روايــة لجـل عيــونكـ ابيـــع كـل شــــي ( ريـــم &فـهد )

[العيون الخليجيه]

روايــة لجـل عيــونكـ ابيـــع كـل شــــي ( ريـــم &فـهد )

روايات منتدى كويتيات نسائية 

بسم الله الرحمن الرحيم

حبيت انزل لكم هالرواية اللي تتكلم عن احداث من نسج الخيال

هذي مو اول مرة انزل رواية نزلت روايه بالصيف اللي طاف وكانت حلوه وكملتها بس حييل قصيره و ماعطيتها حقها لاني لهيت

رواية شفايدة الندم رواية واقعية

بس هذي ابي فيها تفاعل قوي اذا عجبتكم

:eh_s(22):اول شي ببدي بالبطلة "ريم"

عمرها 16 سنة عنيدة وحبوبه وطيبه واللي بقلبها على لسانها طولها زين وشعرها اسود بس متحجبة حلوه حواجبها مرسومين وعراض وعيونها زينه وخشمها نتفه صغيرون

ام ريم "فاطمه": ام بدر ام حبوبه وطيبة بس كلا ما ترضى وتسوي من الحبه قبه مثل ما يقولون

بوبدر"خالد" : انسان طيب طيب بس مو اي شي يرضى عليه ولكن طبعه حلو بالتفاهم كل شي يصير يشتغل مع نسيبه بو فهد في احدى شركاتهم

بدر : اخو ريم الكبير عمره 25 يشتغل باحدى الشركات مهندس وعصبي ومايتحاجى

عايشة : اخت ريم الكبيرة عمرها 23 متزوجه وعندها عبدالعزيز سنتين و سارة 3 اشهر

طلال : اخو ريم اللي اصغر منها عمره 15 شيطان وكله مع عيال عمه

شوق : الجعده عمرها 12 عنيدة وراسها يابس ومزااجية درجه اولى

__

اليكم الرواية :

ريم : وااي حوورو يلا انشالله مو سنه انطرج ؟

حور : انزيين كا البس الكعب مال اكفخج فيه

ريم : لا تخليني احرك

حور : يبا اسفه اتغشمر

حور : بنت خال ريم عمرها 16 وحييل ويا بعض ونفس الشي بكل شي الطبع وكل شي بس ضعيفه وعصاقل عكس ريم لكن حور جلد وعظم نفس طول ريم ومتحجبه حلوه سمره شوي اسمر من ريم واتينن طيبه درجه اولى​

ركبت حور السيارة وسلمت على ريم

ريم : مابغيتي ...

حور : شسوييي انتي تخلصين بدقيقه .. ها الحين نمر عايشة ؟

ريم : ايي .. الا وين نور ؟

حور : ماتبي اتييي تقول مالها خلق

ريم : كيفها .. كومار روح حق الشامية بيت عايشه "تكلم السايق"

حور : امبييي ريموو ذكرتيني تصدقين فطووم سوت عملية الزايدة

ريم : شهقت جذااابه متى

حور : مساع دقيت عليها كنت بقولها على اساس انها تروح ويانا جان تقولي انه قعدت نص الليل بطنها يعورها وقعدت امها وابوها وودوها الاميري لقوا فيها الزايده

ريم : خلاص الحين نمر عواش ومدام احنا رايحين شرق وقريب يمه نمرها .. وايي حيااتي مسكينه

حور : شدعوا عاد ترا الزايده شي طبيعي

ريم : ايي ادري

حور : عبالي بعد

ريم : كا وصلنا صوب بيت عواش خليني ادق عليها .. الوو عواش احنا بره

عواش : اوكي كاني يايه

حور : يختييي ريوم شوفيه هذا عزوز اللي يلعب ويا اليهال

ريم : واااااااااااااي فديييييييييييييييته .. ايي عيال عمه

حور : ودي انزل بس ماكو وقت

وقعدوا ينطرون عواش

ركبت عواش السيارة : قوه

حور , ريم : الله يقويج

عواش : شلونكم .. شخباركم

حور , ريم : تمام الحمدالله

عواش : قلتوا حق السايق يروح شرق ؟

ريم : اييي , كومار روح سوق شرق

كومار : اوكي

__

طرف ثاني

الليت مصكر والدار باردة

والتليفون قاعد يرن

فهد : اوووووف منو داق هالحزه وليه ,, الو هلا خلود ,, شتبي ,, متى رايحين , يلا البس انت تمرني ولا انا امرك ؟

,, خلاص مرني واذا وصلت دق رنه انزلك ..

قام فهد خذا شاور وبدل لبس جينز وبلوفر قاب

ودق على خالد

فهد : ها وينك

خالد : كاني عند لفه بيتكم

فهد : هين اذا ماكنت توك طالع من بيتكم

خالد : ها انزين يلا باي

فهد : لا تطوفها يلا باي

طلع فهد برا قعد بالحديقه لين ما يا فهد

فهد : تو الناس خست بهالجو حرام عليك

خالد : محد قالك تلبس بلوفر

فهد : يا عمي خنلبسهم ما لبسناهم شكثرهم ملابس الشتا ,, بعدين ترا احنا الحين شهر 12 يعني بالشتا

خالد : انزين انزين ما تسوى علي ترا

فهد : ايي عشان تعرف مرثانيه ما تتحرش

خالد : يلا الربع سبقونا عالسوق شرق

فهد : منو اهما بالضبط اللي رايحين

خالد : احمدو و حمين و سعود

اعرفكم على فهد : اخو حور ونور يعني ولد خال ريم عمره21 يحب سوالف الرياضة والكره ومشترك بنوادي وجسمه متناسق وحنون بس مايلقى فرصه يطلع فيها حنانه يدرس هندسة كمبيوتر بامريكا لكن ملتزم وكل فرض بوقته​

نروح حق البنات

نزلوا سوق شرق

عواش : وين تبون تروحون اول شي ؟

حور : انا يووعااانه ما كليت شي خنقعد بمطعم

ريم : اي مطعم تبون ؟

عواش : امشوا ابل بيز

حور : لاا الله يديمه مانبي مو حلو

ريم : انا اقووول تشيلز

حور : لالا شرايكم لامارينا قعدته حلوه عالبحر

ريم : اييييه بس ترا انا بصعد اطلب ماكدونالز ماحب اكله

عواش : ريمو فشلتينا ركضي مناك بعد انشالله مو بصوت عالي قصري حسج

ريم : انزين شدعوا ترا مو عالي

حور : ريووم انشالله تحسين بعمرج

راحوا اقعدوا بالمطعم وطلبوا ​

عند الشباب احمد وحمين وسعود كانوا قاعدين بنفس المطعم وبالطاوله اللي يمهم

ووصلوا فهد وخلود ودقوا على الشباب وقالولوهم وينهم وويولهم

فهد : قوه شباب

احمد : الله يقويك اهلين وين كل هالغيبه

خالد : خل يولي داق عليه اقوله ايي ويان راد علي بنفسيه

فهد : والله محد قالك تدق وانا نايم

__

عواش : حوور هذا مو اخوج فهد ؟

حوور : وين ؟

ريم : وين ليكون الشباب اللي وره !!

