خلطة البيض و الزيت زيتون !! منو جربها

[انفال]

خلطة البيض و الزيت زيتون !! منو جربها

بسم الله الرحمن الرحيم

شحالكم بنات ان شاءالله مرتاحين؟ و شخبار الاجازه معاكم؟

شدني فالقسم اكثر عن وحده تمدح خلطة البيض و زيت الزيتون .... منو جرب الطريقة ؟ و كيف نقدر نسوي الخلطه ... و شو هي فوايدها؟

اتمنى اللي تعرف ما تبخل علينا

و دمتم بود

[انفال]

خلطه بياض البيض + ملعقه زيت زيتون يستخدمونها لتجاعيد العيون

الطريق:

تخلطين زلال البيض مع ملعقه طعام زيت زيتون تضربينهم بالشوكه عدل

انا مرتين جربت و عقب تعايزت بدال الشوكه حطيتهم بغرشه صلصه طماط مغسوله

و قمت اخضهم لين ما رغى

عقب تحطينه تحت و اطرالف العيون و تمين 20 دقيقه من دوووووووووووون حراااااااااااك

تمسحينه بماي ورد

الطريقه شفتها مجله طبيب اعشاب (للتجميل ) كاتبنه

[انفال]

هلا فديتج......

بخصوص الخلطة انا استخدمها الصراحة ورب الكعبة انها رجعت شعري وطولتة وصار احسن عن قبل بواااااااايد حتا التساقط خف وااايد واااايد.....

بس الخلطة مب بس بيض وزيت زيتون انا الي استخدمة .....

حسب طول الشعر

3 خواشيق طعام زيت زيتون
3 خواشيق طعام زيت خروع
3 خواشيق طعام زيت جوز الهند نارجين الأخضر مال هنود
مرات احط زيت سمسم بعد اذا كان متواجد اذا ما كان متواجد عااااااااادي

واحط بيضة كاملة مب بياض بس او صفار احط وحدة كاملة
وعقب احطهم على شعري وافرك الفروة لين ما احس انة الخلطة تداخلت فالشعر بس افرك برقة مب بدفاشة
عقب اغطيها بالأمنيوم الشفاف مال الأكل مب بالكاب ولا كيس ولا قصدير الشفاف الي نغطي فية الأكل اتمنى عرفتوة
وبعد ما اغطية اخبق كم من خبقة عشان يتهوى الشعر اوكيك

احطها الظهر اول ما انش من الرقاد واخليها لين اليل الساعه 10 او 11 او حتى 12 حسب ما تبين بس تخلينها اكثر عن 3 او 4 ساعات واهم شي تداومين عليها انا صار لي 4 شهور تقريبا اسويها بس مب كل يوم 3 ايام فالأسبوع يوم اتمين يالسة فالبيت سوي بس اذا بتظهرين لا تسوينها ....

اتمنى تستفيدون منها مثل ما استفدت منها يااااااااااااااارب

وربي ما اجذب عليكم كان شعري متقصف وخفيف حتى ماروم افتحة اذا عندنا عرس او حفلة او حتى لمى بس الحين الحمدالله وكل ما اجوف شعري اسجد لرب العالمين انة رد لي شعري الف الحمدالله على هالنعمة....

[انفال]

حبيبتي اخلطي صفار البيض مع فنجان زيت الزيتون الاصلي على الجذور فقط لمدة ساعتين ولمدة ربع ساعة مساج بالبداية وتعاد العملية كل 10 ايام ولمد 6 اشهر على الاقل وان شاء الله يفيدح