زوجي تخلى عني وعن بنته :(

[العيون الخليجيه]

السلام عليكم ورحمة الله وبركاته

بنات آنا من قبل كاتبة لكم مشكلتي في موضوع حياتي الزوجية على وشك الإنهيار

الموضوع اليديد خلافي مع حماتي الصغيرة الي عمرها16 ماتحترمي وصار كل شي على مسمع من زوجي بس مايرضى على أهله هذا غير إن أهلها مقوين شوكتها آنا أحب ريلي وااايد بس يعز علي الي يسويه فيني عشان أهله إلي أحنا ضحينا بأشياء وااااااااايد عشانهم ريلي معاشه كله قصد قرض يصفالنا 290 وبدل الأجار قاطيعنه عشان والله حماي مادفع هالشهر دفعنا أحنا 220 دينار وكنا على ويه عيد الله يعافي معاشي لأني الحين موظفة أهوة إلي مقزرنا وكل هذا مو مبين خالتي قايمة في بنتي بس ماترضى على بنتها قالتلي ليش ماتخلين عمتها تشوفها قتلها مابيها أهية مو حاشمتني وكذا وياهل تقولي لا تقولين عنها ياهل شنو شايفتها مصاصتها بحلجها وريلي نفس الشي هذا غير إن خدعوني ماعندهم بيت وكلنا قاعدين بأجار صج شقتي فوق بروحي بس ماكو لي خصوصية كل من يصعد فوق الي يبطل الثلاجة وياخذ كل الي يبيه وآنا ريلي يجيل حق شهر ومايبني أمنع أهله لا ياخذون شي والله يبنات يوم وفاة الأمير ركنت بيت أهلي نايمة لأنه ريلي محجوز رحت شقتي آخذ ملابس ولا ماخذين كل الي بالثلاجة مابقى لبنة أجبان حليب عصير بيض كتشب الحجم لعائلي البيبسي تخيلو هذا كله دايت شلكم فيه ولا يابنات إذا رحت الجمعية قالولي يبي جذيه أييب ولا أحاسبهم ذالك اليوم خالتي متصلة فيني شناقصج قتلها جذيه وجذيه تصدقون يايبتلي الفاتورة ولا ماعندي خادمة خادمتهم تييي تشتغل عندي أي كلام ولا أدعس عليها فلوس وكل شي وكل ساعة منادينها بنتي الحين عمرها 6 شهور وأرد آنا من الدوام الساعة 3 مقدر أنام ولا شي وريلي ينام يشبع نوم وآنا إلي هلكانة آخر شي قالي زين اييبلج خدامة عاد نطرو متى وقالي بدربج على سياقة السيارة ولي الحين أنطر فلان وعلان يودوني أقضي أشغلي وغير أهوة كله هايت لي الفير ومخليني آنا وبنته على بو إن أهله بالبيت آنا أحبه ومابي أخسره بس أهوة إي حادني ولا رديتبيتنا لأنه صارت سالفة شفت الخادمة لابسة بنجابي آنا شاريته لها حق القرقيعان وينيت آنا ريلي يقول عادي جان أقوم آنا واقولها كل هدومي إلي عطيتج إياها رديهم خالتي ينت المهم ريلي عصب أمس أقول حق ريلي آنا نايمة بيت أهلي بنتك تعبانة خل نوديها الطبيب حاقرني لي قطني بيت أهلي وخلاني أول ولي اليوم مادق سأل عن بنته وآنا وديتها مع أمي البنت صدرها كله بلغم وخشمها مسكر وهذا زعلان ولا يرد على التلفونات والمسجات كل هذا عشان سالفة أخته وأمه وأكيد أهم لا عبين براسه قتله طلعني بشقة بروحي قالي هذا آنا تبيني تعالي ماتبين قعدي بيت أهلج عاد أمي متحلفة فيه إلا تطلع حرة صياحي تقول طاح من عيني وين إلي يحبج وين كل هذا ولا وخالتي وأمي متهاوشين على الياهل ليش خالتي مو ملبسة الياهل كاب وأمي عصبت وهذيج طولت لسانها والله يبنات مادري شسوي الله يخليكم قولولي ماعندي أحد ينصحني أمي بتوقف بصفي واهله بيقوفون بصفه خالتي نسرة ولسانها طويل والكل يحسبلها ألف حساب تبي تمشينا على كيفها كافي خدعني وقال عندنا بيت وطلع على أبوه ديون وبلاوي وبايعين بيتهم بنتا آنا زوجي متزوجين عن حب ولا بالفترة الأخيرة قام يمد إيده علي ليش قمت أطول لساني عليه لأني والله تعبت من هالعيشة بس هم أحبه ساعات أحس ماعندي كرامة ماني قادرة أعيش من غيره
ساعدوني الله يخليكم