حوور : ايي والله اهوا

ريم : امبيي متغير و بقلبها واااي صاير زوغه هذا فهيد اللي قبل ما اصدق تغير

حوور : ايي مسكين الغربه قلبت حاله

عواش : متى رد ؟

حوور :يوم الخميس رد معطينهم عطله مادري شالمناسبه وبيرد الاسبوع الياي

عواش : اهاا الله يوفقه

حوور , وريم : امييييييييييين

حور : خل ادق اتحرش

ودقت على فهد

من طرف ثاني عند فهد

فهد : عن اذنكم شباب

الشباب : اذنك معاك

فهد : هلا حور

حور : وينك ؟

فهد : طالع مع ربعي

حور : يالكيووت شكلك اينن

فهد : شنو وين شفتيني

حور : يالعمي انا بالطاوله اللي وراك

فهد لف عليها : ومنو اللي معاج

حور : اللي جدامي هذي عواش

فهد : لا قصدي اللي يمج

حور : هذي ريوم

فهد : ايي مشالله شكلها تغير وااايد يلاا يايكم

فهد : قووه بناات

عواش وريم : اهلين الله يقويك

فهد : شلونكم

ريم : تمام وانت شخبارك و الحمدالله عالسلامه

فهد : عسى انا تمام الله يسلمج ها تامرون على شي ؟

ريم وحور وعواش : لا سلامتك

فهد : الله يسلمكم يلا مع السلامه

رد فهد مكانه واهوا يفكر بريم

" الله يالدنيا جذي كبرت وتغيرت حيييل وينها الحين ووينها قبل ايام الكاريه "

خالد : فهوود منو البنات اللي رحتلهم ,, ليكون مواعد من ورانا @@

فهد : افاا انا راعي هالسوالف حرام عليك هذول اهلي

خالد : مصدقك يبا

__

كلوا البنات ودفعوا الحساب وراحوا يتمشون

دشوا اج اند ام وخذتلها عايشة جم بلوزه حق عزوز وحور وريم لاعت جبدهم لانه عايشه سنه على ماتنقي واج اند ام مال شرق بس حق اليهال

واهما يتمشون دق سالم على

عايشه وقالها انه الساعه 10 خل ترد البيت

عواش : بناات يلا ترا الساعه 10 وريلي دق

حور : ايي يلا بعد ريم قطيني عالبيت

ريم : لا والله اقعد اقططكم كل واحد بيته اخاف ارد بليل بيتنا بروحي

حور : عن الدلع ريم بليييييييييز :*

ريم : انا اقول بلا دلع نامي عندنا

حور : امممم اوكي ادق على امي اشوفها

دقت حور على امها : الو يما يما بنام عند ريم اليوم ,, ايي كانا رادين البيت بالطريج ,, ومنو اييب ملابسي ؟ ,, اوكي

ريم : ها شقالت ؟

حور : قالت اوكي وبعد شوي بتخلي السايق يقط ملابسي

ريم : هياااا

ردوا البنات قطوا عايشه على بيتها وراحوا بيت ريم

__

عند فهد خلصوا من المطعم

فهد : ها شباب وين نروح ؟

خالد : شرايكم ندش فيلم توه نازل ؟

سعوود : يلا فوقه بس الحين الساعه 10 ونص مو جنه متاخر ؟

احمد : اييي انا الوالد قالي حدك 12 والفلم اذا بدا 11 ما يخلص الا وحده وورا

فهد : خلاص عيل خلود خلها مرثانيه

حمين : اوكي يلا شباب انا راد سعود بترد معاي ؟

سعود : اي يلا امش

حمين وسعود : يلا مع السلامه

الباجي : مع السلامه

احمد : يلا بعد انا ماشي تبون شي

خالد : سلامتك

احمد : الله يسلمك

خالد : اقول فهود شفيه احمد مو على بعضه

فهد كان سرحان

[العيون الخليجيه]

فهد كان سرحان

خالد : الوو فهد

فهد : ها هلا .. شفيك ؟

خالد : كلن في قلبه شقا الليله وانا في قلبي شقا الغالي شفيك ياخوي ؟

فهد : مافيني شي بس والله الديره شزينها ما بقى شي ونرد امريكا ؟

خالد : من صجك فهد صج انه الديره لها وحشه بس بتصير المهندس فهد عدل ولا لا ؟

فهد : ايي والله صج العلم نور

خالد : لا مهند .. تتطنز حلايا ويهك ؟

فهد : فدييت ويهي وفديت حلاي

خالد : امش بس امش ​

* عايله فهد

الاب : بو فهد ريال طيب يشتغل باحدى شركاتهم اللي شراكه مع بوبدر

الام : ام بدر ام زينه مو كل شي ترضا بس مدلعه حور ونور تدلع

فهد : عمره 21 يدرس باميركا وعنده كل شي ولا خواته مايرضى عليهم

حمد : عمره 18 يدرس بجامعه الكويت كله هايت مع ربعه

حوور : 16 سنه نفس طبع ريم مثل ما ذكرنا

نوور : 15 سنه حيل ويا فهد

وليد : 13سنه

_

عند ريم كانت قاعده بدارها وحور راحت الحمام ولا يرن تليفون حور باسم صلوحي انصدمت ريم وراحت حق حور ريم : حوور تليفونج يرن

حوور: اي اوكي خليه الحين ايي

ريم : حور منو صلوحي ؟؟

حور : لا يروح ظنج بعيد هذي روان

ريم : اي ؟

حور : اي بس ؟

طلعت حور :شفيج متنحه

ريم : انزين روان تسيفينها صلوح شلوون مافهمت ؟

حوور : ايي هذي بويه

ريم : حوور حرام عليج احنا شقلناا ؟

حور : شنو عادي والله بس فرند

ريم : تستعبطين فوق راسي

حور : قتلج بس فرند عادي اصلا مالي شغل فيهم

ريم : حرام عليج لو تكلمين صبي اشرف من هالحثاله صدقيني

حور : انزين اوكي بس اهيا وياي بالصف يعني مافرقت

ريم : كيفج بس ديري بالج منهم ترا ينخاف منهم

حور : اي ادري

دق التليفون مرثانية وشالته حور وقعدت تسولف ريم لاعت جبدها وفجت لابتوبها وشبكت بايميلها وقعدت تسولف ويا مريم رفيجتها

مريوم : ها شلون الطلعه

ريم : اتينن يليتج يايه ويانا

مريوم : يا بختج مو انا مجابله ويه بنات عمتي العقد

ريم : ههههههههههه مسكينه طافج الشباب ايننوون

مريوم : حلفي بس حلفي

ريم : من صجي

مريوم : مالت عليج

ريم : جب

مريوم : جب يجبج والحمار يحبج والليله عرسج وباجر طلاقج ههههههه شرايج

ريم : ما اعزمج على عرسي خلاص

مريوم : ماراح اوقف معاج بطلاقج

ريم : اسم الله علي اتطلق

مريوم : تحبين الحمار ما تبين تتطلقين منه

ريم : وااااااي انا افكر بريلي المستقبلي وانتي تتكلمين عن السبه هههههههه

مريوم : هههههههههه شدراني عنج

يلا باي بنام دايخه مانمت الظهر تبين شي ؟

ريم : نو سلامتج نوم العوافي يارب

مريوم : يعافيج

وصكته

ريم : حوور يا مليقه صكي نايمه عندي عشان تسولفين وياها

حوور : لحظه ريووم ,, الو اوكي صلوح انا بنام باجر ادق عليك

طبعا ريم منصدمه من المستوى اللي وصلت له حوور

صكته حور وراحت انسدحت بالفراش

حور : ريوم شفيج مطنقره ؟

ريم : لا ماكو شي

حوور : علي انا؟؟

ريم : حوور ترا سالفه انج تقولين حق بنيه صلوح على بو انه اهيا بويه كلش مو داشه بالي

حوور: والله بس فرند ريوم شفيج عادي !!

