الاهتمام ثم الاهتمام ثم الاستمرااااااااار

[انفال]

مرحبا بنات

بنات اوجه كلامي حق اللي مو متزوجات

والمتزوجات لاتحرمونا من توجيهاتكم


وايد احنا البنات نحوس بهالقسم بالذات نبي نبيض ونفتح ونسوي ونرقع بعمرنا وكله نبي نتيجة سريعة وبدون تعب

ولو ماشفنا نتيجة من ثاني استعمال قطينا الاغراض وزهقنا وقلنا ماكو فايدة

ليش؟؟

من الكسل والعيز

كلنا كسولات

او نبلش بشي نتيجته اساسا مو مضمونة

بنات احنا بناااااااااااااات مو صبيان

احنا انااااااااااااااااااااااااااااث مو شباب

لازم الاهتمام والتسنع والتزهلق يكون فطرة فينا وشي نحبه ومانقدر نعيش بدونه
مو غصب واجبار كريه يدوم مدة قصيرة وبعدين يحوشنا الملل والعيز ونتركه !

ماكو وحدة ماتبي جسمها يصير زبدة
ماكو وحدة ماتبي لونها يصير موحد ومغري
ماكو وحدة ماتبي بشرتها تصير صافية
ماكو وحدة ماتبي لما تدخل مكان الكل يتكلم عنها وعن نعومتها وبشرتها اللماعة ولونها الصافي


وحدة قالتلي كلمة وللحين ترن باذني

لما تبدين بخلطة استمري عليها لما تشوفين النتيجة اللي انتي تبينها
مو كل يوم تستعملين خلطة وماتكملين وبعدين تقولين ماكو نتيجة


ابسط شي
حطي ببالج اني خلاص ليمتى بتكيسل
ليمتى بقول باجر بسوي باجر بسوي
في شي بعلم النفس اسمه البرمجة العقلية
برمجي نفسج على ان
انا بتغير
بسنع نفسي
انا انثى
انا ناعمة
انا حلوة
بصير احلى
لازم اتسنع
لازم اتغير
لازم ابدي اضبط جسمي
لازم اهتم بنفسي اكثر
انا مو كسولة
انا مو مهملة



الحين دقي سيارتج سلف وروحي الحواي
اشتري اغراض الخلطة اللي تبينها واشتري ليفة زينة وخشنة

واشتري زيوت

ورجعي البيت ضبطي الخلطة وجهزي كمية كبييييييييييرة تكفيج مدة طويلة علشان لاتتكيسلين تسوين غيرها وعقب ما تستمرين

وابدي بالتفرك
شالمشكلة؟؟
خليها عندج بالحمام عزج الله
كلما خذيتي شاور تفركي بالخلطة
سواء خلطة زيوت تتدهنين فيها ولا الخلطة الصابونية مالت مزيونة وشقره الله يعطيها العافية
ولا خلطة الهردة
ولا جلسرين وليمون
اي خلطة سمعتي ان نتايجها مضمونة بشرط الاستمرار سويها وسوي كمية كبيرة منها



اكلمكم عن نفسي

انا مو متزوجة للحين

اباطي كان محروق من الشيرة والديودرنت
فخوذي مكان الاحتكاك كانوا فيهم خطين سمر قلت مستحيل يروحون الا بالليزر
ظهري اسمر من جسمي مع اني بيضا بيضا حيل

مادري شياني قلت ليمتى بتم على هالحال انا م واقوم احلم ان هالسواد يروح
بنات احنا باجر ورانا زواج



بس قلت خلاص
شيسوى علي باجر لاطق بابي النصيب اقعد احورف بعمري وافتر من طبيب لي طبيب ولا من صالون لصالون ادور تبييض ولا تفتيح وكله على السريع واخبص عمري !

لييييييييش!!!!!!!!!!

