قالي شنو اكو شنو قصدج ؟؟ تخيلوا ما يدري ان المعاريس يطلعون بعد الحفله ما يفكر ما يحاول يسأل حتى ربعه قلتله بذمتك عبالك بنقعد بالصاله فوق نسولف جدام الله وخلقه وانا اللي صارلي سنه احوس على بدلة الطلعه وافكر شنو اعطيك هديه طلع خررررطي ما يدري عن الدنيا ... والله انا احبه ويحبني مابي اظلمه بس عنده اساليب يقهرني فيها بروده عجيب وصمته رهيب اهو يهجرني مايبي يضايقني باتصالاته ورسايله وانا افسر هجرانه هذا صد وفراق ليش يسوي فيني جذي ؟ هذا وحنا بفترة الملجه اجل لو بعد 20 سنه شنو راح نكون ؟؟؟؟



اتمنى انكم فهمتوني لاني توني مسكره منه التلفون ونا حدي متضايقه ومادري يمكن السبب مني يمكن من الضغوط يمكن منه اهو

شرايكم ؟؟؟؟