ريم : مو عادي وكيفج باجر انتي اللي بتتحسفين

حوور : اوكي عارفه

ريم :اوكي يلا الساعه صارت 3 ونص باجر صلاه اليمعه

حوور : انزين لا تقعديني انا علي الدوره وحاسه بتعب الاسبوع كله بيطلع الحين خلوني انام

ريم : كااك اوكي يالنوامة

حوور: عيني بعينج

ريم واهيا تخزها : اي كيفي يلا تصبحين على خير

ناموا ريم وحور

__

عند فهد

وصل البيت ودش لقا امه قاعده

فهد : قوه يما

ام فهد : هلا وليدي فهود ها شلونك مع الكويت

فهد : يازينها ويازين ريحتها واللي فيها

ام فهد : الله يخليك لي

فهد : شعندج قاعده لي هالحزه

ام فهد : كنت قاعده انطر الاذان , انت وين كنت

فهد : ماكو كنت رايح السوق عقب رحت بيت خلود ورديت ببدل واتوضا عشان اروح المسجد

ام فهد : الله يصلحك

__

ثاني يوم دشت ام بدر على ريم

ام بدر : رييم رييم يما قومي مابقا شي عالاذان رييم

حوور ريم قوووموا يماا !!

حوور : خالتي انا علي الدورة وماوراي صلاه خليني نايمه

ام بدر : خلاص نقعدج عالغدا ,, رييييييم قووومي :mad:

ريم : اووف انزين شنو هذا بس يقعدون وقعدت تتحلطم لين دشت الحمام

غسلت وبدلت وقعدت تقرا سوره الكهف

وراحت ام بدر تقعد بدر وطلال حق الصلاه قاموا وراحوا

__

قام فهد من النوم وراح مع ابوه حق الصلاه واهما نوعهم كل يمعه كل الاهل الرياييل يروحون المسجد الكبير وعقب كل اسبوع بيت واحد منهم مره بوبدر ومره بوفهد ومره بواحمد

خل اقولكم بيت بو احمد اخو بوفهد وام بدر

الكبير : احمد عمره 30 متزوج من منار 27 عنده محمد 4 سنين وغنيمه 2ونص احمد يشتغل بالشرطه

ناصر : عمره 26 يحب وحده ويبي يتزوجها لكن الى الان موعارف الطريقه اللي يبي يفاتح اهله فيها وناصر يشتغل دكتور اسنان

منصور : عمره 23 توه يتوظف يشتغل محاسبة

هذي عايله ابواحمد وامهم توفت يوم كان عمر احمد 20 يعني قبل 10 سنين اثر حادث

___

قامت حور وريم بدلوا ولبسوا لانه كان اليوم الدوور ببيت ام فهد بمناسبة فهد رد من السفر ولازم العزيمة ببيتهم

ام بدر : يلاا رييم حوور شووووق يلاا خلصوا الساعه 12 ونص

ريم : ان شالله يما كا بس البس الكعب

نزلوا وراحوا حق بيت ام فهد

دشوا وقعدوا دشوا الرياييل وحطوا الغدا طبعا فهد عينه على ريم والعكس صحيح

ريم حدها مستحيه ولما يكلمونها جنها المسبهه

وتاكل بطريقه ذربه خلت حوور تتطنز عليها

حوور : رييم يرحم امج شهالذرابه !!

ريم : نعم ليش اختي احد قالج اني دفشه @@

حوور : لا بس مو متعوده عليج جذي

بدر : اقول حوور حدج على ريوومه ترا ماارضى

ريم : فديت اخووووي انااا <3

دق تليفون بدر وقام صار هدووء

[العيون الخليجيه]

دق تليفون بدر وقام صار هدووء
[/FONT][/FONT]طلع بدر بره
بدر : هلا فيج وهلا باللي ماخذه قلبي وعقلي كله
سلمى : هلا فيك
بدر : ها شلونج الحين احسن
سلمى: ايي الحمدالله خفت حرارتي
بدر : اشوا ريحتيني فديتج
سلمى : تفداك
بدر : اوكي سلومة انا الحين بصكر قاعدين نتغدى بين الاهل بغيتي شي
سلمى : اي ابي شي
بدر : امري
سلمى : ادير بالك على نفسك
بدر : تكفيين لا تخليني اصرخ احببببج
سلمى:اعشقك
بدر : حياتي انتي يلا بصكر
سلمى : مع السلامه
صكه بدر وهو متلهف عليها دش داخل متغير 180 درجه
نقزت شوق : ها عسى خير اللي داق
بدر : وانتي شكو يا نزقه
شوق: الحين انا شطولي شعرضي نزقه :mad:
ام بدر : شوق !
شوق : ان شالله يما
حوور :تساسر ريم مسكينه شوق على طول خزه من خالتي فاطمه فهمت
ريم : هههه ياحماره
طلال : اقول وليد شرايك نروح السينما نحجز الساعه 5
وليد:نروح بس بسايق منو؟
ريم : عادي بسايقنا بس شرط انا وحور وشوق ونور ريلنا على ريلكم
دش فهد عرض : وانتوا يا بنات ماكو روحه الا انا وبدر ومنصور وحمد على ريلكم
ام فهد : خوش عيل روحوا كلكم استانسوا
منصور : عمتي اي فيلم هذا اللي بنلقى حجز
ريم : حوور روحي ييبي لابج خنشوف السينما
فهد : لا حور ماله داعي تصعدين كاهو لابتوبي الحين افج اشوف
ريم : فهد ضبطنا نبي فيلم حلو
فهد : تبون فيلم رومانسي ولا فكاهي ولا اكشن
ريم : انا ابي رومانسي
فهد : خلاص نسمع كلام ريم
حور : لاا والله نبي نضحك دورلنا مصري
فهد : طاع اختي الهيليقيه
حور : لا انت الهيلقي تبي رومانسي كلا خرابيط بهالزمن ماكو حب
ريم : فييه بس وين تلقين هالواحد الصاج الحين محد يقدر يعبر عن شعوره
فهد كان يشوف ريم ويحس انه يحبها وانه اهيا توافقه بالراي بانه في حب بهالزمن
فهد : اقول في فيلم روبن هود يمدحونه تبونه
الاغلبية صارخوا اييي
دش فهد ولقا سينما المهلب الساعه 5 ونص حجز حقهم وكان مستانس حده
صارت الساعه 4 تزهبوا وراحوا بثلاث سيايير سياره فهد وسياره بدر وسياره منصور
ركبت حور وريم ونور مع منصور , وشوق وطلال ووليد مع فهد وحمد مع بدر
ومشوا وصلوا المهلب ودشوا وقاموا كل واحد ياخذله اكل اللي خذا ناجوز واللي خذا نفيش وهالسوالف
فهد : ويت خلوني اعدكم كلكم موجودين
حور : بدر ولد خالتي فاطمه مادري وينه
فهد:وليه هذا وقته
قام فهد دق على بدر مارد عليه وقعد يشكل عليه شاله بدر معصب : نعم !
فهد : وينك قاعديين ندورك بندش والتذاكر عندي شلون بتدش
بدر : دخلهم وانطرني الحين انا ياي
فهد انزين
__
عند بدر : سوري سلمى هذا فهود ولد خالتي بيدشون الفيلم
طبعا بدر دق على سلمى وقالها اتيي وسلمى قالت حق اختها
اعرفكم بسلمى : صارلها سنه ويا بدر تعرفت عليه مره كانت تراجع عندهم بالشركه وعجبت بدر
وتعرف عليها عقب ماطلع عينها عمرها 24 اصغر من بدر بسنه وطويله سمره وعيونها صغار متحجبه وشكلها حلو تشابه الممثله صمود
سلمى : لا عادي شدعوا رد لايطوفك الفيلم
بدر : حبيبتي والله يلا انا رايح وديري بالج
سلمى: اوكي
دشوا كلهم الفيلم وعجبهم حيل طلعوا تعشوا بالمطاعم اللي فوق وردوا كل اخو خذا اخوانه وراحو
واهما رادين كانوا فهد ووليد ونور وحور بالسيارة
فهد : ها ان شاءلله استانستوا
حوور : ايي والله ,, ويي فهود !!
فهد : شفييج ؟
حور : مادام احنا مابعدنا مر بيت خالتي فاطمة نسيت جنطة ملابسي
فهد : اوكي بس دقي خل يزهبونهم
حور : اوكي وقعدت تدق على ريم
حوور:الوو.. هلا .. ريوم نسسيت جنطتي عندكم ... احنا بالطريج يايين .. باي
ريم : الو .. اهلين .. اوكي اذا وصلتوا طقوا هرن اطلعلج اياها ..باي
وصلوا بيت بوبدر طلعتلهم ريم عطتهم الجنطه ومشوا
ردوا بيتهم طبعا حوور دشت دارها بدلت وناامت
دش فهد غرفته بدل وانسدح يفكر بسريره
بغرفه نور وحور
نور : حور وين السمااعات ؟
حور :..........
نور : امصييييبه امداج نمتي ! اروح اخذ من فهود احسلي
طلعت نور وطقت باب غرفه فهد
فهد : تفضل
نوور: فهود شفيك ؟ احسك متضايق ؟ ولا تحب ؟
فهد : والله انتي هالطول وهالسوالف اقول مو شغلج شتبين ؟
نور : يلا فهوود قول قول شعندك ؟
فهد : تعاااالي نور عندج رقم ريم ؟
نوور : اي اكيد بس شتبي فيه
فهد : نست كرت السينما مالها عندنا وبقولها
نور : خلاص انا اقولها
فهد : اقول عطيني رقمها
نور :اوف انزين ونقلته الرقم
نوور : انزين ابي سماعات اللابتوب
فهد : شحقه حق السهر !! روحي نامي وقعدي مبجر الحين امتحانات
نور : شكو شكو ؟
فهد : قتلج مااكو
نور : شدعوا دقييقه تكفاا فهووووووووووودي
فهد : اخذيه بس الساعه 1 اتردينهم عشان تنامين
نور: من عيوني
ببيت بواحمد وتحديدا غرفه ناصر
ناصر : ياروحي انتي
دلال: :$
ناصر : شفيج سكتي اكييد ويهج احمر الحين
دلال : الا ماقتلي شلون المستشفى اليوم
ناصر : وااي بتضيع السالفه ماشي خليج ذاكره ,, ماكو تعب حده
دلال :يعني لو انا داشه طب جان الحين نفسك ؟
ناصر : تقريبا اي بس مو شي حق البنات انتي ابيج تقعدين تربين عيالناا لين يكبرون احسن تربية
دلال : انشالله من عيوني الثنتيين فديتك
ناصر : تعالي شصار على البنت اللي ذيك المره ؟
دلال : ماصار شي تخسي بعد تمد ايدها
دلال تشتغل مدرسة حاسوب مو طويله بيضه عيونها شوي كبار واحدى طالباتها مأذيتها كونها بويه وكلا تتحرش بدلال ودلاال منأرفه منها ومره كان ناصر ياي بالهده ياخذ دلال "مواعدها" وشاف دلال تكلم البويه نزل ويا عندها وسمع البويه تقول حق دلال اعشقج ابييج وطبعا ماقصر بقا يمد ايده لكن دلال امنعته بس زفها وقال حق البويه انه دلال مرتي وطبعا البويه اخترعت
ناصر : اذا سوت شي مايردج الا لسانج بعد موناقصين مابقا الا هالمتخلفين
دلال :انزين نصوري ,,
ناصر : عيون نصورج انتي
دلال : سمعني اغنية
ناصر : اوكي بس اهداء حقج
دلال واهيا مستحيه :امم
ناصر :
أبي حبك معي يكبر
وأبي اهواك أنا اكثر
وأبي اهديك أنا دنياي
وكل اللي عليه اقدر​