افتح جسمي على الراحة من الحين احسن

على الاقل اكون عودت نفسي على الاهتمام بجسمي من الحين

لأن الوحدة اللي متعودة على الكسل
باجر لاتزوجت اوكي بتهتم بنفسها جم يوم

لكن مردها بتمل لأنها مو متعودة

الريال مايبي جسم مرقع
مايبي سواد يلوع الجبد بجسم فاتح
هذا عنده دليل اهمال البنت لنفسها ودليل وصاخة
يعني انتي بيضا ولا حنطاوية
السواد شماله؟؟
وين موقعه من الاعراب ؟؟؟
الريال يبي النعومة
يبي النظافة
يبي الريحة الحلوة
يبي لا لمس الجسم تزلق ايده من الزبدة



مع ان نتفرك بس مانهتم وايد يعني انا ماكنت اتدهن بهالزيوت ولا اتفرك بخلطات خاصة
يادوب صابون الشاور العادي والسلام


قعدت مع نفسي قعدة محترمة وحطيت النقط على الحروف

بديت اجهزلي خلطات وبكميات كبيرة

سويت خلطة مزيونه وشقره بس ضفت شغلات وايد وانواع وايد من الصابون المبيض
سويت خلطات حق السنفرة والنعومة
سويت خلطة الديودرنت اللي هي شبة وجلسرين وحطيتها بعلبة الديودرنت علشان استعمالها يكون سهل
شريت كريمات مبيضة ولوشنات وكريمات شد بشرة
شريت جل نيفيا السيليولايت
شريت وشريت وشريت

واستعملت

واستمريت


النتيجة فتاكة فتاكة فتاكة


السواد اللي بفخوذي صار بني فااااااااتح يادوب يبين

اباطي رجع لونه مثل قبل ويبيله شوي ويصير نفس لون زنودي

جسمي صار ناعم

الشعر اللي تحت الجلد كله راح

جسمي شد

السيليولايت بدا يخف بشكل ملحوظ وايد



استمروا يابنات والله الاستمرار اييب نتيجة

بالبداية تشوفينها صعبة او تعب تتفركين وايد وكذا مرة بالشاور الواحد

بس بعدين بيصير شي طبيعي وبيصير هذا روتين سبوحج وماتقدرين تغيرينه

انا الصراحة صرت لما اتسبح على السريع واطلع احس روحي وصخة

مع ان جسمي ريحته تكون صابون ويلمع

بس هم احس وصخة

ليش؟؟

لأن تعودت اني اطول بالحمام واحورف بعمري بهالخلطات

والله بنات استمروا وبتشوفون العجب






طولت عليكم ادري ::
بس كله علشان نشجع بعض
الوحدة مننا المشكلة تبي من يشجعها على الاستمرار

يالله كلنا موجودين علشان نشجع بعض


يامتزوجات افيدونا بتجاربكم ونصايحكم لنا علشان لانطيح باغلاطكم




حياكم الله

[انفال]

الله يسلمج رحت الحواي

شريت كريم روز وكريم كيلي وكريم فيداوت ولوشن ببايا
ورحت الجمعية وشريت جليسوليد وفير اند لفلي ولوشن نيفيا لشد البشرة لأن اللي عندي خلص

خلطتهم كلهم بعلبة وكليوم بالليل اتدهن جني عيوز والبس شورت قطن ابيض وانام للصبح او الظهر



ولما اقوم اخذ شاور بخلطة الصابون خالطة فيها ستعش الف نوع صابون مبيض :dddds:
سفيداب على ببايا على كركم على غار على صابون دوف على انواع وايد خمطتها من الجمعية وكلها مبيضة
زيادة الخير خيرين :dddds:

وبشرتهم ونقعتهم بماي ورد واتفرك فيهم اتفرك اتفرك واخليهم على جسمي 3 او 4 دقايق بعدين اغسل جسمي

بعدين اسوي ماسك من هردة وجلسرين وزيت لوز مر وملح خشن وملح ناعم وملح حليب اليوكو وملح اليوكو بالببايا وشبة وشوية سفيداب مثل سنفرة يعني

