أفضل قصائد الشاعر الغنائي سعود سالم

[انفال]

أفضل قصائد الشاعر الغنائي سعود سالم

قصيدة من سنين

من سنين وانا قلبي ساكت .. حابس بصدري الكلام
من سنين باأمن عيني .. لشوفتك لو في المنام ..
كنت احبك .. وانا داري .. ان حبك .. مو قراري
قلبي ما شاور عيوني .. شي ماهو بأختياري
من سنين .. من سنين .. من سنين وانا قلبي ساكت
كنت اشوف غيري يقولك .. يا حبيبي .. وكنت اغير
كنت لو المح خيالك .. انبسط وافرح واطير ..
وانت ما تدري بعذابي .. وش سوابي هواك
كنت بس مشغل عيوني .. كنت متعبني معاك ..
كنت احبك .. وانا داري .. ان حبك .. مو قراري
قلبي ما شاور عيوني .. شي ماهو بأختياري
من سنين .. من سنين .. من سنين وانا قلبي ساكت
دارت الدنيا بقلبي .. وضمت ايديني ايديك
انت فينك يا حبيبي .. تعبت انا ادور عليك
لا تذكرني بجروحك .. وانسى يا روحي الجراح
عيش ايامك حبيبي .. واللي راح يا عمري راح ..
كنت احبك .. وانا داري .. ان حبك .. مو قراري
قلبي ما شاور عيوني .. شي ماهو بأختياري
من سنين .. من سنين .. من سنين وانا قلبي ساكت

قصيدة أراضيك

اراضيك بالله قلي وين اراضيك
تعبت مسافاتي ماتعبت اراضيك
قول لي الزعل لي طال كيف الرضى ينقال
قول لي قول لي كلي امل فيك
ماينكتب بالماء ينمحي بالماء
كثرت جواباتي ولاتقرا بها كلمه
ياللي بحر عينك عطش منك العطش يضمى
زعلتني بنظره وارضيتك بنظره
سكنت بعيوني وبها خليت لي جمره
جرحت من حبك وصار محتار في امره

قصيدة يا حبيبي

ياحبيبي كل يوم صاحبك يشكي هموم
لا اقدر اصحي ولا انوم وانقطع حبلي المتين
مرني ورد السلام شوف واشسوي الغرام
الكلام ماهو كلام في بعدك تجف الايدين
ياقديمي وياجديد ويابعد كل القصيد
جنبي وعني بعيد ماتهنى بطرف عين
لولا انت من اكون ياندى كل الغصون
عينك بكل العيون نور تشرق من جبين

قصيدة هيلي يالله للمنتخب السعودي

هيلي يالله
يا منتخب يا سعودي
هيلي يالله يالله
اول ما نبدأ وشى نقول
بسم الله
باذن الله الفوز لنا
هيلي يالله يالله
يالسعودي اليوم يومك يا بطل
منك الابداع يغني من سأل
في صروح المجد لك شان ومحل
هيلي يالله يالله
منتخبنا اليوم ابدع وانتصر
فرح الجمهور واطرب من حضر
اسمنا مكتوب في كتاب الفخر
يا زمن سطر بمداد الذهب
لابس الاخضر ورانا العجب
اهتفوا وغنوا واجبكم وجب

قصيدة باركي يا كويت

باركي يا كويت
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت
آل الصباح .. لاح الصباح .. واكتسى عند المساء ياكويتنا افراح
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت
أرض السلام .. انتي السلام .. صوتك المسموع في صمت وكلام
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت
اليوم عيد .. عيدٍ وعيد .. ديم الرخاء والغز ياربي وزيد
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت

قصيدة بين السهر والناس

بين السهر والناس كنك معايا
الحرف لعيونك والعزف لغنايا
معهم يشوفوني اضحك وانا الولهان
يامعانق عيوني ياجرح ياسهران
حولي كثير احباب ماكنهم حولي
انتي معايا وبس منك ولك قولي
حبيبتي والله عمري وبعد ناسي
لاتقولي مجروحه انتي رجا يآسي
بين السهر والناس كنك معايا
الحرف لعيونك والعزف لغنايا

قصيدة حظيظ

حظيظ ربي عطى له ..
الحسن والعقل كامل والنطق فيه الحكم
قد خصني في جماله ..
بالعشق وضرب المثايل والمدح وخط القلم
اهواه حتى الثماله ..
بالفعل ماهو قوايل كم لي احبه وكم
ياللي في ظلمك عداله ..
تظلم وانا اقول عادل من يشبهك ما ظلم
آمر علي بدلاله ..
تلقاني حاضر وماثل في الحال امر يتم
اهواك حتى الثماله ..
بالفعل ماهو قوايل كم لي احبه وكم
يا بدر تم اكتماله ..
من اول الشهر كامل نورك تلألأ وعم
وفي القلب علا وبناله ..
بين الحنايا منازل امر عليه واحتكم
اهواك حتى الثماله ..
بالفعل ماهو قوايل كم لي احبه وكم
القلب فاض احتماله ..
كم له من العشق شايل ماقد تأوه وذم
اغيد ومالي بداله ..
لو يعرضوا لي بدايل ربي بحبه قسم
اهواه حتى الثماله ..
بالفعل ماهو قوايل كم لي احبه وكم

قصيدة عودتني

عودتنـي اذكر جروح .. وانسى جروح ..
عودتني ان عـز الحكي .. ألملم جروحـي واروح ..
تعبتني غيره .. وارتحت لك إحسـاس ..
ليه انتا انا أحبـك ؟ هوا انت ايه في النــاس ؟
يالايم جروحي حلمك على العشـاق ..
بعض العيون حروف .. وبعض الخدود اوراق ..
وانتا واحساسك تقدر معي تحلم ..
تقدر معي تحلم .. واقدر معاك اشتـاق ..
تعبتني غيره .. وارتحت لك إحسـاس ..
ليه انتا انا أحبـك ؟ هوا انت ايه في النــاس ؟
يا دفتر التذكار .. ياللي حروفك نار ..
مره اعشقك سكه .. ومره اكرهك مشوار ..
ولو تسمح تقل لي .. ان مر بك خلي ..
ليه بس في غيابه … تصير الليالي كثار ..
تعبتني غيره .. وارتحت لك إحسـاس ..
ليه انتا انا أحبـك ؟ هوا انت ايه في النــاس ؟