حبيبي إنت احساسي
ونبض القلب وانفاسي
ولو صار الزمن قـاسي
عشان عيونك اتصبّــر​

غرامك كل يوم يزود
ولا يعرف مدى وحدود
عيوني في هواك شهود
يارب مايوم نتغيّـر​

دلال : صوووتك عذاااب
ناصر : مادام الاهداء حقج اكيد بيكون حلو صوتي
دلال : وااي :$
وقعدوا يسولفون لي الفير وعقبها ناموا
خنعرفكم على دلال: بنت عادية مو جميله لكن عيونها عسلية سمره شوي وخشمها سلة السيف طولها حيل حلو وجمسها يهبل لامتينه ولاضعيفه وحيده امها وابوها لكن امها وابوها متوفين وعايشة عند عمها وعمها ومرت عمها هاملينها مايدرون عنها اللهم شنو ناقصج ومايبخلون عليها وبولا شي ومرت عمها على اهمالها لكن طيبة
___​
قراءه ممتعه وسوريي عالتاخير وابي تفاااعل قوي قوي قووي
وكل وحده تقوول توقعاااااتهاااا

[العيون الخليجيه]

عقب يومين
ببيت بو فهد
مر بوفهد على غرفة فهد ولقاه يزهب جنطته
بوفهد :هايبا متى بتسافر
فهد : باجر الساعه 4 العصر طيارتي
بوفهد : الله يوفقك
فهد سوا شغله وراح بيت خالته فاطمه"ام بدر " يسلم عليها
طق فهد الجرس
فهد : وين ماما
كوماري : ماما صلي
فهد دخل :قوليلها فهد بالصاله
وسمع صوت ريم واهيا تنادي : شووووووووق شووق
وكانت قريبه يم الصاله
دشت ريم الصاله انصدمت من وجود فهد كانت لابسه بنطرون اسود وبلوزه على ميكي ماوس ومسوية شعرها كبه
فهد شافها علطول ولف : غمضت عيني
ريم : امبييه وركضت دارها
قعد فهد يضحك دشت ام بدر
قام فهد :قوه خالتي
ام بدر : يقويك تو مانور البيت
فهد : منور باهله انا ياي اسلم عليكم لانه باجر طياتي ,, وين بدر وعمي
ام فهد : وي لحظه الحين اناديلك اياهم
راحت ام بدر حق بوبدر بالمكتب
بوبدر : هلاا ام بدر شبغيتي ؟
ام بدر : فهد ولد اخوي ياي يسلم عليكم باجر بيسافر
بوبدر :اي لحظه خل ينطر على ماابدل
وراحت قالت حق بدر
بوبدر : تروح وترد بالسلامه
فهد : الله يسلمك وسلم على ريم والاهل
وطلع وراح بيت بواحمد ونفس شي سلم عليهم
رد بيتهم هلكاان وتعبان
يبي ينام لكن قبل لاينام دز مسج حق ريم
قوه,,ريم من احلى الاسامي اللي سمعتها عشقتج حبيتج واتمنى تعرفين هالشي لكن عن قريب راح تعرفين منو انا واتمنى عقب ماتقرين هالمسج ماتعلمين احد وماتتضايقين لانه ماراح اسبب لج اي مشكله وهذا اول واخر مسج ادزلج اياه محبج ​


بهاللحظات كانت ريم تدرس سمعت تليفونها بس طنشت قعدت تراجع وسوت جنطتها يت بتنام ولا يطري على بالها المسج فجته وليتها ما فجته انصدمت وخافت بس ردت عليه
يقويك ,, انت منو عشان تحبني وبعدين شعرفك باسمي عالعموم ماهميتني وان شفت رقمك عالفون لا اعلمك فاهم!​