ادهن جسمي وبعدين اتليف بليفة عادية وادهن جسمي بزيت جلسرين بعدين اخذ شاور ماي خالي واطلع

ولما اطلع يا اما احط لوشن من ستيفز مادري سانت ايفز بالكولاجين
او لوشن نيفيا شد البشرة
او لوشن جيرجنز بالصبار
او لوشن الببايا


يعني انوع

وكان الله غفورا رحيم

[انفال]

تدرون السواد فى الجسم مثل الظهر والرقبه والبطن شنو أسبابه؟؟؟ من السموم الى فى الجسم

الى ناكله ونشربه يظهر نتيجته على الجسم

اكل غالبيه الكويتيات عباره عن شنو مطاعم الفاست فود اعيوش الحلويات بانواعها والبيبسى والقهوه شنو راح تتوقعون بشره الجسم والبشره ايصير فيها راح تتدمر

اهم شى بالنسبه لى الاهتمام بنوع الاكل الى ناكله انظف جسمنا من السموم نكثر من الخضروات والفواكه ونبدل العيش الابيض بالاسمر وناكل المشويات واهم شى السمج تاثيرها موطبيعى على البشره والشعر بالذات ونبتعد عن المقالى ونشرب ماى وخلال شهر راح اتحسون بالفرق الواضح على بشره الويه والجسم والشعر

النوم امبجر لمده لا تقل عن 7 ساعات شى ضروروى ومهم لصحه البشره ونضارتها لانه فى هالفتره تجدد الخلايا والنوم لازم ايكون فى الليل فى غرفه مظلمه مافيها اضاءه يعطى الويه نظاره ويخليه ممتلىء ترى من اسباب نحوف الويه وشحوبه مو بس قله الاكل او الرجيم قله النوم

الرياضه ثم الرياضه تشد بشره الجسم واتخلص الجسم من السموم الى يطلع مع العرق وحمامات السونا لها تثاير عجيب على البشره الجسم تعطيه نظاره واتقلل من السلولايت

بعدين نهتم بالعنايه الخارجيه للجلد من كريمات حمايه من الشمس ترطيب الجسم ضرورى بعد كل تسبح السنفره مهم تستخدمينها مرتين فى الاسبوع ولا تستحمون بدرجه حراره عاليه ماى دافىء وبعدها ماى بارد ينشط الجسم ويعطيه نظاره ويشده استخدام الليفه بحركات دائريه باتجاه القلب ينشط الدوره الدمويه

حمام مغربى من فتره لفتره

اهم شى الاستمراريه والله راح اتشوفون الفرق

[انفال]

بس هابة الحين بخلطة صابون وايد انواع خالطتهم مع بعض وكلهم صابون مبيض

تماااااااااااااام التمام

والحين بادية بخلطة

سفيداب مع هردة مع زيت لوز مر مع زيت ليمون مع زيت جلسرين مع صابون يوكو الحليب مبشور ومذوبته بماي ورد وسنفرة كريم كاب وسنفرة بي بي سي مارديكو
اخلطهم مع بعض وكلما بغيت استعملهم اخذ شوية منهم واحطه بطاسة واخلط معاه عصير ليمون فريش
علشان لاتخترب كل الخلطة

احطها على جسمي واقعد بالبخار واليوم انشالله بشتري بدلة السونا
علشان احط الخلطة والبس البدلة
منها بخار ومنها نضعف ومنها مانوسخ الملابس ونقدر نقعد فيها ساعة وزود بدل الوقفة بالحمام :ggdw:

عجيييييييييييييييييييييييبة

صج صج اقدر اقول ان لوني صار واحد

والله بنات هالخلطات ترى عجيبة بس يبيلها استمرااااااااااار


طبعا هذا غير اللوشنات اللي كتبتها بالموضوع وغير كريم اولاي بمفعول مضاعف الليل والنهار
تخلي البشرة مخمل مخمل والله



لايخمد هالبركان

رررررروووووووووووووووووووح يانظافة



حياكم الله بنات

[انفال]