وصل حق فهد قراه وقام يضحك على اسلوبها وشلون مبين انها خايفه بس مارد عليها
ونام
اليوم الثاني يت نور : فهود فهود قووم الحين الساعه 12 لازم 2 انت بالمطار
قام فهد : شتبين ؟
نور : قعدت تبجي فهود لاتروح اقعد والله البيت ملل حوور متغيره وحمد كله طالع خلك
قام فهد وقعد يلمها : حبيتي انتي ماتبين اخوج يصير مهندس وتكشخين فيه
نور: امبله تروح وترد بالسلامه راح اشتاقلك
فهد : الله يسلمج ومتى ماتبين شي دقي وااذا مليتي دقي ترا صج انا راح اكون بامريكا بس قلبي عندكم
قام فهد بدل لبس جينز وبلوزة بولو بيضه مخططه بازرق فاتح وسوه شعره وطلع
سلم على امه وابوه
ام فهد : يما فهد ماوصيك الصلاه والقران
فهد : ان شالله يما
بو فهد :فهد هالله هالله بالدراسه
فهد :ان شالله يبا
وقعدوا يوصون وسلم على حمد ونور وحور ووليد
ودق عليه خالد رفيجه
خالد : فهد وينك انا وصلت المطار
فهد : كاني الحين بطلع من البيت
خالد : وييه بتاخرنا
طبعا خالد رفيج فهد الروح بالروح وطموحهم نفس الشي لكن خالد هندسه معماريه وفهد هندسة كمبيوتر وقبلوهم بامريكا فعشان جذي اهما ساكنين مع بعض بامريكا
طلع فهد وكان منصور ولد عمه اللي بيوصله
ووصلوا المطار وسلم منصور على فهد ومشوا
___
عند ريم ردت من المدرسه
ريم : يماا شنو الغدا
ام بدر : عيش ولحم
ريم : ولييه مابي غدا بنام
ام بدر : نوم العوافي
راحت ريم بدلت وصلت ودقت على حوور
حوور: هلا ريمو ؟
ريم : اخوج سافر ؟
حور: ايي تلقينه الحين اهوا بالطياره بيسافر
ريم : اها ,, يروح ويرد بالسلامه
حور : الله يسلمج يلا بروح اتغدى عيش ودياي
ريم : ياحظج احنا لحم
حور: اوكي باي
ريم :بايات
__
يت ريم بتنام ولا شوق تطق دارها
ريم : شفيج شوق
شوق : ريموو ييبت الشهاده !!
ريم : جم ...؟
شوق : 78
ريم : ياويييييلج هذا وانتي مدرسين بكل مواد وحالتج حاله
شوق : شسوي مابي امي تدري
ريم : انا اقولها
راحت ريم حق امها
ريم: يما
ام بدر : ها ؟
ريم: يما شوق يابت شهادتها
ام بدر : ساقطه !!
ريم : لا بس 78 جيد
ام بدر : اي ماتدرس اكيد بتكون هذي نسبتها انا مالي شغل فيها ايي ابوج يتفاهم وياها
ريم : انزين
ردت ريم الدار لقت شوق تبجي
ريم : خلاص لاتبجين
شوق : الحين ابوي بيذبحني
ريم : محد قالج ماتدرسين من اول هذا تالي الهياته
شوق : ريم جب انزين اووف
ريم : انا بنام
قامت شوق وراحت دارها
دش بوبدر : السلام وعليكم فاطمه حطي الغدا
ام بدر : انشالله
عالغدا
بوبدر : وين البنات
ام بدر : شوق بدارها وريم نايمه
بوبدر : شوق شوووق (يناديها )
ام بدر : ترا يابت الشهاده ويايبه 78
بوبدر : ولييه
قام بوبدر وراح يكلم شوق ويراضيها وبنفس الوقت يلومها
رد بوبدر معاه شوق
تغدوا وخلصوا
__
ببيت بو احمد
بواحمد : منار وين حمودي ؟
منار : عمي حمودي نايم
بواحمد : ايي الله يخليه لج
منار : ويخلينا لك
منار حيل طيبه وباره ببواحمد واحمد بعد حيل يحب ابوه
بواحمد : وناصر وينه
منار : بداره
بواحمد قام وراح يطق الباب على ناصر
ناصر : حبيبتي دلول انا بعدين ادق عليج
دلال : اوكي
قام فج الباب حق ابوه
بواحمد : انت وينك ؟
ناصر : ماكو يبا قاعد بالدار
بواحمد : لا تتغدى ويانا ولا نشوفك شهالحاله هذي؟
ناصر يحب راس ابوه : ولا تتضايق من باجر بتشوفني قاعد وياكم
بواحمد : اي اشوا
__
عند حور تتكلم بالفون
حور : والله ماقدر امي ماترضا هالسوالف
صلوح"روان" : شدعوا يبا كلها بارتي يعني ترضين حبيبج يسوي بارتي وماتيين
حوور : وااي حبيبي لاتزعل بس سووري
صلوح : انا زعلان عليج انزين
حوور : خلاص حبيبي بشوف امي
صلوح : ايي خليج جذي عمري انتي
حوور: يلا بروح اكلم امي
صلوح : تيك كير
صكته حوور وراحت حق امها
حور : يماا
ام فهد : هلا
حور : يما بروح بيت رفيجتي مسويه حفله
ام فهد : ماكو
حور: يما تكفييين
ام فهد : حفله بمناسبة شنو ؟
حور :ها , عيد ميلادها
ام فهد : ومن بنته ووين بيتهم
حور : بنت الـ...
ام فهد : انزين متى الحفله
حور : يوم الخميس
ام فهد : ريل نور على ريلج
حوور: اووف يما كلا كبار وكلهم رفيجاتي اهيا شكو
ام فهد : عيل ماكو روحه
حور : خلاص خلاص
قامت حور مستانسه بس تفكر شسوي بنور ؟
دقت حور على روان :صلوووووووووحي
روان: بشري ؟
حور : امي رضتتت
روان : شفتي شلون ماقتلج اذا حنيتي عليها بترضى
حور : وااي اخييرا حبيييبي حدي مستانسه بس في شي مضايقني
روان : يابعد حبيبج انتي شمضايقج ؟
حور : امي قالت ماتيين الا وريل نور على ريلج
روان : اي عادي ييبييها جم عمرها
حور: 14
روان : وييه عبالي عندج سالفه عادي
حوور : بس اخاف تعلم امي
روان : لا كبيره تفهم مااراح تعلم
وقعدوا يسولفون ​

[العيون الخليجيه]

عند ريم
كانت شابكه تسولف مع مريم فجاه الا فهد الـ شبك
اهيا كانت ضايفه فهد ولد خالها بس من زمان واهوا من زماااان مو شابك استغربت بس دشت عليه
ريم : ولكموو
فهد : يسلموو
ريم : الله يسلمك
فهد : وانا اشوف اللابتوب منور اثاري نورج
ريم : لوووول منور باهله :$
فهد : فديت اللي يستحون
ريم : اممم (طبعا انصدمت انه يقولها هالكلام من متى بس كانت مستانسه حدها )
فهد : ها شلون الديره
ريم: زينه متى وصلت امريكا
فهد : امس الساعه 5 الفير بتوقيت الكويت
ريم : اوله مو طيارتك طارت 4
فهد : اي بس 13 ساعه من الكويت لي امريكا
ريم :وييييييييه وايد
فهد : ايي شفتي شلووون انا مسكين
ريم : ايي بس لاتتضايق
فهد : يهمج ضيقتي ؟
ريم :ايي اكيد يعني انت مو ولد خالتي
فهد : انزين من ناحيه ثانيه ؟
ريم : يعني شلون
فهد بقلبه وليه مافهمت : خلاص خلاص
ريم : متنحه وبقلبها مستحيل فهد يحبني ونااسه
فهد : انزين شنو امتحانج باجر ؟
ريم : احياء
فهد : احياء وشابكه يلا فصلي روحي درسي
ريم : انزين بس قاعده اسال رفيجتي جم سوال بالدرس
فهد : ايي يلا الله يوفقج مع السلامه
ريم : اجمعين الله يسلمك
صك فهد اللابتوب وراح يدرس لانه وراه كويز
وراحت ريم تدرس احيااء كان تخصصها علمي
__
عند دلال وناصر
ناصر :حبيبتي من زمان ماشفتج بشوفج
دلال : ناصر شنو ليش ؟
ناصر : مشتاقلج والله
دلال : لا ناصر اسفه
ناصر : يالخايسه اخر مره شفتج فيها قبل شهرين ,, رحميني عاد
دلال :امممم افكر
ناصر :يعني موافقه
دلال : قتلك افكر
ناصر : ايوااااا اكيد موافقه
دلال :لا من قالك موافقه فكرت ومابي
ناصر :تستعبطين صح
دلال :صحيييييين .. وين اشوفك ؟
ناصر : مثل كل مرة جمعية الشامية بالمول
دلال : اوكي اليوم اشوف السايق واقولك
ناصر : يابعد جبدي انتي
دلال :لاتقول هالحجي استحيي :$
ناصر :فديت اللي تستحي
دلال :تفدااااكـ 3>
ناصر : اوكي يلا انا الحين بنزل الديوانية الساعه 6 انتي بالجمعيه اوكي
دلال : اوكي يلا باي
ناصر: بايات
صكته دلال وقامت لبست بنطرون اسود وقميص بربري بيضة وجفست الجم عشان يبين البربري وسوت شعرها عنقوص كان شكلها عجيب ولبست كعب خفيف حطت ايلاينر عريض وحمرة حمراا
__
عند ريم
يت بتنام طرى على بالها اللي دزلها مسج قامت شافت تليفونها وقرت المسج مرثانيه قعدت تفكر يعني الحين هذا يعرف اسمي ويحبني منو هذا ياربي ؟؟
قامت دزت مسج ثاني
(انت منو يعني تعرف اسمي ومستحيل تكون غلطان بالرقم منو انت وخلنا تنفاهم ؟)
يت بتنام ولا تدش عليها شوق
شوق : رييم
ريم : نعم شوق
شوق : ريم سويت فيس بوك
ريم : ياسلام وان شالله شحقه
شوق : انا مو يايه اقولج انا يايه اسالج عادي احط صوري ؟
ريم : تكلمي عدل ,, وبعدين اذا فكرتي تحطين صورج بتشوفين شي عمرج ماشفتيه
شوق : عادي شفيها يعني !!
ريم : والله عاد اخوي بدر عنده اكاونت ويعرف هالسوالف ان شافج وشاف صورج بتروحين فيها احسلج اقصري الشر ولاتحطين
شوق :اوف انزين شنو هذا شهالديمقراطيه
ريم :اسمالله يا ام الديمقراطيه
شوق : انا اروح داري احسن
ريم :روحي احد ماسكج
__
عند حور
حور :شوفي نور
نور :نعم ؟
حور :انا كلمت امي على اساس اني بروح بيت رفيجتي مسويه حفله
نور : اوكي ؟
حور :وامي طبعا مارضت وقالت ريلج على ريلي
نور : وليييه يعني اروح وياج
حور : ايي وبتلبسين نفنوف وتسوين شعرج وان رحتي هناك وتكلمتي والله بتشوفين شي عمرج ماشفتيه
نور : مثل شنو يعني
حور :تروحين وتعرفين وان تحجيتي وقلتي حق امي شي ياويلج
نور : انزين انا الحين بنام وراي امتحان اذا صار باجر يصير خير
حور :تصبحين على خير
نور : وانتي من اهل الخير
__
عند فهد
فهد :وااي فكه خلصت هالهوم وورك شنو يغث
خالد : حظك خلصت
فهد : بدق عالربع وبروح اتعشى وانت اطحس
خالد : ماتطلع الا وريلي على ريلك
فهد :طاع هذا صدق !! اصلا ومن قالك بنطلع وانت تدرس المطعم ايينا لي اهني
خالد : فديتك والله
دق فهد على مطعم بيتزا يوصلهم وقعدوا يتعشون
خالد : فهوود على طاري ابي رقم احمد اليديد
فهد : تلقى التشب مال الكويت بالدرج اخذه وحطه على اي تليفون وطلعه من المسجات
خالد : اوكي بس اذا خلصنا
فهد : براحتك
خلص خالد وقام غسل ايدينه وخذا التشب مال خط الكويت وحطه بتليفون فهد
ولا يوصل مسج حق فهد بالخط الكويتي فجه فهد بالغلط ولايقرا
كان ويه خالد جذي !!
وكان مسج ريم كاتبه
انت منو يعني تعرف اسمي ومستحيل تكون غلطان بالرقم منو انت وخلنا تنفاهم ؟
خالد : فهوود
فهد : هلا
خالد : انت تكلم !!
فهد : لا طبعا ليش
خالد : ومنو هذي
فهد : هذي وحده
خالد : لا والله فهود احلف
فهد : اقعد خلني اقولك السالفه
وقاله السالفه كلها
خالد : مشالله وانا اخر من يعلم
فهد : قــصدك اول واخــــــر واحد
خالد : بالضبط ,, الله يوفقك جان في نصيب بينكم
فهد : ايبااااااه هذا الرفيج السنع
خالد : اقول اسكت عاد انا بروح اكمل دراسه
فهد :اوكي قام فهد وقعد يكتب مسج حق ريم
( شوفي ريم انا واحد حيل قريب منج ريم انا مابي اطيح من عينج لكن من عقب اخر مره انا حبيتج ريم انتي تغيرتي عن قبل حييل وانا صراحه احـــــــبــج )
__
عند ريم
كانت قاعده تتغدى
بوبدر : ها ريم مابقا شي عالعطله
ريم :اووف حده فكه
بوبدر : عاد انشالله يايبه نسبه ترا الحين انت ب11 ولازم اتجمعين درجات حق 12
ريم : اي يبا انشالله
بوبدر : وانتي شوق ماكو طلعه قعدي درسي
شوق : شنو يبا اشمعنى انا
ام بدر :لانج انتي الوحيده من عيالي كلهم يايبه هالنسبه
شوق :اوف انزين
دش بدر وكان توه راد من الدوام
بدر : السلام وعليكم
بوبدر : هايبا شفيك تعبان
بدر : يبا الشركه اللي انا اشتغل فيها دروا عن المناقصه اللي بشركتكم وشكلهم ناوين شر
بوبدر : افا يابدر من الحين تروح تقدم استقالتك واتيي تشتغل وياي
بدر :يايبا وشعبالك انا اصلا قدمت استقالتي وباجر بيي عندكم الشركة
بو بدر : خلاص احنا نضبطك بس كلم عمك بوفهد يضبطك
بدر :ان شالله يلا يبا انا بروح انام
ام بدر : يبا بدر ماتبي غدا ؟
بدر : لا يما شبعان
ام بدر : على راحتك
خلصوا غدا وقاموا
راحت ريم دارها خذت تليفونها ولا تلقى مسج من (النشبه) كانت مسيفتة باسم النشبه
وقرت المسج
( شوفي ريم انا واحد حيل قريب منج ريم انا مابي اطيح من عينج لكن من عقب اخر مره انا حبيتج ريم انتي تغيرتي عن قبل حييل وانا صراحه احـــــــبــج )
ويها قام يقط الوان
جان ترد عليه انت منو ؟؟؟
بنفس الوقت فهد كان ينطر منها مسج رد عليها
انا فهد