لاتخلين يصيد عليج الريال بأي شي ..
وان صاد عليج شي عالجية بسرعة واستمري ولا تيأسين لأن الريال يسنى الصيدة الي صادها عليج
وانتي بشطارتج تنسينه وراح تثبتين له ان صيدته مو بمحلها :p
---> ادري جنها لغز بس الشاطرة تفهمها

* نعمي جسمج قد ماتقدرين من الشعر والأفضل سوي ليزر ..
ورطبي جسمك على طوووووول حتى عقب كل وضوء للصلاة

* المنطقة الحساسة على طول ايضا نعميها بالترطيب

* الشفايف لا تخلينها تجف ولا تعتمدين على القلوسات لأنها تجففها
فـ خلي الجلسرين والفازلين صديقج لترطيبها *_*

يعني : اذا توهقتي وحسيتي ان شفايفج جافين وانتي تبين تحطين قلوس او حمرة اي شي ..
حطي عادي بس فوقه لازم لازم ترطيب من الجلسرين على الأقل لو اشويه منه
اهني تنعم وتلين اليلده ومع الاستمرار راح تشوفينها مورده

* الاظافر : اهتمي فيهم ودايما خلي الألوان للأصباغ تكون فوااااااتح ,,
لاحظي الأجانب اشلون ناعمين والسبب ..
الألوان الفاتحة والهادية تبين النعومة في ايدج وفي ريولج

* القدم والتشققات : استعملي الجلسرين الكريم قبل وبعد الشاور وحتى عقب كل وضوء للصلاة
لأن الماي ينشف القدم من جذي تنشف الريل وتتشقق


خليج على طول على طوووول مترطبة بالكريم ودايما عودي نفسج عليه صدقيني بتصير نعوووومة
قولي ماقالت موزة :p

[انفال]

انا صارلي تقريبا 3 سنين والله العظيم ماتركت السبوح اليومي والخلطات اليوميه و التزهلق والتمزلق والحمام المغربي واللي يجسيني يسألني شنو احط على جسمي مع اني اسوي شي بسيط لاكن صار يومي طلعت نتيجه فتاكه وعلى قولت وحده تقولي صرتي شفافه

انا اايدج بكل كلمه قلتيها واحط ايدي بايدج مع البنات يبدون اهتمام بنفسهم لان هذا بيأثر على صحتهم ونفسيتهم لما الوحده تشوف نفسها حلوه نسيتها تصير اووكي والعكس صحيح و نفس الشي من ناحية الرشاقه والمثل يقول الوقايه خير من العلاج انا وانا عصاقيل لازم نادي صحي و دورات سباحه و شي يشد وشي يرفع وشي يقوي العضلات وهذا كله من صالحنا عشان ما نكبر ابسرعه ويرهلنا الزمن

[انفال]

شعر جسم ويه اندر ارم كتكوت ريولي اديني .. والله والله والله كان لوني اصفر على حنطاوي
وبشرتي لله .. حبوب وسمار وعدم توحد .. الحين لا اله الا الله حمات اختي وخالتها ام زوجها
يقولون حق اختي وااي اختج لونها اينن ماشفناها جذي قبل مالحظناا ..

فعلا فعلا فعلا الاستمراااااار الاستمراار بنات .. هدوا الكسل وغيروا روتينكم وخلو هالخلطات
مثل الاكل والماي ..

اليوم اقوم من النوم اسوي جذي وجذي وارطلع الدوام .. ارد اسوي جذي وجذي واريح واتغدى

ولما اقعد بعد العصر احط بشعري جذي وجسمي جذي بعدين سبوح وقبل النوم احط هالشغله وهالشغله

وكللل شي راح تتعودون عليه .. وسووا وانسوا لاتراقبون النتيجه ابد سوي وقطي بحر وخلي الناس

اهي اللي تتكلم وساعتها بتعرفين انج وصلتي للي تبينه .


الف الف شكر حدووور والله لايحرمناا منج :*​