[العيون الخليجيه]

بنفس الوقت فهد كان ينطر منها مسج رد عليها
انا فهد ​
ودق عليها
ريم : أأألو !
فهد : شلونج ريم
ريم : منو ؟
فهد : انا فهد
ريم :اي فهد << تحت تأثير الصدمه
فهد : هه فهد ولد خالتج
ريم (لا اراديا ) : فهد انت تحبني ؟
فهد : ريم انا اعشقـــــــــــج
ريم : ايي
فهد : شنو اي ريم انا ابي اسمع ردج
ريم : فهد ترا حتى انا احبك
فهد : يابختيييييييييييييييييييييي
ريم : ماتوقعتك تحبني
فهد : ريم انتي متضايقه شي ؟
ريم: الا طايره من الفرحه , فهد متى بترد
فهد : الصيف هذا باخذ صيفي ماعتقد برد مطول
ريم : اممم ,, اوكي انا الحين مضطره بصكره راده من المدرسه متغدية وتعباانه
فهد : اوكي يلا نوم العوافي
ريم : يعافيك
صكته ريم واهيا طايره من الفرحه ونامت
___
عند حور
حوور : لبسي هالنفنوف
نوور : اي شي ضيييييج وقصيير
حور : شتبين يهبل
نوور : حور انا مو مثلج ضعيفه
حور :مالج شغل قيسيه
قاسته نور وكان فعلا ضيج
نوور: مابي حوور مابييه
حور : غير جذي قعدي بالبيت
نور : اووف انزين بلبسه
ولبست حوور نفنوف فوشي لي نص الفخذ وومن ورا الظهر كله مبين وسوت شعرها كيرلي
ولبست عبايه ونور لبست جاكيت فوقها
راحوا بيت روان"البويه"
اول مادشت جان اتيي روان وكانت لابسه جينز وتي شيرت اسود !! نور منصدمه
جان حور تلم روان حيييييييل
ولا تقعد روان تبوس حور
نوور كانت وضعها حده صدمه وفاجه عينها اقوى شي
جان اتلف حوور على نور
حور : روون
هذي اختي نوور
مدت ايدها روان : اهليين
نور : هلا
راحوا نور وحور الحمام
نور : انا مستحيل اقط جاكيتي حوور احنا وين قاعدين شهالاماكن
حوور : شتبين رفيجاتي
نور : حور انتي تستهبلين مرافجه بويات !!
حور : تحجي عدل لا اقص لسانج قطي جاكيتج لا والله افشلج
نور : قطيعه اوريج وقطته وراحت قعدت
طبعا نور اول مره تشوف هالاشياء شافت
-وحده واقفه بالزاوية وجدامها بويه تبوسها
-وحده قاعده فوق بويه وتتمييع
نور حزتها بتطلع من كثر ماهي منقمته وتشوف اختها ترقص مع البوويات ومستانسه
قامت نور راحت الحمام وقعدت تبجيييي
دزت مسج حق فهد
(فهد وينك اشتقتلك لو تشوف اللي عندي :"( )
ردت نور مكانها وقعدت تشوف واهيا تحترق من داخل
جان اتييلها وحده شكلها مو بويه ليدي
.. : قوه
نور : الله يقويج
.. : معاج طيبه
نور : سو ؟
.. : امشي معاي
نور : وين ؟
.. : نستانس بالحديقه نشرب زقاير وجذي
نور : احترمي نفسج وين قاعدين انا اشرب
طيبه : والله عاد مادام انتي يايه هالمكان اكيد عندج سوابق
نور : والله حبيبتي الظروف حدتني اني ايي ولا انا مااتشرف
طيبه : احترمي نفسج لا تشوفين شي ماشفتيه
نور: هوب هوب شسويت انا عشان هالتهديد
طيبه بخباثه : ياللي ماتسحين على ويهج بصراخ
يت حوور : طيوب شفيج تصارخين عليها
طيبه : قليلت ادب تقول ماتتشرف اتيي هالاماكن
حوور : نور انا شقتلج
نور : قعدت تبجي وراحت الحمام لبست جاكيتها ودقت على حمد
حمد : هلا نور
نور : حمد انا ببيت رفيجه حور ومليت عادي اتيي تاخذني
حمد : اوكي بس دزيلي العنوان
نور : اوكي يلا ناطرتك
وطلعت نور لبست جاكيتها وراحت وقفت بالحديقه
يا حمد خذاها
حمد : شفيج ؟
نور :مافيني شي بس حدي متملله رفيجات حوور سخافه
حمد : قايليلج شي ؟
نور : لا بس يعني مو كبري وامي قالتلها ماكو روحه الا وانا وياها
حمد : اشرايج
نور : شنو
حمد : انغير جو ونرووح ماك البحر
نور : شايف لبسي
حمد : مافيه شي والجاكيت مغطي
(حمد حده فريييييييييييي)
نور : يلا
ووداها حمد ماك البحر وقعدوا واستانست وياه صج غيرت جو
عند حور ردت البيت معصبه
حور: نووور نوور
نور : شتبين
حور : انتي منو رداج البيت
حمد : انا
حور : اهاا
نور : عندج مانع
حور : جب نور جب مالي خلقلج
نور راحت دارها شافت فونها ولا 5 مس كول من فهد
دقت نور عليه
فهد : نور شفيج ؟
نور : مافيني شي حور متغيره
فهد : من اي ناحيه
نور : كل شي فهد كل شي وقعدت تبجي
فهد : نور هدي قوليلي كل شي
نور : لو اقولك ماراح تفهم هالاشياء
فهد : قولي كل شي
نور : ماقدر ماقدر
فهد : ليش يعني اهيا قايلتلج لا تقولين حق احد ؟
نور: تقريبا
فهد : قوليلي واوعدج يكون سر
نور : فهد حور من حثاله المجتمع
فهد : قصدج ؟
نور : رفيجاتها كلهم بويات وليديات
وقالت حق فهد السالفه كلها من الف لي ياء
فهد : هذا كله يطلع من حور
نور : لمن اقول تتكلم بالفون وايد وكذا مره اجكها عبالي صبي طلعوا بويات
فهد : خليها علي
نور : ليكون تقولها ؟
فهد : لا ماراح اقولها بس انتي تطمني
نور : الله لا يحرمني منك احبك ياخوي
فهد :حياتي خيتو انا اكثر ,, يلا انا بصكر الحين عندي محاظره
نور : صكر يافهد ياعل كل الله يوفقك بكل مكان
صكه فهد ودق على ريم
ريم : الو
فهد : هلا وغلا
ريم : هلا فيك :$
فهد : ريوم بسالج سؤال وجاوبيني صج ؟
ريم : آمر
فهد : حور اختي شسالفتها مع البويات
ريم : ها
فهد : حور اختي شسالفتها مع البويات قولي الصج ريم
ريم : اهيا لمن دشت الثنويه تغيرت 180 درجه مدرستهم خرابه وكلها بويات واحتكت وياهم
فهد : عشان جذي
ريم : ليش شصاير
فهد : قالها كل شي بس حرصها انه ماتقول حق احد
فهد : ريم تقدرين تغيرينها ؟
ريم : فهد اختك ماتطيع الحجي شسوي وياها !!
فهد : انتي حاولي تكلمينها ياريم وان شاءالله تسمعلج .. وبهالعطلة ابيج تقربين منها حيل
ريم : من عيوني
فهد : فديت عيونج ,, يلا انا الحين بصكر اوكي
ريم : اوكي
فهد : مع السلامه
ريم :الله يسلمك
صكته ريم وقعدت تفكر شلون فجاه صارت تحبه وتعشقققه وتموت بترابه معنى هذي ثاني مكالمه بينها وبينه لالا انا احبه من زمان بس
توني اكتشف ... اهوا بعد من يوم كنا يهال يدافع عني وااي فديته

[العيون الخليجيه]

عند ناصر و دلال بالجمعيه
طبعا دلال كانت ماتحب سوالف المواعد فكانت تواعد ناصر بس يشوفها من غير مايكلمها
وقفت دلال عند المول وكانت واقفه عند زعتر وزيت
مر عليها ناصر وكان المول فاضي جان يقول : امووت انا ؟؟
استحت دلال وكملت تسوي روحها معصبه واركبت سيارتها ولا تليفونها يرن وكان ناصر اللي داق
ناصر : شفيج رحتي بسرعه استحييتي ؟
دلال : مو اتفقنا مانتكلم تقط قطه
ناصر :شسوي مو حاس بعمري والله حدج اتينيين
دلال : انزين بس لا تتكلم جذي !! ماارضى
ناصر :عشتوااا يايبا انا ريلج يعني عاد
دلال :لا ملجنا ان شاءالله ذيك الساعه يصير خير
ناصر : انا شكلي لا ملجنا باخذج وبنحاش انا ويااج
دلال : هههههههههه راح اكون حلالك
ناصر : يعني عاديي !
دلال : ايي اصلا انا شنو ابي من الدنيا غيرك امي وابوي الله يرحمهم
ناصر :الله يرحمهم وسكت فتره ,, الا ماقلتيلي
دلال :شنو ؟
ناصر :شلون الدرااسه ياحلوو ؟
دلال :زيينه ياقمر بس ودي بشي
ناصر : امري تدللي
دلال : ودي اكمل الماستر والدكتوراه
ناصر : خوش ليش ماتقدمين بوزاره التعليم العالي
دلال :ايي فاتحين باب القبول
ناصر : جربي حظج @@
دلال : بروح امريكا
ناصر :هي هي هي انتي !
دلال :شنو
ناصر :ما اتفقنا على جذي تبين اخذي بالكويت ولا نطري لين نتزوج واسافر انا وياج
دلاال : وااي عادي شفيها
ناصر : لا مافيها بس بتقعدين بالكويت ولا ماكو
دلال : عاد شدعوا اذا انت بتوافق الاهل بيوافقون
ناصر : ههههه احسن
دلال :عيالنا بخليهم يطلعون ويسافرون ويسوون اللي يبوونه
ناصر : ومن قالج برضى
دلال : كيفك اناا امهم راضيه
ناصر : انا ابوهم مو راضي
دلال : حزتهااا يصير خير اوكي
ناصر :اوكي
دلال :اوكي ناصر انا بصكر لانه الحين
ناصر :اوكي تيك كير حبي
دلال :يلا باي
صكه ناصر ونزل يلعب مع حمود وغنوم
يت منار : رانييي رانيي
ناصر : منار راني بالمطبخ
منار :وان شاءالله قطت عليك اليهال وراحت من غير ماتقولك
ناصر :لااا اهيا قالتلي بتروح تتعشىى وقتلها روحي
منار : اشوى
ناصر : الحين اقدر اخلي عيالج لاني بروح الدوانيه
منار :اوكي
طلع ناصر وراح الديوانيه
____
عند حور كانت قاعده تتكلم بالتليفون وكانت الساعه 1ونص بليل وكان حزتها دووامات
كانت ام فهد تجيك عالبيبان وفجاه سمعت حور تضحك
راحت عندها فجت الباب لقتها تتكلم تليفون
حور :لحظه ,, ها يما ؟
ام فهد : شنو ها !! منو تكلمين ؟
حور : يما رفيجتي
ام فهد : يلا صكري ونامي باجر عندج دوام
حور :اووه يما انزين
ام فهد : انا شنو اقولج عطيني فونج
حور :شنو انا ياهل تاخذين تليفوني
ام فهد : ايي ياهل يلا صكريه وتعطيني الحين ماني طالعه قبل لا تعطيني
حور :اووف انزين
الو
روان :حبي انا سمعت كل شي عطي امج التليفون
حور : اوكي يلا جاو
وصكته وعطته امها
ام فهد : ناميي بيي عقب نص ساعه ان شفتج قاعده ياويلج
حور : تجنيد مو بيت ويع
ام فهد : حوور احترمي نفسج لاوالله تشوفين شي عمرج ماشفتيه
حور : انزين انزين
قعدت حور تتقلب لين نامت
__
عند بدر
بدر : لا طبعا من صجج تبيني اكمل عندهم
سلمى :بس عادي يعني مااحسه يسوى وشغلك زين عندهم
بدر : لا يعني الشركه ضد شركه ابوي ولو اشتغل عند ابوي بيصير شغلي عدل واشتغل على شي يسوى على حلالنا مو حلال غيري صح !
سلمى : والله مادري انت ادرى
بدر :اوكي حبيبتي يلا نامي عشان انا بنام باجر ورانا دوااام
سلمى :وااي مالي خلق
بدر : عن الدلع يلا قومي نامي
سلمى :اوكي يلا باي نوم العوافي
بدر : يعافيج بايات
___
الصبح ببيت ام بدر
ام بدر : ياا رييييم ,,, ياا شووووووووووق يلاااا قووموااااا
رييم :انزييين دقيقه بس دقيقه
ام بدر : ماكوو قوومي
رييم : يما روحي قعدي شوق قبليي اهيا تطول بالحمام
ام بدر واهيا تقعد شوق
شوق :شوق يماا قعدي ريم قبل
ريم : ياشووق انا الكبيره انتي روحي الحمام قبلي
ام بدر :لا اله الا الله الحمامات واييد قوموا الساعه 7 وربع الساعه 8 امتحاانكم
قامت ريم واهيا تتحلطم : والله العظيم شنو هذا شفيها اذا حطوا الامتحان العصر مالت عليهم
طلعت من الحمام بدلت ونزلت تتريق
ريم: ميري
ميري :نعم
ريم : وين كورنفليكس
ميري : خلااص
ريم :انتي شنوو ؟ لييش ماقلتي حق بابا عشان يشتري انا الحين لازم اكل شنو اكل يعني مرثانيه ياويلج ان ماقلتي حق بابا فاهمه انا الحين شاكل ؟
ام بدر :بس ياريم شفيج ؟
ريم : يماا ماكو كورن فليكس
ام بدر : ميري شنو هذا الحين انتي ليش ماكو قول ( عاد ام بدر قعدت تزف ميري زف )
ريم :انزين روحي سويلي جاي حليب ويبي كورن فليكس ابيض (بونمر )
ميري : انزين
ريم: شوووووووووووق
شووق :نعم
ريم : يلا تعالي تريقي لا تاخريني الكل يخلص الا انتي
شوق :انزين واهيا تصارخ لانها بالدار
طلعت ريم وراحت ثنويتها وقطت شوق عالمتوسطه
ريم :اهليين مريوم
مريوم : هلا فيج هادرستي عاد هالبدنيه عله
ريم : ايي بس سهل المشكله الفيزيا باجر
مريوم : ايي حده

عقب الامتحان الساعه 12:00 الظهر
طلعت ريم وراحت الفرع حق المطعم الهندي وكان زحمه كله مصبنه
عطت السايق فلوس وقالتله شنو تبي لانه مستحيل تدش بين الشباب ,, واهيا بالسياره ولا السياره اللي يمها فيها واحد ويتحرش فيها ويطق الباب ويطق واهيا لافه الصوب الثاني
جان تقوم وتقفل باب السياره لانها خافت احد يدش
ياب السايق الاكل وراحت البيت كلت ونامت